Syria Bomb Blast: ସିରିଆରେ ଭୟଙ୍କର ବୋମା ବିସ୍ଫୋରଣ: ୬ ମୃତ, ୨୩ ଆହତ

Syria Bomb Blast: ସିରିଆରେ ବଡ଼ ଧରଣର ବିସ୍ପୋରଣ । ବୋମା ବିସ୍ପୋରଣରେ ୬ ଜଣଙ୍କ ମୃତ୍ୟୁ ହୋଇଥିବା ବେଳେ ୨୩ ରୁ ଅଧିକ ଲୋକ ଆହତ ହୋଇଥିବା ନେଇ ସୂଚନା ରହିଛି । ସିରିଆର ରାଜଧାନୀ ଦମ୍ମାସକସର ଦକ୍ଷିଣରେ ଥିବା ଶିଆ ମସଦିଦ ନିକଟରେ ଏହି ଆକ୍ରମଣ ହୋଇଥିବା ନେଇ ସୂଚନା ଦେଇଛି ଆଭ୍ୟନ୍ତରୀଣ ମନ୍ତ୍ରଣାଳୟ ।

ସେୟେଦା ଜାଇନାବ ସୌମସଲି ନିକଟସ୍ଥ ଶିଆ ମସଜିଦ ଏକ ଜନଗହଳି ପୂର୍ଣ୍ଣ ସ୍ଥାନ । ପ୍ରତ୍ୟେକ ଦିନ ଏଠାରେ ହଜାର ହଜାର ଲୋକଙ୍କର ସମାଗମ ହୋଇଥାଏ । ଏଠାରେ ଛିଡା ହୋଇଥିବା ଦୁଇଟି ଟ୍ୟାକ୍ସି ନିକଟରେ ଏକ ବାଇକରେ ବୋମା ଖଞ୍ଜା ଯାଇଥିଲା । ବିସ୍ଫୋରଣରେ ଆହତ ହୋଇଥିବା ବ୍ୟକ୍ତିଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ମୃତକ ଏବଂ ଆହତ ମାନଙ୍କ ପରିଚୟ ସ୍ପଷ୍ଟ ହୋଇ ପାରି ନାହିଁ । ସମସ୍ତ ମୃତ ଦେହକୁ ଶବ ବ୍ୟବଚ୍ଛେଦ ପାଇଁ ପଠାଯାଇଛି ।

ତେବେ ଏହି ଆକ୍ରମଣ ପଛରେ ଆତଙ୍କୀ ଲିଙ୍କ ଥିବା ସନ୍ଦେହ କରାଯାଉଛି । ସରକାରୀ ଅଧିକାରୀଙ୍କ ସୂଚନା ଅନୁସାରେ, ବାଇକରେ ଲାଗିଥିବା ବୋମା ବିସ୍ଫୋରଣ ଦ୍ୱାରା ଏହି ଅଘଟଣ ଘଟିଛି । ସୁରକ୍ଷା ବାହିନୀ ଘଟଣାସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛନ୍ତି । ସୂଚନାଥାଉ ଯେ, ଏପ୍ରିଲ୍ ୨୪ ତାରିଖରେ ପାକିସ୍ତାନର ଏକ ଥାନାରେ ବଡ଼ ଧରଣର ବିସ୍ଫୋରଣ ହୋଇଥିଲା । ଯେଉଁଥିରେ ୧୨ ଜଣ କର୍ମୀଙ୍କର ମୃତ୍ୟୁ ହୋଇଥିବା ବେଳେ ୪୦ରୁ ଅଧିକ ଜଣ ଆହତ ହୋଇଥିଲେ ।

English summary

6 Killed, Over 20 Injured In Blast In Syria