ରିଲିଜ୍ ହେଲା ତାପସୀଙ୍କ ଫିଲ୍ମ 'ବ୍ଲର' ଟିଜର୍, ଏହି ଓଟିଟି ପ୍ଲାଟଫର୍ମରେ ହେବ ରିଲିଜ୍

ମୁମ୍ବାଇ: ଚଳିତ ବର୍ଷ ମୁକ୍ତିଲାଭ କରିଥିବା ଫିଲ୍ମ 'ଦୋବାରା' ପରେ ବଲିଉଡ ଅଭିନେତ୍ରୀ ତାପସୀ ପନ୍ନୁଙ୍କ ଆଉ ଏକ ଥ୍ରୀଲର ଡ୍ରାମା ଫିଲ୍ମ ଆସିବା ପାଇଁ ଯାଉଛି । ଆଜ୍ଞା ହଁ ତାପସୀଙ୍କ ଆଗମୀ ଫିଲ୍ମ 'ବ୍ଲର' ରୋମାଞ୍ଚକ ଟିଜର ରିଲିଜ୍ ହୋଇଯାଇଛି । ନଭେମ୍ବର ୨୬ ରେ ରିଲିଜ୍ ହୋଇଥିହା ଏହି ଚଳଚ୍ଚିତ୍ରର ଟିଜର ସସପେନ୍ସ ଏବଂ ଥ୍ରୀଲରରେ ପରିପୂର୍ଣ୍ଣ ।

ଅଭିନେତ୍ରୀ ସୋସିଆଲ ମିଡିଆରେ ତାଙ୍କ ଆଗାମୀ ଚଳଚ୍ଚିତ୍ରର ଟିଜର ପ୍ରଶଂସକଙ୍କ ସହ ସେୟାର କରିଛନ୍ତି । ଟିଜର ଆରମ୍ଭ ଏକ ଫୋନ କଲରୁ ହେଉଛି । ଯାହା ପରେ ବିପଦର ଶବ୍ଦ ଶୁଣିବା ପାଇଁ ମିଳୁଛି । ତା'ପରେ ତାପସୀଙ୍କ ସ୍ୱର ଆସେ, ସେ କୁହନ୍ତି, 'ତୁମେ କାହିଁକି ଚୁପ୍ ଅଛ ? କାହିଁକି ଉତ୍ତର ଦେଉ ନାହଁ ? ଟିଜରରେ, ମୁଁ ଜାଣେ ତୁମେ ଏଠାରେ ଅଛ, ତୁମେ ମୋତେ ଦେଖୁଛ ।' ତାପସୀଙ୍କ ଚିତ୍କାର ସହିତ ଟିଜରଟି ଶେଷ ହେଉଛି ।

ଏହି ଟିଜରକୁ ସେୟାର କରି ତାପସୀ ଲେଖିଛନ୍ତି, 'ବିପଦ ଚାରିଆଡେ ଅଛି, କିନ୍ତୁ ଗାୟତ୍ରୀ ଏହା ଦେଖିବାରେ ସକ୍ଷମ ହେବେ କି? ତାଙ୍କ ଆଖିରେ ତାଙ୍କ ଜଗତକୁ ଦେଖିବାକୁ ପ୍ରସ୍ତୁତ ହୋଇଯାଆନ୍ତୁ' । ତାପସୀଙ୍କ ଫିଲ୍ମ 'ବ୍ଲର' ଏକ ସସପେନ୍ସ ଏବଂ ଥ୍ରୀଲରରେ ପରିପୂର୍ଣ୍ଣ ହେବ । ଏହି ଫିଲ୍ମରେ ତାପସୀ 'ଗାୟତ୍ରୀ' ନାମକ ଜଣେ ଝିଅ ଭୂମିକାରେ ନଜର ଆସିବେ, ଯିଏ ନିଜ ଭଉଣୀଙ୍କ ମୃତ୍ୟୁ ମାମଲାରେ ନିୟୋଜିତ ଅଛନ୍ତି । ଗାୟତ୍ରୀଙ୍କୁ ସବୁକିଛି ଅସ୍ପଷ୍ଟ ବା ବ୍ଲର ଦେଖାଯାଏ, ଅର୍ଥାତ୍ ତାଙ୍କ ଦୁନିଆ ବ୍ଲର୍ । ଅଭିନେତା ଗୁଲଶନ ଦେୱେୟା ମଧ୍ୟ ତାପସୀ ପନ୍ନୁଙ୍କ ସହ ଏହି ଫିଲ୍ମରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ । ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ଅଜୟ ବହଲ। ବ୍ଲର ଡିସେମ୍ବରରେ ୯ ତାରିଖରେ OTT' ପ୍ଲାଟଫର୍ମରେ Zee5ରେ ରିଲିଜ୍ ହେବାକୁ ଯାଉଛି ।

English summary

Taapsee Pannu Film Blurr Teaser Out