ବାଂଲାଦେଶରେ ହିନ୍ଦୁଙ୍କୁ କରାଯାଉଛି ଟାର୍ଗେଟ୍: ପ୍ରଡ୍ୟୁସରଙ୍କୁ ପିଟି ପିଟି ହତ୍ୟା
Bangladesh Violence: ଶେଖ ହାସିନାଙ୍କ ଇସ୍ତଫା ପରେ ବାଂଲାଦେଶରେ ହିନ୍ଦୁଙ୍କ ଉପରେ ଆକ୍ରମଣ ବଢିବାରେ ଲାଗିଛି । ବାଂଲାଦେଶରେ ହିଂସା ବନ୍ଦ ହେବାର ନାଁ ନେଉ ନାହିଁ । ସୋମବାର, ଶେଖ ହାସିନାଙ୍କ ଇସ୍ତଫା ଦିନ ଏବଂ ସରକାରୀ ଗଠନ ଦିନ ବାଂଲାଦେଶରେ ବହୁ ହିଂସା ହୋଇଥିଲା। ଏହି ସମୟ ମଧ୍ୟରେ ବାଂଲାଦେଶରେ ହିନ୍ଦୁମାନଙ୍କୁ ଘରକୁ ଟାର୍ଗେଟ କରାଯାଇଥିଲା। ଧୀରେ ଧୀରେ ହିନ୍ଦୁମାନଙ୍କ ଉପରେ ଆକ୍ରମଣର ବଢିବାରେ ଲାଗିଛି। ଏପରିକି ହିନ୍ଦୁମାନଙ୍କ ଉପରେ ଆକ୍ରମଣ ଜାରି ରହିଛି।
ବାଂଲାଦେଶରେ ହିନ୍ଦୁମାନଙ୍କ ଘରୁ ଲୁଟ କରାଯାଉଛି। ଏହା ବ୍ୟତୀତ ଅନେକ ସ୍ଥାନରୁ ହିନ୍ଦୁମାନଙ୍କୁ ମାଡ ମରାଜାଉଥିବାର ମଧ୍ୟ ଖବର ରହିଛି । ବର୍ତ୍ତମାନ ସୋସିଆଲ ମିଡିଆରେ ବାଂଲାଦେଶରେ ହିନ୍ଦୁମାନଙ୍କ ପ୍ରତି ଅତ୍ୟାଚାରର ଭିଡିଓ ଭାଇରାଲ ହେଉଛି । ଅନେକ ଭିଡିଓରେ ହିନ୍ଦୁମାନଙ୍କୁ ମାଡ ଦିଆଯାଉଥିବା ଏବଂ ମନ୍ଦିରରେ ନିଆଁ ଲାଗିଥିବାର ଦେଖିବା ପାଇଁ ମିଳିଛି। ଏପରିକି ଅନେକ ନେତାଙ୍କ ଘରେ ନିଆଁ ଲାଗିଯାଇଥିଲା।
ବାଂଲାଦେଶର ପ୍ରସିଦ୍ଧ ଗାୟକ ରାହୁଲ ଆନନ୍ଦଙ୍କ 140 ବର୍ଷ ପୁରୁଣା ଘର ଉପରେ ଆକ୍ରମଣ କରାଯାଇଛି । ଏହି ସମୟରେ ଦୃବୁତ୍ତ ମାନେ ଜଣେ ହିନ୍ଦୁ ଗାୟକଙ୍କ ଘରେ ନିଆଁ ଲଗାଇ ଦେଇଥିଲେ ଯେଉଁଥିରେ 3 ହଜାରରୁ ଅଧିକ ବାଦ୍ୟଯନ୍ତ୍ର ଜଳିପୋଡି ପାଉଁଶ ହୋଇଯାଇଥିଲା । ଏପରି ତାଙ୍କ ଘରେ ଥିବା ଜିନିଷଗୁଡ଼ିକ ନିଆଁ ଲଗାଇବା ପୂର୍ବରୁ ଲୁଟ୍ ହୋଇଥିଲା। ରାହୁଲ ଆନନ୍ଦଙ୍କ ପରିବାରର ସମସ୍ତ ସଦସ୍ୟ ଅନ୍ୟ ସ୍ଥାନକୁ ପଳାଯାଇ ନିଜ ଜୀବନ ରକ୍ଷା କରିଥିଲେ ।
ବାଂଲାଦେଶର ଅଗ୍ରଣୀ ଇଂରାଜୀ ଖବରକାଗଜ ଡେଲି ଷ୍ଟାର ଏହାର ରିପୋର୍ଟରେ ଦର୍ଶାଇଛି ଯେ, ରାହୁଲ ଆନନ୍ଦଙ୍କ ଘର ଏକ ସାଂସ୍କୃତିକ କେନ୍ଦ୍ର ଥିଲା। ଏହାକୁ ଲୁଟ୍ କରି ନିଆଁ ଲଗାଯାଇଛି । ରାହୁଲ ଆନନ୍ଦଙ୍କ ସହ ଜଡିତ ଲୋକମାନେ ଡେଲି ଷ୍ଟାରକୁ କହିଛନ୍ତି ଯେ ରାହୁଲ ଦାଙ୍କ ପରିବାର ବର୍ତ୍ତମାନ ଭୟଭୀତ ଅବସ୍ଥାରେ ଅଛନ୍ତି ଏବଂ ଏକ ଗୁପ୍ତ ସ୍ଥାନରେ ଆଶ୍ରୟ ନେଇଛନ୍ତି, ଯାହା ବିଷୟରେ କେବଳ ଅଳ୍ପ ଲୋକ ଜାଣିଛନ୍ତି।
ବାଂଲାଦେଶରେ ଚଳଚ୍ଚିତ୍ର ପ୍ରଡ୍ୟୁସର ସଲିମ ଖାନ ଏବଂ ତାଙ୍କ ପୁଅ ଶାନ୍ତୋ ଖାନଙ୍କୁ ପିଟି ହତ୍ୟା କରାଯାଇଛି । ବିକ୍ଷୋଭକାରୀଙ୍କ ଦ୍ୱାରା ଆକ୍ରମଣର ଆଶଙ୍କା କରି ଗତ ସୋମବାର ସଲିମ ଓ ତାଙ୍କ ପୁଅ ଶାନ୍ତୋ ଜୀବନ ବଞ୍ଚାଇବା ପାଇଁ ନିଜ ଘରୁ ପଳାଇବା ସମୟରେ ବିକ୍ଷୋଭକାରୀଙ୍କ ସହ ସେମାନଙ୍କ ମୁହାଁମୁହିଁ ହୋଇଥିଲା ଏବଂ ଶତାଧିକ ବିକ୍ଷୋଭକାରୀ ଉଭୟଙ୍କୁ ପିଟି ପିଟି ହତ୍ୟା କରିଥିଲେ ।
Click it and Unblock the Notifications
Sign in with Google