ବିବାହ ପରେ କିଆରଙ୍କ ପାଦ ଛୁଇଁ ସମ୍ମାନ ଜଣାଇଲେ ଅଭିନେତା ସିଦ୍ଧାର୍ଥ ମଲହୋତ୍ରା

ଜାଣନ୍ତୁ ବିବାହ ପରେ କ'ଣ ପାଇଁ କିଆରାଙ୍କ ପାଦ ଛୁଇଁ ପ୍ରଣାମ କଲେ ଅଭିନେତା ସିଦ୍ଧାର୍ଥ ।

ମୁମ୍ବାଇ: ହିନ୍ଦୀ ସିନେମା ସୁପରଷ୍ଟାର ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀଙ୍କ ବିବାହ ଗକକାଲି ଶେଷ ହୋଇଛି । ବି-ଟାଉନର ଏହି ପ୍ରିୟ ଦମ୍ପତିଙ୍କ ବିବାହକୁ ନେଇ ଚର୍ଚ୍ଚା ଲାଗି ରହିଛି । ବର୍ତ୍ତମାନ ଉଭୟ ସେଲିବ୍ରିଟିଙ୍କ ବିବାହ ସମୟର କିଛି ଖାସ ମୂହୁର୍ତ୍ତକୁ ନେଇ ହେଉଛି ଆଲୋଚନା ।

ବର୍ତ୍ତମାନ, କିଆରା ଆଡଭାନୀଙ୍କ ବ୍ରାଇଡାଲ୍ ଲୁକର ଚର୍ଚ୍ଚା ଜୋର୍ । ପୂର୍ବରୁ ସିନେମାର ପରଦାରେ ତାଙ୍କୁ ଅନେକ ଥର ବୋହୂ ସାଜିଥିବାର ଦେଖିବା ପାଇଁ ମିଳିଥିଲା । ହେଲେ ଏବେ ସେ ରିଲ୍ ନୁହେଁ ବରଂ ରିୟଲ ଲାଇଫରେ ସାଜିଛନ୍ତି ସିଦ୍ଧାର୍ଥଙ୍କ ଜୀବନସାଥୀ ।

ସିଦ୍ଧାର୍ଥ ଛୁଇଁଲେ କିଆରାଙ୍କ ପାଦ!

ରିପୋର୍ଟ ଅନୁଯାୟୀ, ସିଦ୍ଧାର୍ଥ ମାଲହୋତ୍ରା ଏବଂ କିଆରା ଆଡଭାନୀ ବିବାହ ପରେ ପରସ୍ପରର ପାଦ ଛୁଇଁଛନ୍ତି । ବାସ୍ତବରେ ଅଭିନେତା ସିଡ୍ ଉଭୟଙ୍କ ମଧ୍ୟରେ ସମାନତା ଦେଖାଇବା ପାଇଁ କିଆରାଙ୍କ ପାଦ ଛୁଇଁଥିଲେ । ଯାହା ସିଦ୍ଧାର୍ଥ ଏବଂ କିଆରା ପ୍ରତ୍ୟେକ କ୍ଷେତ୍ରରେ ସମାନ ବୋଲି ଦର୍ଶାଇବାକୁ ଯଥେଷ୍ଟ । ସିଦ୍ଧାର୍ଥ ମଲହୋତ୍ରା ନିଜ ପତ୍ନୀ କିଆରାଙ୍କୁ ଦେଇଥିବା ଏହି ସମ୍ମାନ ଅନେକ ଫ୍ୟାନ୍ସଙ୍କର ମନ ଜିଣିଛି । ସୋସିଆଲ ମିଡିଆରେ ତାଙ୍କର ଖୁବ ପ୍ରଶଂସା କରାଯାଉଛି ।

ବିବାହ ସମୟରେ ସିଦ୍ଧାର୍ଥ ମଲହୋତ୍ରା ଏବଂ କିଆରା ଆଡଭାନୀଙ୍କ ଯୋଡି ବହୁତ ସୁନ୍ଦର ଦେଖାଯାଉଥିଲା । ସୋସିଆଲ ମିଡିଆରେ ଉଭୟଙ୍କର ବିବାହ ଫଟୋ ଖୁବ ଭାଇରାଲ ହେବାରେ ଲାଗିଛି । ଶୁଭେଚ୍ଛାର ବର୍ଷା ମଧ୍ୟ ହେଉଛି । ଏହାରି ମଧ୍ୟରେ ସିଦ୍ଧାର୍ଥ ନିଜ ପତ୍ନୀ କିଆରାଙ୍କ ସହ ପହଁଚି ସାରିଛନ୍ତି ନିଜ ସହର ଦିଲ୍ଲୀରେ । ଯେଉଁଠି ଏକ ପରିବାର ସଦସ୍ୟଙ୍କ ପାଇଁ ଏକ ଗ୍ରାଣ୍ତ ରିସେପସନର ଆୟୋଜନ କରାଯିବ । ଏହା ପରେ ମୁମ୍ବାଇରେ ମଧ୍ୟ ବି-ଟାଉନ୍ ସେଲିବ୍ରିଟିଙ୍କ ପାଇଁ ଏକ ଖାସ୍ ପାର୍ଟିର ଆୟୋଜନ କରାଯିବାର ସୂଚନା ରହିଛି ।

English summary

Sidharth Malhotra-Kiara Advani Wedding: Know Some Interesting Facts like why Sidharth touched Kiara's feet.