ଅତ୍ୟାଚାର ଲଙ୍ଘିଲା ସୀମା; ନିଜ୍ ଅଧିକାର ପାଇଁ ଏକାଠି ହେଲେ ଲକ୍ଷ୍ ଲକ୍ଷ ହିନ୍ଦୁ, ଶୁଭିଲା ହରେ କୃଷ୍ଣ ହରେ ରାମ

ବାଂଲାଦେଶରେ ହିନ୍ଦୁଙ୍କୁ ହେଉଛି ଆକ୍ରମଣ । ଅଳ୍ପ ସଂଖ୍ୟକଙ୍କୁ ହେଉଛି ଟାର୍ଗେଟ । ବାଂଲାଦେଶରେ ସଂଖ୍ୟାଲଘୁଙ୍କ ବିରୋଧରେ ହିଂସା ଆରମ୍ଭ ହୋଇଛି । ହେଲେ ଏତେ ଦିନର ଅତ୍ୟାଚାର ସହି ସହି ଆଜି ରାଜରାସ୍ତାକୁ ଓହ୍ଲାଇଛନ୍ତି ଲକ୍ଷ ଲକ୍ଷ ହିନ୍ଦୁ ।

ବାଂଲାଦେଶରେ ସଂରକ୍ଷଣକୁ ନେଇ ହୋଇଥିବା ବିକ୍ଷୋଭ ପ୍ରଧାନମନ୍ତ୍ରୀ ଶେଖ୍ ହସିନାଙ୍କ ଗାଦି ଛଡ଼ାଇ ନେଇଥିଲା । ସେବେଠାରୁ ବାଂଲାଦେଶରେ ସ୍ଥିତି ଖରାପ ହେବାରେ ଲାଗିଛି । ଶାନ୍ତିପୂର୍ଣ୍ଣ ଭାବରେ କରୁଛନ୍ତି ପ୍ରତିବାଦ । ଏକା ସାଙ୍ଗରେ ସମସ୍ତଙ୍କ ଠାରୁ ଶୁଭୁଛି ମହାମନ୍ତ୍ର- ହେରେ କୃଷ୍ଣ ହରେ କୃଷ୍ଣ, କୃଷ୍ଣ କୃଷ୍ଣ ହରେ ହରେ । ହରେ ରାମ ହରେ ରାମ, ରାମ ରାମ ହରେ ହରେ । ଏହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଯାହା କୋଟି କୋଟି ଲୋକଙ୍କ ହୃଦୟକୁ ଛୁଇଁ ଯାଇଛି । ହିନ୍ଦୁ ମାନଙ୍କ ଏକତା ଦେଖିଛି ବାଂଲାଦେଶ ।

ସେପଟେ ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଖାଲିଦା ଜିଆଙ୍କ ବାଂଲାଦେଶ ନ୍ୟାସନାଲିଷ୍ଟ ପାର୍ଟିର ନେତା ଖଣ୍ଡକର ମୋଶରଫ ହୁସେନ କହିଛନ୍ତି, ଭାରତ-ବାଂଲାଦେଶ ଦ୍ୱିପାକ୍ଷିକ ସମ୍ପର୍କ କେବଳ ଆୱାମୀ ଲିଗ୍ ଉପରେ ନିର୍ଭରଶୀଳ ନୁହେଁ । ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଆଶ୍ରୟ ଦେଇଛି ଭାରତ, ବାଂଲାଦେଶରେ ସ୍ଥିତି ଖରାପ ହେବା ସ୍ୱାଭାବିକ ।

Hare Krishna Hare Krishna... the chant resonates through Dhaka, Bangladesh. Hundreds of thousands of Hindus took to the streets of Bangladesh today.

There is no other way than to stay United. Hare Krishna
#AllEyesOnBangladeshiHindus pic.twitter.com/rPkV2QJY2o

— Radharamn Das राधारमण दास (@RadharamnDas) August 9, 2024

ଟାର୍ଗେଟରେ ହିନ୍ଦୁ ! ବାଂଲାଦେଶରେ ହିନ୍ଦୁ ମାନଙ୍କ ଉପରେ ହେଉଛି ଆକ୍ରମଣ । ସୋସିଆଲ ମିଡ଼ିଆ ପୋଷ୍ଟ ଦେଖିଲେ ଆପଣଙ୍କ ଲୋମ ଟାଙ୍ଗୁରି ଉଠିବ । ହିଂସା ଏବଂ ଅଗ୍ନିକାଣ୍ଡ ମଧ୍ୟରେ ଦୁଷ୍କର୍ମକାରୀମାନେ ବର୍ତ୍ତମାନ ସଂଖ୍ୟାଲଘୁ ହିନ୍ଦୁମାନଙ୍କୁ ଟାର୍ଗେଟ କରିବା ଆରମ୍ଭ କରି ଦେଇଛନ୍ତି । ଏହି ଆନ୍ଦୋଳନରେ ସାମିଲ୍ ହୋଇଥିବା ହିନ୍ଦୁ ଝିଅଙ୍କୁ ବି ଟାର୍ଗେଟ କରୁଛନ୍ତି । ଘରଗୁଡ଼ିକରେ ନିଆଁ ଲାଗିଯାଇଛି। ଦୋକାନରୁ ଲୁଟ୍ ହେଉଛି । ୨୭ ଟି ଜିଲ୍ଲାରେ ହିନ୍ଦୁମାନଙ୍କ ଘର ଏବଂ ଦୋକାନକୁ ଟାର୍ଗେଟ କରାଯାଇଛି। ଲୋକମାନେ କହିଛନ୍ତି ଯେ ସାମ୍ପ୍ରଦାୟିକ ଆକ୍ରମଣ ହୋଇ ନ ଥିବା କୌଣସି ଅଞ୍ଚଳ କିମ୍ବା ଜିଲ୍ଲା ବାକି ନାହିଁ । ଘର ଏବଂ ବ୍ୟବସାୟ ପ୍ରତିଷ୍ଠାନ ଉପରେ ଆକ୍ରମଣ ବିଷୟରେ ଦେଶର ବିଭିନ୍ନ ସ୍ଥାନରୁ ନିରନ୍ତର ରିପୋର୍ଟ ଆସୁଛି ।

ଯାହାକୁ ନେଇ ଏବେ ଦିବାଦ ଅଧିକ ହେବ ବୋଲି ଆଶା କରାଯାଉଛି । ଏପଟେ ବାଂଲାଦେଶରେ ସଂଖ୍ୟାଲଘୁଙ୍କ ବିରୋଧରେ ହିଂସା ଘଟଣାକୁ ନେଇ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ନିର୍ଦ୍ଦେଶକ୍ରମେ ଏକ କମିଟି ଗଠନ କରାଯାଇଛି । ଏହି କମିଟି ବାଂଲାଦେଶରେ ହିନ୍ଦୁଙ୍କ ସମେତ ସଂଖ୍ୟାଲଘୁଙ୍କ ଉପରେ ସାମ୍ପ୍ରତିକ ସ୍ଥିତି ଏବଂ ଅତ୍ୟାଚାରର ସମୀକ୍ଷା କରିବ ।