ଶେଖ୍ ହସିନାଙ୍କୁ ଫେରାଇ ଦେବାକୁ ଭାରତକୁ ଅନୁରୋଧ କଲା ବାଂଲାଦେଶ
ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ବିରୁଦ୍ଧରେ ହିଂସାତ୍ମକ ମାମଲାରେ ସ୍ୱତନ୍ତ୍ର ଟ୍ରିବ୍ୟୁନାଲ୍ ମୃତ୍ୟୁଦଣ୍ଡ ଦେଇଥିଲେ। ପୂର୍ବରୁ ବାଂଲାଦେଶର ଏକ କୋର୍ଟ ତାଙ୍କୁ ପଳାତକ ଘୋଷଣା କରିଥିଲେ। କିନ୍ତୁ ହସିନା ବର୍ତ୍ତମାନ ଭାରତର ଶରଣରେ ଅଛନ୍ତି। ହସିନାଙ୍କୁ ପ୍ରତ୍ୟାର୍ପଣ ପାଇଁ ଅନୁରୋଧ କରିଛି ବାଂଲାଦେଶ।
ବାଂଲାଦେଶ କହିଛି ଯେ ଭାରତ ବହିଷ୍କୃତ ପ୍ରଧାନମନ୍ତ୍ରୀ ଶେଖ ହସିନାଙ୍କୁ ପ୍ରତ୍ୟାର୍ପଣ କରିବ ବୋଲି ଆଶା କରୁଛି। କିନ୍ତୁ ଏହି ପ୍ରସଙ୍ଗକୁ ନୂଆଦିଲ୍ଲୀ ସହିତ ଦ୍ୱିପାକ୍ଷିକ ସମ୍ପର୍କରେ ବାଧା ସୃଷ୍ଟି କରିବାକୁ ଦେବ ନାହିଁ। ଢାକାର ମଧ୍ୟବର୍ତ୍ତୀକାଳୀନ ସରକାରଙ୍କ ବୈଦେଶିକ ବ୍ୟାପାର ପରାମର୍ଶଦାତା ମହମ୍ମଦ ତୌହିଦ ହୋସେନ ଗଣମାଧ୍ୟମ ପ୍ରତିନିଧିଙ୍କ ସହ କଥାବାର୍ତ୍ତା ସମୟରେ ଏହି ବିବୃତ୍ତି ଦେଇଛନ୍ତି।
ହସିନାଙ୍କ ପ୍ରତ୍ୟାର୍ପଣ ବିନା ଭାରତ ଭଲ ସମ୍ପର୍କ ଆଶା କରିପାରିବ କି ବୋଲି ପଚରାଯିବାରୁ, ହୋସେନ କହିଥିଲେ, " ଆମର ଦ୍ୱିପାକ୍ଷିକ ସମ୍ପର୍କ କେବଳ ଗୋଟିଏ ପ୍ରସଙ୍ଗରେ ଅଟକି ରହିବ ନାହିଁ। ଯେହେତୁ ହସିନା ବର୍ତ୍ତମାନ ଜଣେ ଘୋଷିତ ଅପରାଧୀ, ତେଣୁ ବାଂଲାଦେଶ ଯଥାଶୀଘ୍ର ଭାରତଠାରୁ ତାଙ୍କର ପ୍ରତ୍ୟାର୍ପଣ ଆଶା କରୁଛି।
ଗତ ବର୍ଷ, ହସିନାଙ୍କ ବିରୁଦ୍ଧରେ ହିଂସାତ୍ମକ ଛାତ୍ର-ନେତୃତ୍ୱରେ ପ୍ରତିବାଦ ଆରମ୍ଭ ହୋଇଥିଲା, ଯେଉଁଥିରେ ଅନେକ ପ୍ରଦର୍ଶନକାରୀଙ୍କ ମୃତ୍ୟୁ ହୋଇଥିଲା। ଅନେକ ପୋଲିସ ଆହତ ହୋଇଥିଲେ। ୫ ଅଗଷ୍ଟ ୨୦୨୪ରେ ହସିନାଙ୍କ ସରକାର ଭାଙ୍ଗିଥିଲା। ଏହା ପରେ ହସିନା ପଳାୟନ କରି ଭାରତରେ ଆଶ୍ରୟ ନେଇଥିଲେ। ଚଳିତ ବର୍ଷ ନଭେମ୍ବର ୧୭ ତାରିଖରେ ଏକ ସ୍ୱତନ୍ତ୍ର ଟ୍ରିବ୍ୟୁନାଲ୍ ପୂର୍ବତନ ପ୍ରଧାନମନ୍ତ୍ରୀଙ୍କୁ ତାଙ୍କ ଅନୁପସ୍ଥିତିରେ ମୃତ୍ୟୁଦଣ୍ଡ ଦେଇଥିଲେ। ପୂର୍ବରୁ, ବାଂଲାଦେଶର ଏକ କୋର୍ଟ ତାଙ୍କୁ ପଳାତକ ଘୋଷଣା କରିଥିଲେ।
ଢାକାରେ ମହମ୍ମଦ ୟୁନୁସଙ୍କ ନେତୃତ୍ୱରେ ମଧ୍ୟବର୍ତ୍ତୀକାଳୀନ ସରକାରଙ୍କ ଅଧୀନରେ ଭାରତ ସହିତ ସମ୍ପର୍କ ବିଷୟରେ ଅନ୍ୟ ଏକ ପ୍ରଶ୍ନର ଉତ୍ତରରେ ହୁସେନ କହିଛନ୍ତି ଯେ ଭାରତକୁ ନୂତନ ବାସ୍ତବତା ସହିତ ଖାପ ଖୁଆଇବା ପାଇଁ କିଛି ସମୟ ଆବଶ୍ୟକ।ସେ କହିଛନ୍ତି, "ଆମେ ପାରସ୍ପରିକ ସ୍ୱାର୍ଥ ଉପରେ ଆଧାରିତ ଭାରତ ସହିତ ଉତ୍ତମ ସମ୍ପର୍କ ରଖିବାକୁ ଚାହୁଁଛୁ। ଭାରତ ହସିନାଙ୍କ ପ୍ରତ୍ୟର୍ପଣ ପାଇଁ ପୂର୍ବ ଅନୁରୋଧର ଉତ୍ତର ଦେଇନାହିଁ। କିନ୍ତୁ ଢାକା ଏବେ ନୂଆଦିଲ୍ଲୀଠାରୁ ପ୍ରତିକ୍ରିୟା ଆଶା କରୁଛି କାରଣ ନ୍ୟାୟିକ ପ୍ରକ୍ରିୟା ସମାପ୍ତ ହେବା ଏବଂ ପୂର୍ବତନ ପ୍ରଧାନମନ୍ତ୍ରୀଙ୍କୁ ଦୋଷୀ ସାବ୍ୟସ୍ତ କରାଯିବା ପରେ ପରିସ୍ଥିତି ଏବେ ଭିନ୍ନ।
Click it and Unblock the Notifications
Sign in with Google