ମୃତ୍ୟୁ ପୂର୍ବରୁ ଥାଇଲ୍ୟାଣ୍ତ ଯାଇଥିଲେ ପୁନମ ପାଣ୍ତେ, ଏପରି ଭିଡିଓ ହେଲା ଭାଇରାଲ

Poonam Pandey Passes Away: ବଲିଉଡର ପ୍ରସିଦ୍ଧ ଅଭିନେତ୍ରୀ ତଥା ମଡେଲ ପୁନମ ପାଣ୍ଡେଙ୍କ ଆକସ୍ମିକ ମୃତ୍ୟୁ ଖବର ସମସ୍ତଙ୍କୁ ଚକିତ କରିଛି । ମିଡିଆ ରିପୋର୍ଟରେ ଦର୍ଶାଯାଇଛି ଯେ ସେ ଗର୍ଭାଶୟ କର୍କଟ ରୋଗରେ ପିଡିତ ଥିଲେ । ତାଙ୍କ ମୃତ୍ୟୁ ବିଷୟରେ ସୂଚନା ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଆଜି ସକାଳ ଦିଆଯାଇଛି। ପରେ ଅଭିନେତ୍ରୀଙ୍କ ମ୍ୟାନେଜର ମଧ୍ୟ ତାଙ୍କ ମୃତ୍ୟୁ ଖବରକୁ ନିଶ୍ଚିତ କରିଛନ୍ତି ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, 32 ବର୍ଷିୟ ପୁନମ ପାଣ୍ଡେଙ୍କ ଦେହାନ୍ତ ଖବର ସାଧାରଣ ଲୋକଙ୍କ ଠାରୁ ଆରମ୍ଭ କରି ସେଲିବ୍ରିଟିଙ୍କ ପର୍ଯ୍ୟନ୍ତ ସମସ୍ତଙ୍କୁ ଆଶ୍ଚର୍ଯ୍ୟ କରିଛି । କୁହାଯାଉଛି ଯେ, ଅଭିନେତ୍ରୀ ଦୀର୍ଘ ଦିନ ହେବ କର୍କଟ ରୋଗରେ ପିଡିତ ଥିଲେ । ଶେଷରେ ଗତାକାଲି ରାତିରେ 1 ଫେବ୍ରୁଆରୀ 2023ରେ ତାଙ୍କୁର ମୃତ୍ୟୁ ହୋଇଛି । ତାଙ୍କ ଟିମ୍ ପକ୍ଷରୁ ମିଳିଥିବା ସୂଚନା ଅନୁସାରେ ଅଭିନେତ୍ରୀଙ୍କ ଦେହାନ୍ତ ନିଜ ସହର କାନପୁରରେ ହୋଇଛି ।

ବର୍ତ୍ତମାନ ସୋସିଆଲ ମିଡିଆରେ ଲୋକେ ଅଭିନେତ୍ରୀ ପୁନମ ପାଣ୍ତେଙ୍କ ମୃତ୍ୟୁକୁ ନେଇ ଚର୍ଚ୍ଚା କରୁଛନ୍ତି ଏବଂ ସମସ୍ତଙ୍କ ମନରେ ରହିଛି ଅନେକ ପ୍ରଶ୍ନ । ପୁନମ୍ ପାଣ୍ଡେଙ୍କର ଅନେକ ଭିଡିଓ ମଧ୍ୟ ଇଣ୍ଟରନେଟରେ ଭାଇରାଲ ହେବାରେ ଲାଗିଛି । ଯାାହା ମଧ୍ୟରେ ରହିଛି ପୁନମଙ୍କର ଥାଇଲ୍ୟାଣ୍ତ ଭିଡିଓ । ୱେଲ୍ ଅଭିନେତ୍ରୀ ନିଜ ବର୍ଥ ଡେ ସେଲିବ୍ରେଟ୍ କରିବା ପାଇଁ ଥାଇଲ୍ୟାଣ୍ତ ଯାଇଥିଲେ ଏବଂ ମୃତ୍ୟୁ ପରେ ଏବେ ଥାଇଲ୍ୟାଣ୍ଡରୁ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ଅଭିନେତ୍ରୀ ପୁନମ୍ ପାଣ୍ଡେଙ୍କର ଏକ ୟୁଟ୍ୟୁବ୍ ଚ୍ୟାନେଲ୍ ରହିଛି । ଯେଉଁଥିରେ ଅଭିନେତ୍ରୀ ନିଜ ଜୀବନର ଅନେକ ଛୋଟ ବଡ଼ କଥା ସେୟାର କରନ୍ତି । ତାଙ୍କ ୟୁଟ୍ୟୁବ୍ ଚ୍ୟାନେଲ୍ ନାଁ ପୁନମ ପାଣ୍ତେ ଟିଭି । ଏହି ଚ୍ୟାନେଲରେ ହିଁ ସେ ନିଜ ଥାଇଲ୍ୟାଣ୍ତ ଭିଡିଓ ସେୟାର କରିଛନ୍ତି କୁହାଯାଉଛି ଯେ, ସେ ଭାରତ ଫେରିବା ପରେ ହିଁ ନିଜ ରୋଗ ବିଷୟରେ ଜାଣିବା ପାଇଁ ପାଇଥିଲେ । ହେଲେ ସେତେବେଳେ ଖୁବ୍ ବିଳମ୍ବ ହୋଇଯାଇଥିଲା ।

ଅଭିନେତ୍ରୀଙ୍କ ମୃତ୍ୟୁ ଖବର ତାଙ୍କ ମ୍ୟାନେଜର ନିଶ୍ଚିତ କରିଛନ୍ତି। ପୁନମଙ୍କ ମ୍ୟାନେଜର ପାରୁଲ ଚାୱଲା ଇଣ୍ଡିଆ ଟୁଡେକୁ କହିଛନ୍ତି ଯେ, କିଛି ସମୟ ପୂର୍ବରୁ କର୍କଟ ରୋଗ ବିଷୟରେ ସେ ଜାଣିବା ପାଇଁ ପାଇଥିଲେ । ମୃତ୍ୟୁ ବେଳକୁ ସେ ତାଙ୍କ ଜନ୍ମ ସ୍ଥାନ ଉତ୍ତରପ୍ରଦେଶର କାନପୁର ସହରରେ ଥିଲେ। ତାଙ୍କର ଶେଷ ରୀତିନୀତି ସେଠାରେ ହେବା ନେଇ ଖବର ରହିଛି ।

English summary

What did Poonam Pandey do in Thailand before her death?