ମିଆଁମାରରେ ପୁଣି ଭୂମିକମ୍ପ

Earthquake In Myanmar: ଭୂକମ୍ପ ନେଇ ଭୟ କମିବାର ନାଁ ନେଉ ନାହଁ । ବାରମ୍ବାର ଭୂକମ୍ପ ଝଟକା ଥରୁଛି ମାଆଁମାର । ଶନିବାର ଦିନ ପୁଣି ଥରେ ଭୂକମ୍ପ ଅନୁଭୂତ ହୋଇଛି । ଯୁକ୍ତରାଷ୍ଟ୍ର ଭୂତତ୍ତ୍ୱ ସର୍ଭେ (USGS) ରିପୋର୍ଟ ଅନୁଯାୟୀ, ଦେଶରେ ଭୟଙ୍କର ଭୂମିକମ୍ପ ହେବାର ଗୋଟିଏ ଦିନ ପରେ ନେପଚ୍ୟୁନରେ 5.1 ତୀବ୍ରତାର ଏକ ନୂତନ ଭୂମିକମ୍ପ ଅନୁଭୂତ ହୋଇଛି।

ମିଆଁମାରର ରାଜଧାନୀ ନାୟପିଟାଓ ନିକଟରେ ଅପରାହ୍ନ 2.50 ମିନିଟରେ 10 କିଲୋମିଟର ଗଭୀରରେ ଭୂମିକମ୍ପ ଅନୁଭୂତ ହୋଇଥିବା ନେଇ ସୂଚନା ରହିଛି । ତେବେ ସଦ୍ୟତମ ଭୂମିକମ୍ପ ଯୋଗୁଁ କୌଣସି କ୍ଷୟକ୍ଷତି କିମ୍ବା ମୃତାହତର କୌଣସି ଖବର ପ୍ରକାଶ ପାଇ ନାହିଁ । ନେପଚ୍ୟୁନରେ ସଦ୍ୟତମ ଭୂମିକମ୍ପ ସେତେବେଳେ ଆସିଥିଲା ​​ଯେତେବେଳେ କର୍ତ୍ତୃପକ୍ଷ କ୍ଷତିଗ୍ରସ୍ତ ରାସ୍ତା ମରାମତି କରୁଥିଲେ ସେହିପରି ଏହି ସମୟରେ ସହରର ଅଧିକାଂଶ ସ୍ଥାନରେ ବିଦ୍ୟୁତ୍, ଫୋନ୍ ଏବଂ ଇଣ୍ଟରନେଟ୍ ସେବା ବନ୍ଦ ରହିଥିଲା।