ମାଇକ୍ରୋସଫ୍ଟର କୋ-ଫାଉଣ୍ଡର କରୋନା ପଜିଟିଭ

କରୋନା ସଂକ୍ରମିତ ହେଲେ ମାଇକ୍ରୋସଫ୍ଟର କୋ-ଫାଉଣ୍ଡର ବିଲ୍ ଗେଟ୍ସ । ନିଜେ ଟ୍ବିଟ କରି ଏନେଇ ସୂଚନା ଦେଇଛନ୍ତି।

Published: Wednesday, May 11, 2022, 11:58 [IST]

ନ୍ୟୁୟର୍କ: କରୋନା ସଂକ୍ରମିତ ହେଲେ ମାଇକ୍ରୋସଫ୍ଟର କୋ-ଫାଉଣ୍ଡର ବିଲ୍ ଗେଟ୍ସ । । ନିଜେ ଟ୍ବିଟ କରି ଏନେଇ ସୂଚନା ଦେଇଛନ୍ତି। ବର୍ତ୍ତମାନ ତାଙ୍କର ସାମାନ୍ୟ ଲକ୍ଷଣ ପରିଲକ୍ଷିତ ହେଉଥିବା କହିଛନ୍ତି ଗେଟ୍ସ।

ସୁସ୍ଥ ନହେବା ପର୍ଯ୍ୟନ୍ତ ସେ ନିଜକୁ ଆଇସୋଲେସନ୍‌ରେ ରଖିବେ ବୋଲି କହିଛନ୍ତି । ସେ ବୁଷ୍ଟର ଡୋଜ୍ ନେଇଥିବା ସହ ତାଙ୍କର ଉତ୍କୃଷ୍ଟ ଚିକିତ୍ସା ସେବା ପାଇଁ ସୁବିଧା ଥିବା ପ୍ରକାଶ କରିଛନ୍ତି।

ବିଲ୍ ଆଣ୍ଡ ମେଲିଣ୍ଡା ଗେଟ୍ସ ଫାଉଣ୍ଡେସନ ବିଶ୍ବର ସବୁଠାରୁ ପ୍ରଭାବଶାଳୀ ଘରୋଇ ଫାଉଣ୍ଡେସନ ମଧ୍ୟରୁ ଗୋଟିଏ । ଯାହା ନିକଟରେ ପ୍ରାୟ ୬୫ ବିଲିୟନ ଡଲାରର ସମ୍ପତ୍ତି ରହିଛି । ବିଲ୍ ଗେଟ୍ସ ମହାମାରୀ ରୋକିବା ପାଇଁ ନିଆଯାଉଥିବା ପଦକ୍ଷେପ ସମର୍ଥନ କରିଛନ୍ତି। ଏଥିସହ ଗରିବ ଦେଶ ମାନଙ୍କରେ କରୋନା ଟିକା ଏବଂ ଔଷଧ ଲୋକଙ୍କ ନିକଟରେ ପହଞ୍ଚାଇବା ପାଇଁ କାମ କରୁଛନ୍ତି ।
ଗେଟ୍ସ ଫାଉଣ୍ଡେସନ ଆଣ୍ଟିଭାଇରାଲ୍ କୋଭିଡ୍-୧୯ ବଟିକାର ଜେନେରିକ୍ ଭର୍ସନକୁ ଲୋକଙ୍କ ନିକଟରେ ପହଞ୍ଚାଇବା ନେଇ ଘୋଷଣା କରିଥିଲା । ଏଥପାଇଁ ୧୨୦ ମିଲିୟନ ଡଲାର ଖର୍ଚ୍ଚ କରିବାନେଇ ସ୍ଥିର କରାଯାଇଥିଲା ।

କିଛି ଦିନ ପୂର୍ବରୁ ବିଲ ଗେଟ୍ସ ଅନ୍ୟ ଏକ ମହାମାରୀ ନେଇ କହିଥିଲେ । ସାରା ବିଶ୍ବର ଲୋକ ଏହି ମହାମାରୀରେ ପ୍ରଭାବିତ ହେବା ନେଇ ସେ ମତ ରଖିଥିଲେ । ବର୍ତ୍ତମାନ କୋଭିଡ ମାମଲା ହ୍ରାସ ପାଇବାରେ ଲାଗିଛି, କାରଣ ସାଧାରଣ ଲୋକଙ୍କ ଠାରୁ ଆରମ୍ଭ କରି ସମସ୍ତେ ଭାକ୍ସିନ ନେଇସାରିଛନ୍ତି ।

Published On May 11, 2022