ଆମେରିକା ଭଳି ଦେଶରୁ ଚୋରି ହୋଇଗଲା ୧ଲକ୍ଷ ଅଣ୍ଡା, ପୋଲିସ କହିଲା ...

ଆମେରିକାରେ ଚୋର ନେଇଯାଇଛି ୧ ଲକ୍ଷ ଅଣ୍ଡା । ସାଉଥ୍-ସେଣ୍ଟ୍ରାଲ ପେନସିଲଭାନିଆରେ ଏକ ଡିଷ୍ଟ୍ରିବ୍ୟୁସନ କେନ୍ଦ୍ରରୁ ପାଖାପାଖି ୧ ଲକ୍ଷ ଅଣ୍ଡା ଚୋରି ହୋଇଛି । ଏହି ଅଣ୍ଡାଗୁଡ଼ିକର ମୂଲ୍ୟ ୪୦,୦୦୦ ଡଲାର୍ ଅର୍ଥାତ୍ ପାଖାପାଖି ୩୩ ଲକ୍ଷ ଟଙ୍କା ବୋଲି କୁହାଯାଉଛି । ଆମେରିକାର ଗ୍ରୀନକାଷ୍ଟଲର ଏଣ୍ଟ୍ରିମ୍ ଟାଉନଶିପରେ ଏକ କମ୍ପାନୀର ଟ୍ରେଲରରୁ ଅଣ୍ଡାଗୁଡ଼ିକୁ ଚୋରି କରାଯାଇଛି ।

ପେନସିଲଭାନିଆ ଷ୍ଟେଟ୍ ପୋଲିସ ଏହି ମାମଲାର ତଦନ୍ତ ଆରମ୍ଭ କରିଛି । ଏହାସହ ଲୋକମାନଙ୍କୁ ସୂଚନା ଦେବାକୁ ଅନୁରୋଧ କରିଛି ।ଆମେରିକାରେ ଚଳିତ ବର୍ଷ ଅଣ୍ଡା ମୂଲ୍ୟ ୨୦% ପର୍ଯ୍ୟନ୍ତ ବୃଦ୍ଧି ହୋଇପାରେ । ବର୍ତ୍ତମାନ ୧ ଡର୍ଜନ ଅଣ୍ଡାର ହାରାହାରି ମୂଲ୍ୟ ରହିଛି ୪.୧୦ ଡଲାର୍ (ପାଖାପାଖି ୩୪୦ ଟଙ୍କା), ଯାହା ୨୦୨୩ ଅଗଷ୍ଟ ତୁଳନାରେ ଦୁଇ ଗୁଣ ଅଧିକ ।

ଆମେରିକାରେ ଅଣ୍ଡା ପାଇଁ ସାଧାରଣରେ ଅସନ୍ତୋଷ ପ୍ରକାଶ ପାଇଛି। ଅଣ୍ଡାର ମୂଲ୍ୟ ରେକର୍ଡ ସର୍ବୋଚ୍ଚ ସ୍ତରରେ ପହଞ୍ଚିବାରେ ଲାଗିଛି। ଯାହା ଯୋଗୁ ପ୍ରତି କାର୍ଟନ ମୂଲ୍ୟ ୭ ଡଲାର ହୋଇଯାଇଛି। ଅଣ୍ଡା ଲୋକଙ୍କ ସକାଳ ଜଳଖିଆର ଏକ ଗୁରୁତ୍ୱପୂର୍ଣ୍ଣ ଅଂଶ, ତେଣୁ, କୋଟି କୋଟି ଲୋକ ପ୍ରତିଦିନ ଅଣ୍ଡା କିଣନ୍ତି, କିନ୍ତୁ ବର୍ତ୍ତମାନ ଅଣ୍ଡାର ମୂଲ୍ୟ ସେମାନଙ୍କ ବଜେଟ ନଷ୍ଟ କରୁଛି।

ଏହି ଅଭାବ ଯୋଗୁ, ପୋଲିସ ଚୋରି ଅଣ୍ଡାଗୁଡ଼ିକର ତଦନ୍ତ କରୁଛି। ପୋଲିସ କହିଛି ଯେ ସେମାନଙ୍କ ପାଖରେ ଏ ବିଷୟରେ ବର୍ତ୍ତମାନ ଅଧିକ ସୂଚନା ନାହିଁ। ସମ୍ପୂର୍ଣ୍ଣ ମାମଲାର ତଦନ୍ତ କରାଯାଉଛି। ଚୋରି ଘଟଣା ଖୁବ ଶୀଘ୍ର ଜଣାପଡ଼ିବ।