ED'ରେ ହାଜର ହେଲେ ବିଜୟ ଦେବରାକୋଣ୍ଡା, 'ଲାଇଗର' ମନି ଲଣ୍ଡରିଂ ମାମଲାରେ ହେଲା ପଚରାଉଚରା

ମୁମ୍ବାଇ: ହାଇଦ୍ରାବାଦ୍ ଇଡି ଅଫିସରେ ବିଜୟ ଦେବରାକୋଣ୍ଡା । ବୁଧବାର ହାଇଦ୍ରାବାଦରେ ପ୍ରବର୍ତ୍ତନ ନିର୍ଦ୍ଦେଶାଳୟରେ (ଇଡି) ହାଜର ହୋଇଛନ୍ତି ଅଭିନେତା । ତାଙ୍କର ଶେଷ ଫିଲ୍ମ 'ଲାଇଗର୍' ପାଇଁ ପାଣ୍ଠି ଯୋଗାଣ ସହ ଜଡିତ FEMA ( ବୈଦେଶିକ ବିନିମୟ ପରିଚାଳନା ଅଧିନିୟମ) ଅନୁସନ୍ଧାନ ପାଇଁ ସାଉଥ୍ ଅଭିନେତାଙ୍କୁ ଇଡିରେ ହାଜର ହେବା ପାଇଁ ପଡିଛି ।

ବହୁଭାଷୀ ଚଳଚ୍ଚିତ୍ର 'ଲାଇଗର୍' ସଂପର୍କରେ ଇଡି, ଅଭିଯୋଗ ହୋଇଥିବା ଦେୟ ଏବଂ ପାଣ୍ଠିର ଅନୁସନ୍ଧାନ କରୁଛି । ସୂତ୍ରରୁ ମିଳିଥିବା ସୂଚନା ଅନୁଯାୟୀ, ବିଜୟ ଦେବରାକୋଣ୍ଡାଙ୍କୁ ଫିଲ୍ମର ଅର୍ଥର ଉତ୍ସ, ତାଙ୍କୁ ଦିଆଯାଇଥିବା ଦେୟ ଏବଂ ଆମେରିକୀୟ ବକ୍ସର ମାଇକ ଟାଇସନଙ୍କ ସମେତ ଅନ୍ୟ କଳାକାରମାନଙ୍କୁ ଦିଆଯାଇଥିବା ଅର୍ଥ ବିଷୟରେ ମଧ୍ୟ ପଚରାଉଚରା କରାଯାଉଛି ।

ଇଡି ଫିଲ୍ମର ନିର୍ଦ୍ଦେଶକଙ୍କୁ ପ୍ରଶ୍ନ କରିଛି
ସୂଚନା ଅନୁସାରେ, ଗତ ଗତ କିଛି ମାସ ଧରି 'ଲାଇଗର୍' ଚଳଚ୍ଚିତ୍ରର ନିବେଶକଙ୍କ ମଧ୍ୟରେ ଫଣ୍ତଙ୍କୁ ନେଇ ଅନେକ ପ୍ରକାର ଦ୍ୱନ୍ଦ ଦେଖିବା ପାଇଁ ମିଳୁଛି । ନିକଟରେ ଇଡି ଏହାର ନିର୍ଦ୍ଦେଶକ ପୁରୀ ଜଗନ୍ନାଥ ଏବଂ ତାଙ୍କ ବ୍ୟବସାୟିକ ସହଯୋଗୀ ଚାର୍ମି କୌରଙ୍କୁ ପ୍ରାୟ ୧୨ ଘଣ୍ଟା ଧରି ପଚରାଉଚରା କରାଯାଇଥିଲା ।

ଫ୍ଲପ୍ ଫିଲ୍ମ 'ଲାଇଗର'
'ଲାଇଗର୍' ଏକ ସ୍ପୋର୍ଟସ୍, ଡ୍ରାମା, ପ୍ରେମ ଏବଂ ଆକ୍ସନ ଫିଲ୍ମ । ଯାହର ବଜେଟ୍ ପ୍ରାୟ ୧୨୫ କୋଟିରୁ ଅଧିକ । ଏହି ଚଳଚ୍ଚିତ୍ରରେ ମାଇକ୍ ଟାଇସନଙ୍କୁ ମଧ୍ୟ ଦେଖିବା ପାଇଁ ମିଳିଥିଲା । ଜବରଦସ୍ତ ଷ୍ଟାର କାଷ୍ଟ ସତ୍ୱେ ଫିଲ୍ମଟି ବକ୍ସଅଫିସରେ କିଛି ଖାସ୍ ବ୍ୟବସାୟ କରି ପାରି ନଥିଲା ଏପରକି ମୂଳ ବଜେଟକୁ ମଧ୍ୟ ଛୁଇଁ ପାରି ନଥିଲା । ଏହା ଏକ ପ୍ୟାନ୍ ଇଣ୍ଡିଆ ଚଳଚ୍ଚିତ୍ର ହେବା ସତ୍ୱେ ଫ୍ଲପ୍ ହୋଇଥିଲା ।

English summary

Vijay Devarakonda Appeared Before ED In Money Laundering Case