ବିବାଦରେ 'Thank God', ସୁପ୍ରିମକୋର୍ଟରେ ପହଁଚିଲା ମାମଲା
ବିବାଦରେ 'Thank God', ସୁପ୍ରିମକୋର୍ଟରେ ପହଁଚିଲା ମାମଲା
ମୁମ୍ବାଇ: ବିବାଦରେ ଅଜୟ ଦେବଗନଙ୍କ ଫିଲ୍ମ 'ଥ୍ୟାଙ୍କ ଗଡ୍' । ଫିଲ୍ମ ରିଲିଜ୍ ଉପରେ ରୋକ ଲଗାଇବା ପାଇଁ କରାଯାଉଛି ଦାବି । ଅକ୍ଟୋବର ୨୫ରେ ରିଲିଜ ହେବାକୁ ଯାଉଥିବା ଏହି ଫିଲ୍ମ ବିରୋଧରେ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଛି । ଏହି ଫିଲ୍ମରେ ଭଗବାନ ଚିତ୍ରଗୁପ୍ତଙ୍କୁ ଅପମାନିତ କରାଯାଇଥିବା ଅଭିଯୋଗରେ ଚିତ୍ରଗୁପ୍ତ ୱେଲଫେଆର୍ ଟ୍ରଷ୍ଟ ସୁପ୍ରିମକୋର୍ଟରେ ଏକ ମାମଲା ଦାଖଲ କରିଛି । ଏପରିକି ଫିକୁ ଓଟିଟି ପ୍ଲାଟଫର୍ମରେ ମଧ୍ୟ ରିଲିଜ ନ କରାଯାଉ ବୋଲି ଦାବି କରାଯାଉଛି ।
ସେପ୍ଟେମ୍ବର ୯ରେ ମେକର୍ସଙ୍କ ପକ୍ଷରୁ ଫିଲ୍ମ 'Thank God'ର ଟ୍ରେଲର ଲଞ୍ଚ କରାଯାଇଥିଲା । ଯାହା ପରେ ବିବାଦ ଦେଖିବା ପାଇଁ ମିଳିଛି । ହିନ୍ଦୁ ଧର୍ମର ଲୋକଙ୍କ ଭାବାବେଗକୁ ଆଘାତ ପହଞ୍ଚାଇବାକୁ ଚେଷ୍ଟା କରାଯାଉଥିବା ନେଇ ଅଭିଯୋଗ କରାଯାଇଛି । ପ୍ରଥମେ ଫିଲ୍ମ କଳାକାର ଓ ନିର୍ଦ୍ଦେଶକ ଇନ୍ଦ୍ର କୁମାରଙ୍କ ବିରୋଧରେ ଉତ୍ତର ପ୍ରଦେଶରେ ଏକ ମାମଲା ରୁଜୁ କରାଯାଇଥିଲା । ସେହିପରି କର୍ଣ୍ଣାଟକାରେ ହିନ୍ଦୁ ସଂଗଠନ ପକ୍ଷରୁ ମଧ୍ୟ ଫିଲ୍ମକୁ ବ୍ୟାନ୍ କରିବା ପାଇଁ ଦାବି କରାଯାଇଥିଲା ।
ତେବେ ଏହି ଫିଲ୍ମର ଟ୍ରେଲରରେ ଭଗବାନ ଚିତ୍ରଗୁପ୍ତ ଓ ଭଗବାନ ଯମଙ୍କୁ ଆଧୁନିକ ପୋଷାକରେ ଦେଖିବା ପାଇଁ ମିଳୁଛି । ସେଥିପାଇଁ ହିନ୍ଦୁ ଜନଜାଗୃତ ସମିତି କର୍ଣ୍ଣାଟକରେ ବ୍ୟାନ କରିବା ପାଇଁ ଦାବି କରିଥିଲା । ଏପରିକି ଏହି ଫିଲ୍ମକୁ ରିଲିଜ୍ ପାଇଁ ପ୍ରମାଣପତ୍ର ନ ଦେବା ପାଇଁ ମଧ୍ୟ ସେନସର ବୋର୍ଡ ନିକଟରେ ଦାବି କରାଯାଇଛି ।
ଅଜୟ ଦେବଗନ୍, ରକୁଲ ପ୍ରିତ ଓ ସିଦ୍ଧାର୍ଥ ମଲହୋତ୍ରାଙ୍କ ଏହି ଫିଲ୍ମ ଆସନ୍ତା ଅକ୍ଟୋବର ୨୫ରେ ରିଲିଜ ହେବା ପାଇଁ ଯାଉଛି ।
Click it and Unblock the Notifications
Sign in with Google