ନ୍ୟାୟ ମାଗିଲେ ତୁନିଶା ଶର୍ମାଙ୍କ ମା' , କହିଲେ ପ୍ରେମ ମୃତ୍ୟୁର କାରଣ

ମୁମ୍ବାଇ: ନ୍ୟାୟ ମାଗିଲେ ଅଭିନେତ୍ରୀ ତୁନିଶା ଶର୍ମା ମା'ଙ୍କ । ପ୍ରେମ, ପ୍ରତାରଣ ତୁନିଶାଙ୍କ ମୃତ୍ୟୁର କାରଣ ବୋଲି କହିଲେ ଅଭିନେତ୍ରୀଙ୍କ ମା' । କୋ-ଷ୍ଟାର ଶିଜାନ ଖାନ ସମ୍ପର୍କ ରଖି ଧୋକା ଦେଇଥିବା ଯୋଗୁଁ ସେ ବାଧ୍ୟ ହୋଇ ଆତ୍ମହତ୍ୟା କରିଥିବା ନେଇ ଅଭିଯୋଗ ଆଣିଲେ ମା' । ଏସବୁ ପ୍ରକାଶ କରି ଅଭିନେତ୍ରୀଙ୍କ ମା' ଏକ ଭିଡିଓ ସେୟାର କରିଛନ୍ତି ।

ଭିଡିଓରେ ଅଭିନେତ୍ରୀଙ୍କ ମା' କହିଛନ୍ତି, "ଅନ୍ୟ ଜଣେ ମହିଳାଙ୍କ ସହ ସମ୍ପର୍କ ଥିବା ସତ୍ୱେ ସେ ତୁନିଶାଙ୍କ ସହ ସମ୍ପର୍କ ବଜାୟ ରଖିଥିଲେ। ସେ ତାଙ୍କ ସହ ତିନି-ଚାରିମାସ ସମ୍ପର୍କରେ ରହିଥିଲେ । ମୁଁ କେବଳ କହିବାକୁ ଚାହେଁ ଯେ, ଶିଜାନଙ୍କୁ ଦଣ୍ତ ମିଳିବା ଉଚିତ୍ । ତାଙ୍କୁ ଛଡା ଯିବା ଉଚିତ୍ ନୁହେଁ । ତାଙ୍କ ପାଇଁ ମୁଁ ମୋ ଝିଅକୁ ହରାଇଛି। "

ତୁନିଶାଙ୍କ ମା' ଆତ୍ମହତ୍ୟା ପାଇଁ ଏକ ମାମଲା ଦାୟର କରିଥିଲେ । ଯେଉଁଥି ପାଇଁ ଅଭିନେତାଙ୍କୁ ପୋଲିସ ଗିରଫ କରିଛି । ସେପଟେ ତୁନିଶାଙ୍କ ମୃତ୍ୟୁ ଏବଂ ଶିଜାନଙ୍କ ଗିରଫ ପରେ ସୋ' ନିର୍ମାତାଙ୍କ ଚିନ୍ତା ବଢିଯାଇଛି, ସୁଟିଂ କିଛି ଦିନ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି। ଏଥି ସହିତ ସୂଚନା ଅନୁସାରେ, ଶିଜାନ୍-ତୁନିଶାଙ୍କର ୧୫ ଦିନ ପୂର୍ବରୁ ବ୍ରେକ୍ ଅପ୍ ହୋଇଥିଲା ।

ଏହି ଚଳଚ୍ଚିତ୍ରରେ ତୁନିଶା ଅଭିନୟ କରିଛନ୍ତି
ଏହାପୂର୍ବରୁ ତୁନିଶାଙ୍କ ମାମୁଁ ପୱନ ଶର୍ମା ଗଣମାଧ୍ୟମକୁ ସୂଚନା ଦେଇଥିଲେ ଯେ, ତୁନିଶାଙ୍କ ପୂର୍ବରୁ ଶିଜାନଙ୍କର ଅନ୍ୟ ଅନେକ ଝିଅଙ୍କ ସହ ସମ୍ପର୍କ ରହିଥିଲା । ୨୦୧୩ ରେ ପ୍ରସିଦ୍ଧ ସିରିଏଲ 'Bharat ka Veer Putra Maharana Pratap'ଜରିଆରେ ତୁନିଶା ନିଜ ଅଭିନୟ କ୍ୟାରିୟର ଆରମ୍ଭ କରିଥିଲେ । ଅନେକ ଟିଭି ସୋ'ରେ ଅଭିନୟ କରିବା ବ୍ୟତୀତ ସେ ବଲିଉଡ ଫିଲ୍ମ 'ଫିତୁର', 'ବାର ବାର ଦେଖୋ' ଏବଂ 'କାହାନି ୨' ରେ ମଧ୍ୟ ଅଭିନୟ କରିଛନ୍ତି ।

English summary

Tunisha Sharma's mother wants justice, love is the root cause of death