ୟଶଙ୍କ ବହୁ ଚର୍ଚ୍ଚିତ ଫିଲ୍ମ 'ଟକ୍ସିକ' ଟିଜର ରିଲିଜ

ସାଉଥ ସୁପରଷ୍ଟାର ୟଶ ଆଜି ତାଙ୍କର ୪୦ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ତାଙ୍କୁ ଚାରିଆଡୁ ଶୁଭେଚ୍ଛାର ସୁଅ ଛୁଟୁଥିବା ବେଳେ ୟଶ ମଧ୍ୟ ତାଙ୍କ ଫ୍ୟାନ୍ସଙ୍କୁ ଭେଟି ଦେଇଛନ୍ତି । ୟଶଙ୍କ ବହୁ ଚର୍ଚ୍ଚିତ ଫିଲ୍ମ 'ଟକ୍ସିକ' ଟିଜର ରିଲିଜ ହୋଇଛି । ଫିଲ୍ମର ଟିଜର ସକାଳ ୧୦ଟା ୧୦ ରେ ୟୁଟ୍ୟୁବରେ ରିଲିଜ୍ ହୋଇଛି ।

ଯେଉଁଥିରେ ୟଶଙ୍କ ଆକ୍ସନ ଦେଖିବାକୁ ମିଳିଛି । ତେବେ ୨.୫୧ ମିନିଟର 'ଟକ୍ସିକ' ଟ୍ରେଲରଟି ଏକ କବରସ୍ଥାନରୁ ଆରମ୍ଭ ହୋଇଛି, ଯେଉଁଠାରେ କିଛି ପ୍ରମୁଖ ବ୍ୟକ୍ତି ନିଜ ପ୍ରିୟଜନଙ୍କୁ କବର ଦେବାକୁ ଆସନ୍ତି ଏବଂ କାହାକୁ ପ୍ରବେଶ କରିବାକୁ ନ ଦେବା ପାଇଁ କବରସ୍ଥାନକୁ ତାଲା ପକାଇ ଦିଅନ୍ତି । ଏହି ସମୟରେ ଏକ ବ୍ଲାକ କାର୍ ଆସେ । ଯାହାର କିଛି ସମୟ ପରେ ବିସ୍ଫୋରଣ ହୁଏ । ଏହା ପରେ ୟଶଙ୍କ ଦମଦାର ଏଣ୍ଟ୍ରି ହୁଏ । ଫିଲ୍ମରେ ୟଶଙ୍କ ଚରିତ୍ରର ନାମ 'ରାୟା', ଯାହାକୁ ଫିଲ୍ମରେ ଏକ ମାଷ୍ଟର ମାଇଣ୍ଡ କୁହାଯାଉଛି ।

"ଟକ୍ସିକ" ଗୀତୁ ମୋହନଦାସଙ୍କ ଦ୍ୱାରା ନିର୍ଦ୍ଦେଶିତ । ଭେଙ୍କଟ ନାରାୟଣ ଏବଂ ୟଶ ପ୍ରଯୋଜକ। କେଭିଏନ ପ୍ରଡକ୍ସନ୍ସ ଏବଂ ମନଷ୍ଟର ମାଇଣ୍ଡ କ୍ରିଏସନ୍ସ ବ୍ୟାନରରେ ନିର୍ମିତ, ଏହି ଫିଲ୍ମର ସିନେମାଟୋଗ୍ରାଫର ହେଉଛନ୍ତି ରାଜୀବ ରବି । ଏହି ଫିଲ୍ମରେ ୟଶ ଏବଂ କିୟାରା ଆଡଭାନୀ ଅଭିନୟ କରିଛନ୍ତି । ମାଆ ହେବା ପରେ ଏହା କିଆରା ଆଡଭାନୀଙ୍କ ପ୍ରଥମ ଫିଲ୍ମ । ତାରା ସୁତାରିଆ, ହୁମା କୁରେଶୀ, ରୁକ୍ମଣୀ ବସନ୍ତ, ଅକ୍ଷୟ ଓବେରୟ ଏବଂ ସୁଦେବ ନାୟର ମଧ୍ୟ ଏହି ଫିଲ୍ମର ଅଂଶ ହେବେ । ତେବେ ଫିଲ୍ମଟି ୬ଟି ଭାଷା ଇଂରାଜୀ, କନ୍ନଡ, ହିନ୍ଦୀ, ତେଲୁଗୁ, ତାମିଲ ଏବଂ ମାଲାୟଲମ ରେ ୧୯ ମାର୍ଚ୍ଚ, ୨୦୨୬ରେ ମୁକ୍ତିଲାଭ କରିବ ।