ପଞ୍ଚଭୂତରେ ବିଲୀନ ତୁନିଶା ଶର୍ମା, ଅଭିନେତା ଶିଜାନଙ୍କ ମା' ଦେଲେ ଶେଷ ବିଦାୟ
ପଞ୍ଚଭୂତରେ ବିଲୀନ ତୁନିଶା ଶର୍ମା, ଅଭିନେତା ଶିଜାନଙ୍କ ମା' ଦେଲେ ଶେଷ ବିଦାୟ.
ମୁମ୍ବାଇ: ଡିସେମ୍ବର ୨୪ ଶନିବାର ଦିନ 'ଅଲ୍ଲି ବାବା, ଦସ୍ତାଏଁ-ଏ-କାବୁଲ' ଫେମ୍ ଅଭିନେତ୍ରୀ ତୁନିଶା ଶର୍ମା ସେଟ୍'ରେ ଆତ୍ମହତ୍ୟା କରିଛନ୍ତି । ମଙ୍ଗଳବାର ଅର୍ଥାତ୍ ଆଜି ତୁନିଶାଙ୍କ ଶର୍ମାଙ୍କର ଶେଷ ରୀତିନୀତି ଶେଷ ହୋଇଛି । ତୁନିଶାଙ୍କ ମାଉସୀ ଇଂଲଣ୍ଡରେ ରୁହନ୍ତି, ତେଣୁ ସେଠାରୁ ଆସିବାରେ ତାଙ୍କୁ ସମୟ ଲାଗିଥିଲା, ଯେଉଁଥିପାଇଁ ଅଭିନେତ୍ରୀଙ୍କ ଅନ୍ତିମ ସଂସ୍କାରରେ ବିଳମ୍ବ ହୋଇଥିଲା ।
ଅଭିଯୁକ୍ତ ଶିଜାନ ଖାନଙ୍କ ଭଉଣୀ ଏବଂ ମାଆ ମଧ୍ୟ ତୁନିଶାଙ୍କ ଶେଷ ରୀତିନୀତି ପାଇଁ ମୀରା ରୋଡ ଶ୍ମାସନ ପହଁଚିଥିଲେ । ତୁନିଶାଙ୍କ ମା' ଅଭିଯୋଗ କରିଛନ୍ତି ଯେ ଶିଜାନ ତାଙ୍କ ଝିଅକୁ ଭଲ ପାଇଥିଲେ ଏବଂ ପରବର୍ତ୍ତି ସମୟରେ ଧୋକା ଦେଇଥିଲେ । ସେ ଏଫ୍ଆଇଆର୍ ଦାଖଲ କରିବା ପରେ ଅଭିନେତାଙ୍କୁ ଗିରଫ କରାଯାଇଥିଲା । ପୋଲିସ ଏହି ଘଟଣାର ଅନୁସନ୍ଧାନ କରୁଛି ଏବଂ ଅଭିନେତା ବାରମ୍ବାର ବିବୃତ୍ତି ବଦଳାଉଥିବା ନେଇ ସୂଚନା ଦେଇଛି ପୋଲିସ । ସେପଟେ ମୁମ୍ବାଇ ଗୋଡଦେବ ଶ୍ମାସନରେ ଅଭିନେତ୍ରୀଙ୍କର ଅନ୍ତିମ ସଂସ୍କାର ଶେଷ ହୋଇଛି ।
Click it and Unblock the Notifications
Sign in with Google