ମେକ୍ସିକୋରେ ଭୟଙ୍କର ଦୁର୍ଘଟଣା, ଡବଲ-ଡେକର ବସ୍ କୁ ଧକ୍କା ଦେଲା ଟ୍ରେନ୍, ୧୦ ମୃତ,୬୦ ଆହତ

ମେକ୍ସିକୋ ସିଟିର ଉତ୍ତର-ପଶ୍ଚିମରେ ଏକ ବଡ଼ ଦୁର୍ଘଟଣା ଘଟିଛି । ଏକ କ୍ରସିଂରେ ମାଲବାହୀ ଟ୍ରେନ୍ ଏକ ଡବଲ୍-ଡେକର ବସ୍ କୁ ଧକ୍କା ଦେଇଥିଲା । ଏହି ଭୟଙ୍କର ଦୁର୍ଘଟଣାରେ ଅତି କମରେ ୧୦ ଜଣଙ୍କର ମୃତ୍ୟୁ ହୋଇଛି ଏବଂ ୬୦ ରୁ ଅଧିକ ଆହତ ହୋଇଛନ୍ତି । ମେକ୍ସିକୋ ସିଟିରୁ ପ୍ରାୟ ୮୦ ମାଇଲ୍ ଅର୍ଥାତ୍ ୧୩୦ କିଲୋମିଟର ଦୂରରେ ଆଟଲାକୋମୁଲକୋ ସହରର ଏକ ଅଞ୍ଚଳରେ ଏହି ଧକ୍କା ଘଟିଛି ।

ଏଠାରେ ଗୋଦାମ ଏବଂ କାରଖାନା ମଧ୍ୟ ଅଛି । ମେକ୍ସିକୋର ନାଗରିକ ସୁରକ୍ଷା ଏଜେନ୍ସି ସୋସିଆଲ ମିଡିଆ ପ୍ଲାଟଫର୍ମ X ରେ କହିଛି ଯେ ଅଧିକାରୀମାନେ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଏହି ସମୟରେ, ରାଜ୍ୟ ପବ୍ଲିକ ପ୍ରସିକ୍ୟୁଟରଙ୍କ କାର୍ଯ୍ୟାଳୟ ଏହି ଘଟଣାର ତଦନ୍ତ ଆରମ୍ଭ କରିଛି ।

ବସ୍ ଟି 'ହେରାଡୁରା ଡି ପ୍ଲାଟା' ନାମକ ଏକ ବସ୍ ଲାଇନର ଥିଲା, ଯାହା ଧକ୍କା ପରେ ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଥିଲା । ଏଜେନ୍ସି ନିଶ୍ଚିତ କରିଛି ଯେ ଦୁର୍ଘଟଣାରେ ୧୦ ଜଣଙ୍କର ମୃତ୍ୟୁ ହୋଇଛି ଏବଂ ୪୧ ଜଣ ଆହତ ହୋଇଛନ୍ତି ।