କାନାଡାରେ ଭାରତୀୟ ସିନେମାକୁ ବିରୋଧ, ଐଶ୍ୱର୍ଯ୍ୟାଙ୍କ ଫିଲ୍ମ PS-1 ରିଲିଜ୍ କଲେ ସ୍କ୍ରିନ୍‌ ଛିଣ୍ଡାଇ ଦିଆଯିବ

ମୁମ୍ବାଇ: କାନାଡାରେ ଐଶ୍ୱର୍ଯ୍ୟାଙ୍କ ଫିଲ୍ମ PS-1କୁ ବିରୋଧ । ଫିଲ୍ମ ରିଲିଜ୍ କଲେ ଆକ୍ରମଣ କରାଯିବା ସହ ସ୍କ୍ରିନ୍‌ ଛିଣ୍ଡାଇ ଦିଆଯିବ । କାନାଡାରେ ବନ୍ଦ ହେବ ଭାରତୀୟ ସିନେମା ରିଲିଜ୍ । ଇ-ମେଲ୍ ଜରିଆକେ ଏପରି ଧମକ ମିଳିଛି ଥିଏଟର ମାଲିକମାନଙ୍କୁ ।

ସେପ୍ଟେମ୍ବର ୩୦ ଅର୍ଥାତ୍ ଆସନ୍ତାକାଲି ରିଲିଜ୍ ହେବା ପାଇଁ ଯାଉଛି ବହୁ ପ୍ରତିକ୍ଷିତ ସିନେମା 'ପୋନ୍ନିୟନ ସେଲଭନ-୧' । ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ କ୍ରେଜ୍ ଲାଗି ରହିଛି । ହେଲେ ରିଲିଜ୍ ପୂର୍ବରୁ ଫିଲ୍ମକୁ କରାଯାଉଛି ବିରୋଧ । ଫିଲ୍ମ ରିଲିଜ୍ ନ କରିବା ପାଇଁ ଥିଏଟର ମାଲିକମାନଙ୍କୁ ଆସିଛି ଧମକ ପୂର୍ଣ୍ଣ ଇ-ମେଲ୍ ।

କାନାଡାର ହାମିଲଟନ୍, କିଚନର୍, ଏବଂ ଲଣ୍ଡନ ଭଳି ସହରରେ ଫିଲ୍ମ 'ପୋନିୟନ୍ ସେଲଭାନ୍'କୁ ରିଲିଜ୍ କରିବା ପାଇଁ ନିଷ୍ପତ୍ତି ନିଆଯାଇଥିଲା । ହେଲେ କିଛି ସ୍ଥାନୀୟ ଲୋକ ଏହାକୁ ବିରୋଧ କରିବା ଆରମ୍ଭ କରିଦେଇଛନ୍ତି । ଫିଲ୍ମ ସ୍କ୍ରିନିଂ ନକରିବା ପାଇଁ ଫିଲ୍ମ ହଲ ମାଲିକମାନଙ୍କ ନିକଟକୁ ଏକ ଇ-ମେଲ ଆସିଛି । ଯେଉଁଥିରେ ଲେଖାଯାଇଛି ଯେ' ଯଦି ଏହି ଫିଲ୍ମର ସ୍କ୍ରିନିଂ କରାଯାଏ ତେବେ ହଙ୍ଗାମା ହେବ । ଯଦି PS1 ତାମିଲ କିମ୍ବା KW ଟକିଜର ଅନ୍ୟ କୌଣସି ଚଳଚ୍ଚିତ୍ର ରିଲିଜ୍ ହୁଏ, ତେବେ ହଲ ମାଲିକଙ୍କ ସହ, ଫିଲ୍ମ ହଲର କର୍ମଚାରୀଙ୍କ ଉପରେ ମଧ୍ୟ ଆକ୍ରମଣ କରାଯିବ, ସିନେମା ହଲର ସ୍କ୍ରିନକୁ ମଧ୍ୟ ଛିଣ୍ଡାଇ ଦିଆଯିବା ।

English summary

Protest against Indian cinema in Canada: Canada Theatre Owners Get Threats Before 'Ponniyin Selvan 1 Release'