ସୁଧୁରୁ ନାହାନ୍ତି ବାଂଲାଦେଶୀ ଉଗ୍ରବାଦୀ, ପୁଣି ହିନ୍ଦୁ ଯୁବକଙ୍କୁ ପିଟିପିଟି କଲେ ହତ୍ୟା
ବାଂଲାଦେଶରେ ପୁଣି ଜଣେ ହିନ୍ଦୁଙ୍କୁ ପିଟି ପିଟି ହତ୍ୟା । ଢାକା ନିକଟରେ ଦୀପୁ ଦାସ ନିର୍ମମ ହତ୍ୟାକାଣ୍ଡ ଘଟଣାର ସପ୍ତାହେ ନପୂରୁଣୁ ପୁଣି ଘଟିଛି ଲୋମ ଟାଙ୍କୁରା ହତ୍ୟାକାଣ୍ଡ । ୭ ଦିନ ଭିତରେ ଦୁଇ ଦୁଇଟି ସାଂଘାତିକ ଘଟଣା । ବାଂଲାଦେଶରେ ହିନ୍ଦୁଙ୍କୁ ହତ୍ୟା ଭାରତରେ ବି ତୀବ୍ର ଅସନ୍ତୋଷ ସୃଷ୍ଟି କରିଥିବା ବେଳେ, ପୁଣି ଘଟିଛି ନାରକୀୟ କାଣ୍ଡ ।
ପୁଲିସ ତଦନ୍ତ ଅନୁଯାୟୀ, ସମ୍ରାଟ ୨୦୨୩ ମସିହାରୁ ହତ୍ୟା ଏବଂ ଚାନ୍ଦା ଆଦାୟ ଭଳି ଅନେକ ଗୁରୁତର ମାମଲାରେ ୱାଣ୍ଟେଡ୍ ଥିଲେ ଏବଂ ତାଙ୍କ ବିରୋଧରେ ଗିରଫ ୱାରେଣ୍ଟ ମଧ୍ୟ ଥିଲା । ପ୍ରଶାସନ ଘଟଣାସ୍ଥଳରୁ ତାଙ୍କ ସହଯୋଗୀ ସଲିମଙ୍କୁ ଗିରଫ କରିବା ସହ ଅସ୍ତ୍ରଶସ୍ତ୍ର ଜବତ କରିଛି ଏବଂ ସାମ୍ପ୍ରଦାୟିକ ଆକ୍ରମଣର ଖବରକୁ ସମ୍ପୂର୍ଣ୍ଣ ଭାବେ ଖଣ୍ଡନ କରିଛି।
ପ୍ରାଥମିକ ତଦନ୍ତରୁ ଜଣାପଡିଛି ଯେ ଏହା କୌଣସି ସାମ୍ପ୍ରଦାୟିକ ମାମଲା ନଥିଲା । ମୃତ ଅମୃତ ମଣ୍ଡଳ ଜଣେ କୁଖ୍ୟାତ ଅପରାଧୀ ଥିଲେ । ସେ ଅଞ୍ଚଳରେ ଚାନ୍ଦା ମାଗିବାକୁ ଯାଇଥିବା ବେଳେ ଉତ୍ତ୍ୟକ୍ତ ଜନତା ତାଙ୍କୁ ଘେରି ଯାଇଥିଲେ। ପୋଲିସ ସମ୍ରାଟ ଏବଂ ତାଙ୍କ ସହଯୋଗୀ ସଲିମଙ୍କ ପାଖରୁ ଏକ ବିଦେଶୀ ପିସ୍ତଲ ଏବଂ ଏକ ପାଇପ୍ ଗନ୍ ଜବତ କରିଛି । ପୁଲିସ ଏହି ମାମଲାରେ ତିନୋଟି ପୃଥକ ମାମଲା ରୁଜୁ କରିଛି। ସରକାର ସ୍ପଷ୍ଟ କରିଛନ୍ତି ଯେ ସମ୍ରାଟଙ୍କ ବିରୋଧରେ ପୂର୍ବରୁ ଅନେକ ଗୁରୁତର ଅପରାଧିକ ମାମଲା ରହିଥିଲା।
Click it and Unblock the Notifications
Sign in with Google