ସିଦ୍ଧୁ ମୁସେୱାଲା ହତ୍ୟା ମାମାଲା: ସନ୍ଦେହ ଘେରରେ 'ବିଗ୍ ବସ୍' ପ୍ରତିଯୋଗୀ ଅଫସାନା ଖାନ

ସିଦ୍ଧୁ ମୁସେୱାଲା ହତ୍ୟା ମାମାଲା: ସନ୍ଦେହ ଘେରରେ ଅଫସାନା ଖାନ

Updated: Wednesday, October 26, 2022, 11:24 [IST]

ପଞ୍ଜାବ: ଚଳିତ ବର୍ଷ ମେ' ମାସରେ ପଞ୍ଜାବର ପ୍ରସିଦ୍ଧ ଗାୟକ ତଥା ରାପର ସିଦ୍ଧୁ ମୁସେୱାଲାଙ୍କୁ ସର୍ବସାଧାରଣରେ ଗୁଳି କରି ହତ୍ୟା କରାଯାଇଥିଲା । ଗାୟକଙ୍କ ମୃତ୍ୟୁ ପରଠାରୁ ପୋଲିସ ଏବଂ ତଦନ୍ତକାରୀ ସଂସ୍ଥା ଅଭିଯୁକ୍ତମାନଙ୍କୁ ଧରିବା ପାଇଁ ଚେଷ୍ଟା ଜାରି ରଖିଛି । ଏହା ସହିତ ଏନଆଇଏ ଭଳି ବଡ ଅନୁସନ୍ଧାନକାରୀ ସଂସ୍ଥା ମଧ୍ୟ ସିଦ୍ଧୁ ମୁସେୱାଲା ହତ୍ୟା ମାମଲାର ତଦନ୍ତ କରୁଛି । ଏହି ମାମଲାରେ ଏକ ଅପଡେଟ୍ ଆସୁଛି ଯେ ତାଙ୍କର ଘନିଷ୍ଠ ବନ୍ଧୁ ତଥା ପଞ୍ଜାବୀ ଗାୟିକା ଅଫସାନା ଖାନ ସିଦ୍ଧୁ ମୁସେୱାଲାଙ୍କ ହତ୍ୟା ମାମଲାରେ ଜଡିତ ଅଛନ୍ତି । ଖବର ଅନୁଯାୟୀ, ଏନଆଇଏ ଏହି ମାମଲାରେ ଅଫସାନାଙ୍କୁ ପଚରାଉଚରା ମଧ୍ୟ କରିଛି ।

NIA'ଅଫସାନା ଖାନଙ୍କୁ ୫ ଘଣ୍ଟା ପଚରାଉଚରା କରିଛି

ସିଦ୍ଧୁ ମୁସେୱାଲାଙ୍କ ହତ୍ୟା ମାମଲା ଏକ ନୂଆ ମୋଡ଼ ନେଇଛି । ଚର୍ଚ୍ଚାରେ ପଞ୍ଜାବର ପୂର୍ବତନ ବିଗ୍ ବସ୍ ପ୍ରତିଯୋଗୀ ତଥା ପ୍ରସିଦ୍ଧ ଗାୟିକା ଅଫସାନା ଖାନଙ୍କ ନା' । ଲାଇଭ ହିନ୍ଦୁସ୍ତାନର ଖବର ଅନୁଯାୟୀ ଅଫସାନ ଖାନଙ୍କୁ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ପଚରାଉଚରା କରିଛି ।

ସୂଚନା ଅନୁସାରେ ମଙ୍ଗଳବାର ଦିନ ଦିଲ୍ଲୀରେ ଅଫସାନାଙ୍କୁ ୫ ଘଣ୍ଟା କାଳ ପଚରାଉଚୁରା କରାଯାଇଛି । ଅଫସାନା ଖାନଙ୍କର ସିଦ୍ଧୁ ମୁସେୱାଲା ମାମଲାରେ ସମ୍ପୃକ୍ତ ଗ୍ୟାଙ୍ଗଷ୍ଟରଙ୍କ ସହ କିଛି ସମ୍ପର୍କ ରିହିଥିବା ନେଇ ସନ୍ଦେହ କରୁଛି ଏନଆଇଏ ଟିମ୍ । ସିଦ୍ଧୁଙ୍କ ହତ୍ୟାରେ ଅଫସାନା ଖାନଙ୍କର କିଛି ଭୂମିକା ରହିଛି ସେଥିପାଇଁ ଅଫସାନା ଖାନଙ୍କ ନାମ ମଧ୍ୟ ଏନଆଇଏର ରାଡାରରେ ଆସିଛି । ଏଭଳି ପରିସ୍ଥିତିରେ ଆଗାମୀ ସମୟରେ ଅଫସାନା ଖାନଙ୍କୁ ଏହି ମାମଲାରେ ଅଧିକ ପଚରାଉଚରା କରାଯାଇ ପାରେ । ଏହା ବ୍ୟତୀତ ଆଫସାନା ଖାନଙ୍କ ଲିଙ୍କ୍ ବମ୍ବିହା ଗ୍ୟାଙ୍ଗ ସହ ଥାଇପାରେ ବୋଲି ରିପୋର୍ଟରେ ମଧ୍ୟ ଦାବି କରାଯାଇଛି ।

ଅଫସାନା ଖାନ ସିଦ୍ଧୁ ମୁସେୱାଲାଙ୍କୁ ତାଙ୍କ ଭାଇ ଭାବରେ ବିବେଚନା କରିଥିଲେ ଏବଂ ଦୁହେଁଙ୍କ ମଧ୍ୟ ଅତି ଘନିଷ୍ଠ ସମ୍ପର୍କ ଥିଲା । ଉଭୟ ଏକାଠି ଅନେକ ଗୀତ ମଧ୍ୟ ଗାଇଛନ୍ତି । ଖବର ଅନୁଯାୟୀ, ସିଦ୍ଧୁ ମୁସେୱାଲାଙ୍କୁ ଆସୁଥିବା ଧମକପୂର୍ଣ୍ଣ ଫୋନ୍ କଲ ବିଷୟରେ ମଧ୍ୟ ପୂର୍ବରୁ ଅଫସାନା ଜାଣିଥିଲେ । ସିଦ୍ଧୁ ମୁସେୱାଲା ଆଫସାନା ଖାନଙ୍କ ସହ ନିଜ ଶେଷ ଗୀତ ମଧ୍ୟ ଗାଇଥିଲେ । ଯାହା ଉପରେ କୋର୍ଟ ପକ୍ଷରୁ ପ୍ରତିବନ୍ଧକ ଲଗାଯାଇଛି । ସୁପରଷ୍ଟାର ସଲମାନ ଖାନଙ୍କ ପ୍ରସିଦ୍ଧ ସୋ 'ବିଗ୍ ବସ୍ 15' ରେ ଆଫସାନା ଖାନଙ୍କୁ ଦେଖିବାକୁ ମିଳିଥିଲା ।

ସୂଚନାଥାଉ ଯେ, ୨୯ ମେ'ରେ ୨୮ ବର୍ଷିୟ ସିଦ୍ଧୁ ମୁସେୱାଲାଙ୍କୁ ଗୁଳି କରି ହତ୍ୟା କରାଯାଇଥିଲା । ଆକ୍ରମଣକାରୀ ସିଦ୍ଧୁଙ୍କ ଉପରେ ୩୦ ରାଉଣ୍ଡ ଗୁଳି ଚଳାଇଥିଲେ । ଏହି ଆକ୍ରମଣ ପଛରେ ଲରେନ୍ସ ବିଷ୍ଣୁ ଗ୍ୟାଙ୍ଗର ଘନିଷ୍ଠ ସହଯୋଗୀ ଗୋଲ୍ଡି ବରାଡ ଥିବା ନେଇ ସନ୍ଦେହ କରାଯାଉଛି । ଗୋଲଡି କାନାଡାରୁ ତାଙ୍କର ଅପରାଧିକ କାର୍ଯ୍ୟକଳାପ କରନ୍ତି ।