କାହିଁକି ସୋଶାଲ ମିଡ଼ିଆରେ ଟ୍ରେଣ୍ଡ କରୁଛି #ShahRukhKhan

ଜାଣନ୍ତୁ କ'ଣ ପାଇଁ ସୋସିଆଲ ମିଡିଆରେ ଟ୍ରେଣ୍ତ କରୁଛି #ShahRukhKhan

Updated: Monday, October 31, 2022, 15:50 [IST]

ମୁମ୍ବାଇ: ବଲିଉଡର କିଙ୍ଗ ଖାନ ଶାହରୁଖ ଖାନଙ୍କର ସାରା ବିଶ୍ୱରେ ଏବଂ ସୋସିଆଲ ମିଡିଆରେ ବେଶ୍ ବଡ ଫ୍ୟାନ୍ ଫଲୋଇଙ୍ଗ ରହିଛି । ତାଙ୍କର ପ୍ରତ୍ୟକ ଫିଲ୍ମକୁ ପ୍ରଶଂସକ ମାନେ ଉତ୍ସାହର ସହିତ ଅପେକ୍ଷା କରିଥାନ୍ତି । ଏବେ ବାଦଶାହଙ୍କର କୌଣସି ଫିଲ୍ମ ରିଲିଜ୍ ହୋଇ ନାହିଁ ହେଲେ ଟ୍ୱିଟରରେ ଟ୍ରେଣ୍ତ କରୁଛି #ShahRukhKhan । ଏପରିକି ଶାହରୁଖ ଙ୍କ ଘର 'ମନ୍ନତ' ବାହାରେ ଲାଗିଛି ଫ୍ୟାନ୍‌ ମାନଙ୍କ ଭିଡ । କାରଣ ଖୁବ ଶୀଘ୍ର ଅର୍ଥାତ୍ ନଭେମ୍ବର ୨ରେ ସୁପରଷ୍ଟାରଙ୍କ ଜନ୍ମଦିନ ଏବଂ ତାଙ୍କ ଜନ୍ମଦିନ ପ୍ରଶଂସକଙ୍କ ପାଇଁ କୌଣସି ଉତ୍ସବଠାରୁ କମ୍ ନୁହେଁ । ଜଣେ ପ୍ରଶଂସକ ସୋସିଆଲ ମିଡିଆରେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ରବିବାର ଦିନ ଶାହାରୁଖଙ୍କ ଘର ବାହାରେ ଦେଖିବା ପାଇଁ ମିଳିଥିଲା ଫ୍ୟାନ୍ସଙ୍କ ଭିଡ ।

SRKଙ୍କ ଜନ୍ମଦିନ ପୂର୍ବରୁ ମନ୍ନତ ବାହାରେ ଜମିଲାଣି ଫ୍ୟାନ୍ସଙ୍କ ଭିଡ ।

ଭିଡିଓରେ ବହୁସଂଖ୍ୟାରେ ପ୍ରଶଂସକ ତାଙ୍କ ପ୍ରିୟ ଅଭିନେତାଙ୍କର ଏକ ଝଲକ ପାଇବା ପାଇଁ ଘଣ୍ଟା ଘଣ୍ଟା ଧରି ତାଙ୍କ ବଙ୍ଗଳା ବାହାରେ ଠିଆ ହୋଇଥିବାର ଦେଖିବାକୁ ମିଳିଥିଲା । ଟ୍ୱିଟରରେ ଏହି ଭିଡିଓ ସେୟାର କରିଥିବା ପ୍ରଶଂସକ ଲେଖିଛନ୍ତି, Straight from #Mannat , Shah Rukh Khan ke liye pyaar, beshumaar. ଏହି ଭିଡିଓଟି ସୋସିଆଲ ମିଡିଆରେ ଖୁବ୍ ଭାଇରାଲ ହେବା ସହ ଟ୍ରେଣ୍ତ୍ କରୁଛି ।

ଶାହାରୁଖଙ୍କ ଜନ୍ମଦିନରେ 'ପଠାନ୍' ଟିଜର ହୋଇପାରେ ରିଲିଜ୍
ଶାହାରୁଖଙ୍କ ଜନ୍ମଦିନ ପାଇଁ ପ୍ରସ୍ତୁତି ଏବେଠୁ ଆରମ୍ଭ ହୋଇଯାଇଛି । ସୂଚନା ଏହା ମଧ୍ୟ ରହିଛି ଯେ ଶାହାରୁଖ ଖାନଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ପଠାନ'ର ଟିଜର ତାଙ୍କ ଜନ୍ମଦିନରେ ମୁକ୍ତିଲାଭ କରିପାରେ, ହେଲେ ଏ ପର୍ଯ୍ୟନ୍ତ ମେକର୍ସଙ୍କ ତରଫରୁ ଏହି ଖବରକୁ ନେଇ କୌଣସି ସ୍ପଷ୍ଟ ସୂଚନା ଦିଆଯାଇ ନାହିଁ । ତେବେ ଶେଷ ଥର ପାଇଁ ଶାହାରୁଖ ଖାନ ଅନୁଷ୍କା ଶର୍ମା ଏବଂ କ୍ୟାଟ୍ରିନା କୈଫଙ୍କ ସହ ଆନନ୍ଦ ଏଲ ରାୟଙ୍କ ଫିଲ୍ମ 'ଜିରୋ'ରେ ନଜର ଆସିଥିଲେ । ଚାରି ବର୍ଷ ପରେ, ସେ 'ପଠାନ' ଜରିଆରେ ପୁଣି ଥରେ ନିଜ ଜଲୱା ଦେଖାଇବା ପାଇଁ ଆସୁଛନ୍ତି । ଯେଉଁଥିରେ ତାଙ୍କ ସହ ଦୀପିକା ପାଦୁକୋଣ ଏବଂ ଜନ୍ ଅବ୍ରାହମ୍ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ର ଜାନୁଆରୀ 2023 ରେ ପ୍ରେକ୍ଷାଳୟରେ ମୁକ୍ତି ଲାଭ କରିବ ।

SRKଙ୍କର ଆଗାମୀ ଚଳଚ୍ଚିତ୍ର
ଏହା ବ୍ୟତୀତ ବଲିଉଡର ବାଦଶାହା ରାଜକୁମାର ହିରାନୀଙ୍କ ଫିଲ୍ମ 'ଡଙ୍କି'ରେ ତାପସୀ ପନ୍ନୁ, ବିଜୟ ସେତୁପଥି, ନୟନତାରା ଏବଂ ସାନ୍ୟା ମଲହୋତ୍ରାଙ୍କ ସହ ଫିଲ୍ମ 'ଜୱାନ'ରେ ମଧ୍ୟ ନଜର ଆସିବେ।