ତୁଟିଲା ଦେପାଣ୍ଡ୍ୟା ଏବଂ ତାଙ୍କ ପତ୍ନୀ ନତାଶା ଷ୍ଟାନକୋଭିକଙ୍କ ସମ୍ପର୍କ, କାହା ପାଖରେ ରହିବେ ପୁଅ ଅଗସ୍ତ୍ୟା ?
ଭାରତୀୟ ଦଳର ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟା ଏବଂ ତାଙ୍କ ପତ୍ନୀ ନତାଶା ଷ୍ଟାନକୋଭିକ ଆନୁଷ୍ଠାନିକ ଭାବେ ଛାଡ଼ପତ୍ର ଦେଇଛନ୍ତି । ଛାଡପତ୍ର ଖବରକୁ ପାଣ୍ଡ୍ୟା ଏବଂ ନତାଶା ନିଶ୍ଚିତ କରିଛନ୍ତି । କିନ୍ତୁ ଏବେ ପ୍ରଶ୍ନ ହେଉଛି ତାଙ୍କ ପୁଅ ଅଗସ୍ତ୍ୟା କାହା ସହିତ ରହିବେ।
ପାଣ୍ଡ୍ୟା ଏବଂ ନତାଶା ନିଜ ନିଜ ସୋସିଆଲ ମିଡିଆ ହ୍ୟାଣ୍ଡେଲରେ ସମାନ ନୋଟ ଶେୟାର କରିଛନ୍ତି ଏବଂ ଏଥିରେ ଅଗସ୍ତ୍ୟାଙ୍କୁ ମଧ୍ୟ ଉଲ୍ଲେଖ କରିଛନ୍ତି। ଉଭୟ ପାଣ୍ଡ୍ୟା ଏବଂ ନତାଶା ଏକତ୍ର ଅଗସ୍ତ୍ୟାଙ୍କୁ ଦେଖିବେ। ଉଭୟ ଏଥିରେ ସହମତ ହୋଇଛନ୍ତି।
ପାଣ୍ଡ୍ୟା ଏବଂ ନତାଶା ଇନଷ୍ଟାଗ୍ରାମରେ ଏକ ନୋଟ ଶେୟାର କରିଛନ୍ତି। ଏଥିରେ ଅଗସ୍ତ୍ୟ ସମ୍ବନ୍ଧରେ ନିଆଯାଇଥିବା ନିଷ୍ପତ୍ତି ଉଲ୍ଲେଖ କରାଯାଇଛି । ଦୁହେଁ ନୋଟରେ ଲେଖିଛନ୍ତି ଯେ ଅଗସ୍ତ୍ୟା ଆମ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇ ରହିବ ।
ଆମେ ଉଭୟ ତାଙ୍କୁ ଦେଖିବୁ ଏବଂ ପ୍ରତ୍ୟେକ ସୁଖର ଯତ୍ନ ନେବୁ। ହାର୍ଦ୍ଦିକ ଏବଂ ନତାଶା ୨୦୨୦ରେ ବିବାହ କରିଥିଲେ ଏବଂ ସେହି ବର୍ଷ ଅଗସ୍ତ୍ୟ ଜନ୍ମ ହୋଇଥିଲେ।
ନିକଟରେ ନତାଶା ତାଙ୍କ ଘରକୁ ଫେରଥିବା ଜଣାପଡିଛି । ତାଙ୍କ ପିତାମାତା ସର୍ବିଆରେ ରୁହନ୍ତି । ମଙ୍ଗଳବାର ମୁମ୍ବାଇ ବିମାନବନ୍ଦରରେ ନତାଶାଙ୍କୁ ଦେଖିବାକୁ ମିଳିଥିଲା । ପୁଅ ଅଗସ୍ତ୍ୟା ମଧ୍ୟ ତାଙ୍କ ସହିତ ଥିଲେ । ଦୀର୍ଘ ଦିନ ଧରି ହାର୍ଦ୍ଦିକ ଏବଂ ନତାଶାଙ୍କ ସମ୍ପର୍କ ଭଲ ନଥିଲା । ସେମାନଙ୍କ ଛାଡପତ୍ର ଖବର ବହୁ ପୂର୍ବରୁ ଆସିଥିଲା। ବର୍ତ୍ତମାନ ଉଭୟ ଏହା ଉପରେ ପୂର୍ଣ୍ଣଚ୍ଛେଦ ପକାଇଛନ୍ତି।
Click it and Unblock the Notifications
Sign in with Google