ଇସ୍ରାଏଲ- ଇରାନ ମଧ୍ୟରେ ଘମାଘୋଟ ଯୁଦ୍ଧ ମଧ୍ୟରେ ଚିନ୍ ବଡ଼ ପଦକ୍ଷେପ, ଆମେରିକାକୁ କହିଲା.....

ଇରାନ-ଇସ୍ରାଏଲ ମଧ୍ୟରେ ଚାଲିଛି ଘମାଘୋଟ ଲଢ଼େଇ । ଆମେରିକା ଇରାନ ଉପରେ ପରମାଣୁ ଘାଟି ଉପରେ ଆକ୍ରମଣ କରିବା ପରେ ତୀବ୍ର ହୋଇଛି ଯୁଦ୍ଧ । ଇରାନ ଉପରେ ଆମେରିକାର ଆକ୍ରମଣରେ ଚୀନ୍ ବହୁତ କ୍ରୋଧିତ ହୋଇଛି। ଇରାନ ଉପରେ ଆମେରିକାର ବିମାନ ଆକ୍ରମଣକୁ ଚୀନ୍ ନିନ୍ଦା କରିଛି। ଏହା ବ୍ୟତୀତ ମାଧ୍ୟମ ସିଜିଚୀନ୍ ଆମେରିକାକୁ ଇତିହାସ ଭୁଲି ନଯିବାକୁ ଚେତାବନୀ ଦେଇଛି ଏବଂ କହିଛି ଯେ ଆମେରିକା ପୁଣି ଥରେ ତା'ର ପୁରୁଣା ରଣନୈତିକ ଭୁଲକୁ ଦୋହରାଉଛି। ଚୀନ୍ ସରକାରୀ ଗଣଟିଏନ ମାଧ୍ୟମରେ ଆମେରିକାକୁ ଚେତାବନୀ ଦେଇଛି। ଚୀନ୍ ସରକାରୀ ଗଣମାଧ୍ୟମ ଇରାନରେ ଆମେରିକା ଦ୍ୱାରା ନିଆଯାଇଥିବା କାର୍ଯ୍ୟାନୁଷ୍ଠାନକୁ ଏକ ଅତ୍ୟନ୍ତ ବିପଦପୂର୍ଣ୍ଣ ମୋଡ଼ ବୋଲି କହିଛି। ଚୀନ୍ କହିଛି, "ଆମେରିକା ପୁଣି ଥରେ ତା'ର ପୁରୁଣା ରାଜନୈତିକ ଭୁଲକୁ ଦୋହରାଉଛି। ଇତିହାସ ବାରମ୍ବାର ଦେଖାଇଛି ଯେ ଯେତେବେଳେ ମଧ୍ୟପ୍ରାଚ୍ୟରେ ସାମରିକ ହସ୍ତକ୍ଷେପ ହୁଏ, ଅବାଞ୍ଛିତ ଫଳାଫଳ ବାହାରିଛି। ଯେଉଁଥିରେ ଦୀର୍ଘସ୍ଥାୟୀ ସଂଘର୍ଷ ଏବଂ ଆଞ୍ଚଳିକ ଅସ୍ଥିରତା ଅନ୍ତର୍ଭୁକ୍ତ।"

ଚୀନ୍ ର ଏହି ବିବୃତ୍ତି ୨୦୦୩ ମସିହାର ଇରାକ ଯୁଦ୍ଧକୁ ଇଙ୍ଗିତ କରୁଛି। ଚୀନ୍‌ ତା'ର ବିବୃତ୍ତିରେ କହିଛି ଯେ ଏକ ସନ୍ତୁଳିତ ଏବଂ କୂଟନୈତିକ ପଦକ୍ଷେପ ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା ଏବଂ ସାମରିକ ମୁକାବିଲା ପରିବର୍ତ୍ତେ ଆଲୋଚନାକୁ ପ୍ରାଥମିକତା ଦିଏ। ଚୀନ୍‌ କହିଛି ଯେ ମଧ୍ୟପ୍ରାଚ୍ୟରେ ସ୍ଥିରତା ଆଣିବାର ଏହା ସର୍ବୋତ୍ତମ ଉପାୟ। ଉଲ୍ଲେଖ ଥାଉ କି ଆମେରିକା ସେନା ଇରାନର ତିନୋଟି ପରମାଣୁ ସ୍ଥାନ ଫୋର୍ଡୋ, ନାଟାଞ୍ଜ ଏବଂ ଇସଫାହାନ ଉପରେ ଆକ୍ରମଣ କରିଥିଲା | ଆଉ ଏହାକୁ ନେଇ ଇରାନ ଏବେ ଖପ୍ପା ହୋଇଛି |