ଭାରତୀୟ ବଂଶୋଦ୍ଭବଙ୍କ ସହ ଦୀପାବଳି ପାଳିବେ ଆମେରିକା ରାଷ୍ଟ୍ରପତି

ଆମେରିକା ରାଷ୍ଟ୍ରପତି ଜୋ ବାଇଡେନ୍‍ ହ୍ୱାଇଟ୍‍ ହାଉସ୍‍ଠାରେ ଆଜି ସନ୍ଧ୍ୟାରେ ଭାରତୀୟ ବଂଶୋଦ୍ଭବଙ୍କ ସହ ଦୀପାବଳି ଉତ୍ସବ ପାଳନ କରିବେ । ଭାରତର ଐତିହ୍ୟ, ସଂସ୍କୃତିକୁ ସ୍ମରଣ କରି ଏବଂ ଆମେରିକା ଓ ଭାରତୀୟ ବଂଶୋଦ୍ଭବ ସମୁଦାୟମାନଙ୍କ ମଧ୍ୟରେ ସଂପର୍କକୁ ଦୃଢ଼ୀଭୂତ କରିବା ଲକ୍ଷ୍ୟରେ ଏହି ଦିବସ ପାଳନ କରାଯାଉଛି ।

ହ୍ୱାଇଟ୍‍ ହାଉସ୍‍ ପକ୍ଷରୁ ଜାରି ବିବୃତିରେ କୁହାଯାଇଛି ଗତବର୍ଷଠାରୁ ଏହି ପରମ୍ପରା ଜାରି ରହିଛି । ରାଷ୍ଟ୍ରପତି ତାଙ୍କର ମନ୍ତବ୍ୟ ଦେବା ପୂର୍ବରୁ ପ୍ରଦୀପ ପ୍ରଜ୍ଜ୍ୱଳନ କରିବେ । ଏହାପରେ ସେ ଭାରତୀୟ ବଂଶୋଦ୍ଭବମାନଙ୍କୁ ସମ୍ବୋଧିତ କରିବେ ।