ସନ୍ୟାସ ଧର୍ମ ଗ୍ରହଣ କଲେ ଅଭିନେତ୍ରୀ,ମୁମ୍ବାଇ ଛାଡ଼ି ହିମାଳୟରେ ପହଞ୍ଚିଲେ

Mumbai: Actress Nupur Alankar Takes Sanyaas .ସନ୍ୟାସ ଧର୍ମ ଗ୍ରହଣ କଲେ ଅଭିନେତ୍ରୀ,ମୁମ୍ବାଇ ଛାଡ଼ି ହିମାଳୟରେ ପହଞ୍ଚିଲେ

ମୁମ୍ବାଇ: ୨୭ ବର୍ଷ ଟେଲିଭିଜନରେ ଅଭିନୟ କରି ଦର୍ଶକଙ୍କ ମନୋରଞ୍ଜନ କରୁଥିବା ନୁପୁର ଆଲଙ୍କାର ଏବେ ସନ୍ୟାସ ନେଇ ଯାଇଛନ୍ତି। ସେ ଜଣେ ସଫଳ ଅଭିନେତ୍ରୀ । ନିଜ କ୍ୟାରିୟରରେ ସେ ଅନେକ ଟିଭି ସିରିଏଲରେ କାମ କରିଛନ୍ତି । ସ୍ୱରାଗିନି, ଆଗଲେ ଜନମ ମୋହେ ବିଟିୟା ହି କିଜୋ' ଭଳି ସିରିଏଲରେ ସେ କାମ କରି ଦର୍ଶକଙ୍କ ମନରେ ନିଜ ଅଭିନୟରେ ଏକ ସ୍ୱତନ୍ତ୍ର ଛାପ ଛାଡିଥିଲେ । ଏବେ ଟେଲିଭିଜନ ଗତରୁ ଅବସର ନେଇଛନ୍ତି ନୁପୁର ଆଲଙ୍କା । ପରଦା ଉପରେ ଆଉ ନଜର ଆସିବେନି ନୁପୁର । ରଙ୍ଗିନ୍ ଦୁନିଆରୁ ବିଦୟ ନେଇ ମୋହ ମାୟା ତ୍ୟାଗ କରି ସେ ସନ୍ୟାସ ଗ୍ରହଣ କରିଛନ୍ତିସ ଅଭିନେତ୍ରୀ ନୁପୁର । ସୂଚନା ଅନୁସାରେ ଏବେ ସେ ତୀର୍ଥଯାତ୍ରାରେ ଯାଇଛନ୍ତି । ମାୟାନାଗରୀ ମୁମ୍ବାଇ ଛାଡ଼ି ଏବେ ସେ ହିମାଳୟରେ ଅଛନ୍ତି ।

କରୋନା ମହାମାରୀ ଲକଡାଉନ୍ ସମୟରେ ନାନା ସମସ୍ୟା ଦେଇ ସେ ଗତି କରିଥିଲେ ଅଭିନେତ୍ରୀ । ଜୀବନର ମଞ୍ଚରେ ତାଙ୍କୁ ଅନେକ ସଂଘର୍ଷ କରିବା ପାଇଁ ପଡିଥିଲା । କରୋନାରେ ହାତରେ କାମ ନଥିବାରୁ ସେ ଆର୍ଥିକ ସମସ୍ୟା ଦେଇ ଗତି କରିଥିଲେ । ଏହାରି ମଧ୍ୟରେ ତାଙ୍କର ସ୍ୱାସ୍ଥ୍ୟ ଅବସ୍ଥା ମଧ୍ୟ ଠିକ୍ ନଥିଲା ।ଚିକିତ୍ସା ପାଇଁ ମଧ୍ୟ ପାଖରେ ଟଙ୍କା ନଥିଲା । ଯାହା ପରେ ସେ ସନ୍ୟାସ ନେବାର ନିଷ୍ପତ୍ତି ନେଇଥିଲେ । ସୂଚନା ଅନୁସାରେ ସେ ଫେବୃଆରୀରେ ସନ୍ୟାସ ଗ୍ରହଣ କରିଥିଲେ । ଏବେ ସେ ତୀର୍ଥଯାତ୍ରାରେ ବ୍ୟସ୍ତ ଅଛନ୍ତି ଏବଂ ଅନେକ ଅସହାୟ ଲୋକଙ୍କୁ ସାହାଯ୍ୟ କରୁଛି । ମୁଁ ସର୍ବଦା ଆଧ୍ୟାତ୍ମିକତା ପ୍ରତି ଆଗ୍ରହୀ ଥିଲି ଏବଂ ମୁଁ ଆଧ୍ୟାତ୍ମିକତାକୁ ଅନୁସରଣ କରିଆସୁଥିଲି, ତେଣୁ ବର୍ତ୍ତମାନ ସମୟ ଆସିଛି ଯେତେବେଳେ ମୁଁ ନିଜକୁ ସମ୍ପୂର୍ଣ୍ଣ ଏଥିରେ ଲିପ୍ତ ରଖିବି ବୋଲି କହିଛନ୍ତି ଅଭିନେତ୍ରୀ ।

English summary

Actress Nupur Alankar Takes Sanyaas . Actress has left Mumbai for good and is now on her way to the Himalayas.