ବୈଶାଳୀ ଠକ୍କର ମୃତ୍ୟୁ ମାମଲା:ପଡୋଶୀ ରାହୁଲ ନାଭଲାନୀ ବିରୋଧରେ ଥାନାରେ ମାମଲା ରୁଜୁ
ବୈଶାଳୀ ଠକ୍କର ମୃତ୍ୟୁ ମାମଲା:ପଡୋଶୀ ରାହୁଲ ନାଭଲାନୀ ବିରୋଧରେ ଥାନାରେ ମାମଲା ରୁଜୁ
ମୁମ୍ବାଇ:ଦିମ୍ବଗତ ଟିଭି ଅଭିନେତ୍ରୀ ବୈଶାଳୀ ଠକ୍କର ଆତ୍ମହତ୍ୟା ମାମଲାରେ ତାଙ୍କ ପଡୋଶୀ ରାହୁଲ ନାଭଲାନୀ ବିରୋଧରେ ଥାନାରେ ମାମଲା ରୁଜୁ ହୋଇଛି । ସୂଚନା ଅନୁସାରେ ବୈଶାଳୀ ଓ ରାହୁଲଙ୍କ ମଧ୍ୟରେ ପୂର୍ବରୁ ସମ୍ପର୍କ ଥିଲା । ଯେଉଁଥି ପାଇଁ ପରବର୍ତ୍ତି ସମୟରେ ସେ ବାରମ୍ବାର ଅଭିନେତ୍ରୀଙ୍କୁ ବ୍ଲାକ୍ମେଲ୍ କରିବା ସହ ତାଙ୍କୁ ଜୀବନରେ ଆଗକୁ ବଢିବାକୁ ଦେଉନଥିଲେ । ଏ ବିଷୟରେ ବୈଶାଳୀଙ୍କ ପୁରା ପରିବାର ମଧ୍ୟ ଜାଣିଥିଲେ। ଏମିତିକି ବୈଶାଳୀଙ୍କର ବିବାହ ହେବାକୁ ମଧ୍ୟ ଦେଉନଥିଲେ। ରାହୁଲଙ୍କ ପାଇଁ ପୂର୍ବରୁ ବୈଶାଳୀଙ୍କର ର୍ନିବନ୍ଧ ମଧ୍ୟ ଭାଙ୍ଗି ଯାଇଥିଲା ।
ରାହୁଲ ବୈଶାଳୀଙ୍କୁ ନେଇ ନାନା ଗୁଜବ ପ୍ରଚାର କରୁଥିଲେ । ଯେଉଁଥି ପାଇଁ ବୈଶାଳୀଙ୍କର ବାରମ୍ବାର ବାହାଘର ମଧ୍ୟ ଭାଙ୍ଗିଯାଉଥିଲା । ରାହୁଲ ସବୁବେଳେ ବ୍ଲାକ୍ମେଲ୍ କରୁଥିଲେ ଯେଉଁଥି ପାଇଁ ବୈଶାଳୀ ଆତ୍ମହତ୍ୟା କରିବା ପରି ନିଷ୍ପତ୍ତି ନେଇଥିଲେ ବୋଲି ପରିବାର ଲୋକେ ଅଭିଯୋଗ କରିଛନ୍ତି ।
ସେ ଏକରୁ ଅଧିକ ହିଟ୍ ସିରିଏଲରେ କାମ କରିଛନ୍ତି। ସେ ' 'ୟେ ରିସ୍ତା କୟା କେହଲତା ହୈ', 'ସସୁରାଲ ସିମର କା' ପରି ଟିଭି ସିରିଏଲରୁ ଲୋକପ୍ରିୟତା ହାସଲ କରିଥିଲେ । 'ସୁପର ସିଷ୍ଟର', ବିଷ୍ ୟା ଅମ୍ରିତ', 'ମନମୋହିନୀରେ-୨' ପରି ସୁପରହିଟ୍ ସିରିଏଲରେ ଅଭିନୟ କରିଥିଲେ । ତାଙ୍କ ଆତ୍ମହତ୍ୟା ଖବର ଟେଲିଭିଜନ ଜଗତକୁ ଚକିତ କରିଦେଇଛି ।
Click it and Unblock the Notifications
Sign in with Google