ଏହି ଓଟିଟି ପ୍ଲାଟଫର୍ମରେ ଦେଖନ୍ତୁ ଭିକ୍କି କୌଶଲଙ୍କ ଫିଲ୍ମ 'Govinda Naam Mera'

ମୁମ୍ବାଇ: ବଲିଉଡ ଅଭିନେତା ଭିକ୍କି କୌଶଲ ନିଜ ଦମଦାର ଅଭିନୟ ପାଇଁ ବେଶ୍ ପ୍ରଶଂସା ସାଉଁଟିଥାନ୍ତି । ତାଙ୍କୁ ସିନେପରଦାରେ ଅନେକ ଚରିତ୍ରରେ ଦେଖିବା ପାଇଁ ମିଳିଛି ଏବଂ ପ୍ରତିଟି ଫିଲ୍ମରେ ସେ ନିଜ ଚରିତ୍ରକୁ ଜୀବନ୍ତ କରିଥାନ୍ତି । ବର୍ତ୍ତମାନ ପ୍ରଶଂସକମାନେ ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର 'ଗୋବିନ୍ଦା ନାମ ମେରା'କୁ ଅପେକ୍ଷା କରିଛନ୍ତି । ଏହି ଚଳଚ୍ଚିତ୍ରରେ କିଆରା ଆଡଭାନୀ ଏବଂ ଭୂମି ପେଡନେକର ମଧ୍ୟ ନଜର ଆସିବେ । ଧର୍ମା ପ୍ରଡକ୍ସନ୍ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ରଟି OTT ରେ ରିଲିଜ୍ ହେବାକୁ ଯାଉଛି ।

କରଣ ଜୋହର ଭିକ୍କିଙ୍କ ସହ ଆଲୋଚନା କରୁଥିବାର ଏକ ଭିଡିଓ ସେୟାର କରିଛନ୍ତି ଯେଉଁଥିରେ ଫିଲ୍ମଟି OTT ପ୍ଲାଟଫର୍ମ ରିଲିଜ ହେବାକୁ ଯାଉଛି ଏବଂ ଏହି ଚଳଚ୍ଚିତ୍ରରେ ଭିକ୍କିଙ୍କ ଚରିତ୍ର କିପରି ରହିବ ସେ ବିଷୟରେ ପ୍ରକାଶ କରିଛନ୍ତି । ଫିଲ୍ମ 'ଗୋବିନ୍ଦା ନାମ ମେରା' ଡିସ୍ନି ପ୍ଲସ୍ ହଟଷ୍ଟାରରେ ମୁକ୍ତିଲାଭ କରିବ । ତେବେ କେଉଁ ଦିନ ଫିଲ୍ମ ଷ୍ଟ୍ରିମିଂ ହେବାକୁ ଯାଉଛି ତାହା ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ । କରଣଙ୍କର ଏହି ଭିଡିଓରେ ସିନେମାର କାହାଣୀ ସମ୍ପର୍କରେ ଓ ଅଭିନେତାଙ୍କ ଚରିତ୍ରକୁ ନେଇ ମଧ୍ୟ ଅନେକ ସୂଚନା ଦେଇଥିଲେ ।

ଡ୍ୟାନ୍ସର ଚରିତ୍ରରେ ନଜର ଆସିବେ ଭିକ୍କି କୌଶଲ

ଭିକ୍କି କୌଶଲ 'ଗୋବିନ୍ଦା ନାମ ମେରା'ରେ ଜଣେ ଡ୍ୟାନ୍ସର ଭୂମିକାରେ ନଜର ଆସିବେ । ପତ୍ନୀଙ୍କ ବ୍ୟତୀତ ସିନେମାରେ ତାଙ୍କର ଜଣେ ଗର୍ଲଫ୍ରେଣ୍ଡଙ୍କୁ ମଧ୍ୟ ଦେଖିବା ପାଇଁ ମିଳିବ । ନିଜ ଘର ପାଇବା ପାଇଁ ଗୋବିନ୍ଦାଙ୍କର ସଂଘର୍ଷ କାହାଣୀ ମଧ୍ୟ ଦେଖିବା ପାଇଁ ପାଇବେ ଦର୍ଶକ । ପ୍ରଥମେ ଫିଲ୍ମର ଟାଇଟେଲ୍ ଲୋକଙ୍କୁ ଦ୍ୱନ୍ଦରେ ପକାଇଥିଲା । ଅନେକ ଲୋକ ଭାବିଥିଲେ ଯେ ଏହି ଚଳଚ୍ଚିତ୍ରଟି ବଲିଉଡ ଅଭିନେତା ଗୋବିନ୍ଦାଙ୍କ ବାୟୋପିକ । ହେଲେ କରଣ ଏହା ସ୍ପଷ୍ଟ କରିଛନ୍ତି ଯେ ଏହା ଗୋବିନ୍ଦାଙ୍କ ବାୟୋପିକ ନୁହେଁ ବରଂ ଜଣେ ସାଧାରଣ ଡ୍ୟାନ୍ସରଙ୍କ ସଂଘର୍ଷର କାହାଣୀ ।

ଭୂମି ପେଡନେକର ଏବଂ କିଆରା ଆଡଭାନୀଙ୍କ ସହ ଭିକ୍କି କୌଶଲଙ୍କର ଏହା ପ୍ରଥମ ସିନେମା । ଏହି ଯୋଡିକୁ ପ୍ରଥମ ଥର ଏକାଠି ଦେଖିବା ପାଇଁ ଫ୍ୟାନ୍ସ ମଧ୍ୟ ବେଶ୍ ଉତ୍ସାହର ସହ ଅପେକ୍ଷା କରିଛନ୍ତି । ଅନ୍ୟପକ୍ଷରେ କରଣ ଜୋହରଙ୍କ ଏହି ଭିଡିଓଟି ଫିଲ୍ମକୁ ନେଇ ଦର୍ଶକଙ୍କ ଆଗ୍ରହ ଆହୁରି ବଢାଇଦେଇଛି । ଏବେ ଏପେକ୍ଷା ରିଲିଜ୍ ତାରିଖକୁ ।

English summary

Watch Vicky Kaushal's 'Govinda Naam Mera' on this OTT platform