ସୁସ୍ମିତା-ଲଳିତ ଆଫେୟାର୍ସ: ମୁହଁ ଖୋଲିଲେ ସୁସ୍ମିତାଙ୍କ ପିତା

ଅବସରପ୍ରାପ୍ତ ଭାରତୀୟ ବାୟୁସେନା ଅଧିକାରୀ ସୁବୀର ସେନ କହିଛନ୍ତି, “ମୋର ଏହା ବିଷୟରେ କୌଣସି ଧାରଣା ନାହିଁ। ମୁଁ ଶୁକ୍ରବାର ସକାଳେ ତାଙ୍କ ସହ ଫୋନରେ କଥା ହୋଇଥିଲି। କିନ୍ତୁ, ସେ ମୋତେ ଏ ବିଷୟରେ କିଛି କହି ନାହାଁନ୍ତି ।

Published: Saturday, July 16, 2022, 17:58 [IST]

ମୁମ୍ବାଇ: ଚର୍ଚ୍ଚାରେ ପୂର୍ବତନ ମିସ୍ ୟୁନିଭର୍ସ ସୁସ୍ମିତା ସେନ୍‌ ଓ ଆଇପିଏଲ୍‌ର ପୂର୍ବତନ ଚେୟାରମ୍ୟାନ୍ ଲଳିତ ମୋଦି । ଦୁହିଁଙ୍କ ସଂପର୍କ ବିଷୟରେ ଖବର ବାହାରକୁ ଆସିବା ପରେ ଚାରିଆଡେ ଏହାକୁ ନେଇ ଚର୍ଚ୍ଚାହେଉଥିବା ଦେଖିବାକୁ ମିଳିଛି ନିକଟରେ ସୁସ୍ମିତା ଏବଂ ତାଙ୍କ ପୂର୍ବତନ ପ୍ରେମିକ ରହମାନଙ୍କ ପ୍ରତିକ୍ରିୟା ସାମ୍ନାକୁ ଆସିଥିବାବେଳେ ବର୍ତ୍ତମାନ ଅଭିନେତ୍ରୀଙ୍କ ବାପା ନିଜର ପ୍ରତିକ୍ରିୟା ରଖିଛନ୍ତି ।

ଅବସରପ୍ରାପ୍ତ ଭାରତୀୟ ବାୟୁସେନା ଅଧିକାରୀ ସୁବୀର ସେନ କହିଛନ୍ତି, "ମୋର ଏହା ବିଷୟରେ କୌଣସି ଧାରଣା ନାହିଁ। ମୁଁ ଶୁକ୍ରବାର ସକାଳେ ତାଙ୍କ ସହ ଫୋନରେ କଥା ହୋଇଥିଲି। କିନ୍ତୁ, ସେ ମୋତେ ଏ ବିଷୟରେ କିଛି କହି ନାହାଁନ୍ତି । ଲଳିତ ମୋଦିଙ୍କ ଟ୍ୱିଟ ପରେ ମୁଁ ଗଣମାଧ୍ୟମ ଠାରୁ ଏନେଇ ଜାଣିବା ପାଇଁ ପାଇଲି । ମୁଁ ଏହା ଉପରେ ମନ୍ତବ୍ୟ ଦେବାକୁ ଅସମର୍ଥ ।ସେ ଆହୁରି ମଧ୍ୟ କହିଛନ୍ତି, "ଯଦି ଏହି ଖବର ସତ, ତେବେ ଏହା ମୋ ଝିଅର ଜୀବନରେ ଏକ ନୂଆ ମୋଡ ଆଣିବ। ଭବିଷ୍ୟତରେ ମୁଁ ନିଶ୍ଚିତ ଭାବରେ ଏହା ବିଷୟରେ ଜଣାଇବି । କିନ୍ତୁ ବର୍ତ୍ତମାନ ସୁଦ୍ଧା ମୋ ପାଖରେ କୌଣସି ସୂଚନା ନାହିଁ।

ଗୁରୁବାର ସନ୍ଧ୍ୟାରେ ଲଳିତ ମୋଦି ସୁସ୍ମିତା ସେନଙ୍କ ସହ କିଛି ଫଟୋ ସେୟାର କରିଛନ୍ତି, ଯେଉଁଥିରେ ଉଭୟ ଏକାଠି କେଉଁ ଏକ ସୁନ୍ଦର ଦ୍ବୀପରେ ଛୁଟି କାଟୁଥିବା ଦେଖିବାକୁ ମିଳିଛି । ଫଟୋ ସେୟାର କରି ଲଳିତ ଦାବି କରିଛନ୍ତି ଯେ, ସେ ବଲିଉଡ ଅଭିନେତ୍ରୀ ସୁସ୍ମିତାଙ୍କୁ ଡେଟ କରୁଛନ୍ତି । ଲଳିତ ମୋଦିଙ୍କ ଏହି ଟ୍ୱିଟ୍ ସାମ୍ନାକୁ ଆସିବା ମାତ୍ରେ ସବୁଆଡେ ହଇଚଇ ସୃଷ୍ଟି ହୋଇଯାଇଥିଲା ।

Published On July 16, 2022