ମାୟାନଗରୀ ହୋଟେଲରେ ଆତ୍ମହତ୍ୟା କଲେ ମଡେଲ୍
ମାୟାନଗରୀ ହୋଟେଲରେ ଆତ୍ମହତ୍ୟା କଲେ ମଡେଲ୍.ଶାନ୍ତି ଦରକାର କହି ଆତ୍ମହତ୍ୟା କଲେ ମଡେଲ୍!
ମୁମ୍ବାଇ: ଶାନ୍ତି ଦରକାର କହି ଆତ୍ମହତ୍ୟା କଲେ ମଡେଲ୍ ! ଫ୍ୟାନରେ ରଶି ଲଗାଇ ସୁଇସାଇଡ୍ କରିଛନ୍ତି ୩୦ ବର୍ଷୀୟା ଆକାଂକ୍ଷା ।
ମାୟାନଗରୀ ମୁମ୍ବାଇ ଯେତିକି ରଙ୍ଗିନ୍ ସେତିକି ସଂଘର୍ଷମୟ ମଧ୍ୟ । ଏଠି ନିଜ ସ୍ୱପ୍ନ ପୂରଣ କରିବା ପାଇଁ ତ ଅନେକ ପହଁଚିଥାନ୍ତି ହେଲେ କ୍ଷଣିକରେ ଏହି ସହର ଅନେକଙ୍କୁ ଅସହାୟ ମଧ୍ୟ କରିଦିଏ । ଯାହାର ଅନେକ ଉଦାହରଣ ଆପଣ ମାନେ ପୂର୍ବରୁ ମଧ୍ୟ ଦେଖି ସାରିଥିବେ । ଏବେ ଜଣେ ମଡେଲ କରିଛନ୍ତି ଆତ୍ମହତ୍ୟା । ଫ୍ୟାନରେ ରଶି ଲଗାଇ ସୁଇସାଇଡ୍ କରିଛନ୍ତି ୩୦ ବର୍ଷୀୟା ଆକାଂକ୍ଷା ।
ମୁମ୍ବାଇରେ କାମ କରିବା ପାଇଁ ଆସିଥିବା ଆକାଂକ୍ଷା ମୋହନ ଏକ ହୋଟେଲରେ ରହୁଥିଲେ । ସେ ଗତ ବୁଧବାର ଦିନ ଚେକ ଇନ୍ କରିଥିଲେ । ହୋଟେଲ କର୍ମାଚାରୀଙ୍କ ସୂଚନା ଅନୁସାରେ ସବୁ କିଛି ସ୍ୱଭାବିକ ଥିଲା । ସେ ରୁମ୍ ନେବା ପରେ ଖାଇବା ଅର୍ଡର କରିଥିଲେ । ପରଦିନ ସକାଳେ ୱେଟର କବାଟ ବାଡେଇ ଡାକିଥିଲା ହେଲେ ଭିତରୁ କିଛି ଜବାବ ଆସିନଥିଲା । ଅନେକ ସମୟ ବିତିଯାଇଥିଲା ହେଲେ ମଡେଲ ଜଣକ ରୁମରୁ ବାହାରି ନଥିଲେ । ଫଳରେ ହୋଟେଲ ମ୍ୟାନେଜରଙ୍କୁ ଖବର ଦିଆଯାଇଥିଲା । ଯାହା ପରେ ହୋଟେଲ ପକ୍ଷରୁ ପୋଲିସକୁ ମଧ୍ୟ ସୂଚନା ଦିଆଯାଇଥିଲା । ପୋଲିସ ଆସି ମାଷ୍ଟର ଚାବିରେ କବାଟ ଖୋଲିବାରୁ ମଡେଲ ପଙ୍ଖାରେ ଝୁଲିଥିବା ଦେଖିବାକୁ ମିଳଇଥିଲା । ପାଖରେ ଏକ ସୁଇସାଇଡ୍ ନୋଟ୍ ମଧ୍ୟ ପୋଲିସ ଜବତ କରିଥିଲା । ଯେଉଁଥିରେ ସେ ଲେଖିଛନ୍ତି ଯେ 'ତାଙ୍କ ମୃତ୍ୟୁ ପାଇଁ କେହି ଦାୟୀ ନୁହଁନ୍ତି, ତାଙ୍କୁ କେବଳ ଶାନ୍ତି ଦରକାର ବୋଲି ସେ ଆତ୍ମହତ୍ୟା କରିଛନ୍ତି' । ଶବ ଉଦ୍ଧାର କରିବା ସହ ମଡେଲଙ୍କ ଆତ୍ମହତ୍ୟାର ଯାଞ୍ଚ ଆରମ୍ଭ କରିଛି ପୋଲିସ ।
Click it and Unblock the Notifications
Sign in with Google