Click it and Unblock the Notifications
MUST READ
-
-
-
-
-
-
ବ୍ରିଟେନ ରାଜଗାଦି ସମ୍ଭାଳିବେ ଯୁବରାଜ ଚାର୍ଲ୍ସ
ବ୍ରିଟେନ ରାଜଗାଦିରେ ବସିବେ ଯୁବରାଜ ଚାର୍ଲ୍ସ । 73 ବର୍ଷ ବୟସରେ ସବୁଠୁ ବୟସ୍କ ରାଜା ଭାବେ ରାଜଭାର ସମ୍ଭାଳିବେ ଚାର୍ଲ୍ସ ।
ଲଣ୍ଡନ: ବ୍ରିଟେନର ରାଜା ହେବେ ଯୁବରାଜ ଚାର୍ଲ୍ସ। ଗତକାଲି ମହାରାଣୀ ଏଲିଜାବେଥଙ୍କ ମୃତ୍ୟୁ ଘଟିଥିଲା । ଏହାପରେ କିଏ ରାଜ୍ୟ ଭାର କିଏ ସମ୍ଭାଳିବ ସେନେଇ ଚର୍ଚ୍ଚା ହେଉଥିଲା । ତେବେ ଏହି ଚର୍ଚ୍ଚାର ଅନ୍ତ ଘଟିଛି । ମହାରାଣୀଙ୍କ ବଡ ପୁଅ ଚାର୍ଲ୍ସ 'ମହାରାଜ ଚାର୍ଲ୍ସ ତୃତୀୟ' ରୂପେ ରାଜମୁକୁଟ ପିନ୍ଧିବେ ।
ବ୍ରିଟେନ ରାଜଗାଦିରେ ବସିବେ ଯୁବରାଜ ଚାର୍ଲ୍ସ । 73 ବର୍ଷ ବୟସରେ ସବୁଠୁ ବୟସ୍କ ରାଜା ଭାବେ ରାଜଭାର ସମ୍ଭାଳିବେ ଚାର୍ଲ୍ସ । ଏନେଇ ଆଜି ଆନୁଷ୍ଠାନିକ ଭାବେ ହୋଇଛି ଘୋଷଣା । କେଉଁ ଦିନ ସେ ରାଜ୍ୟ ଭାର ଗ୍ରହଣ କରିବେ ସେ ନେଇ ତାରିଖ ସ୍ଥିର ହୋଇ ନାହିଁ । ଚାର୍ଲ୍ସ ରାଜଗାଦିରେ ବସିବା ପରେ ତାଙ୍କ ପତ୍ନୀ ରାଣୀ ହେବା ନେଇ ମହାରାଣୀ ଏଲିଜାବେଥ ପୂର୍ବରୁ ଘୋଷଣା କରିଥିଲେ ।
ମହାରାଣୀ ଏଲିଜାବେଥ ଦ୍ବିତୀୟ ଗୁରୁବାର ସ୍କଟଲାଣ୍ଡର ବାଲମୋରାଲ କ୍ୟାସେଲରେ ଶେଷ ନିଶ୍ବାସ ତ୍ୟାଗ କରିଛନ୍ତି । ଅନେକ ଦିନ ହେବ ସେ ବାର୍ଦ୍ଧକ୍ୟ ଜନିତ ରୋଗରେ ପୀଡିତ ଥିଲେ । ତାଙ୍କର ବାଲମୋରାଲରେ ଚାଲିଥିଲା ଚିକିତ୍ସା । ପ୍ରାୟ 70 ବର୍ଷ ଧରି ବ୍ରିଟେନରେ ଶାସନ କରିଥିଲେ ମହାରାଣୀ ଏଲିଜାବେଥ ଦ୍ବିତୀୟ ।
