ଏହି ଦିନ ରିଲିଜ୍ ହେବ 'ଶକୁନ୍ତଲାମ', ଦର୍ଶକଙ୍କ ହୃଦୟ ଜିତିଲେ ସମନ୍ଥା
ଏହି ଦିନ ରିଲିଜ୍ ହେବ 'ଶକୁନ୍ତଲାମ', ଦର୍ଶକଙ୍କ ହୃଦୟ ଜିତିଲେ ସମନ୍ଥା ,
ମୁମ୍ବାଇ: ସାଉଥ ଫେମସ୍ ଅଭିନେତ୍ରୀ ସମନ୍ଥା ପ୍ରଭୁ । ପୁଣି ନିଜ ଅନ୍ଦାଜରେ ଦର୍ଶକଙ୍କୁ କଲେ ମତୁଆଲା । ରିଲିଜ୍ ହେଲା 'ଶକୁନ୍ତଲାମ'ର ମୋସନ୍ ପୋଷ୍ଟର । ଯେଉଁଥିରେ ଅଭିନେତ୍ରୀଙ୍କ ସହ ଦେବ ମୋହନ ନଜର ଆସୁଛନ୍ତି । ଏହା ସହିତ ଫିଲ୍ମ ରିଲିଜ୍ ତାରିଖର ବିଷୟରେ ମଧ୍ୟ ସୂଚନା ଦିଆଯାଇଛି ।
ନିଜ ଫିଲ୍ମ ପୋଷ୍ଟର ସେୟାର କରିବା ସହ ଅଭିନେତ୍ରୀ ଲେଖିଛନ୍ତି 'ଶକୁନ୍ତଲାମ' ବିଶ୍ୱବ୍ୟାପୀ ନଭେମ୍ବର ୪ରେ ରିଲିଜ୍ ହେବ । ଏହି ଫିଲ୍ମର ନିର୍ଦ୍ଦେଶନା ଦେଇଛନ୍ତି ଗୁନାଶେଖର । ଏହି ପୋଷ୍ଟରରେ ସମନ୍ଥା ନୀଳ ରଙ୍ଗର ପୋଷାକରେ ନଜର ଆସୁଛନ୍ତି । ଉଭୟ ଦେବ ମୋହନ ଓ ସମନ୍ଥାଙ୍କ ଯୋଡିକୁ ବେଶ ପସନ୍ଦ କରୁଛନ୍ତି ଦର୍ଶକ । ଅନେକ ଫ୍ୟାନ୍ସ ଏବେଠୁ ଏହି ଯୋଡିକୁ ସୁପରହିଟ୍ ବୋଲି କହିବା ଆରମ୍ଭ କରିଦେଲେଣି ।
ସୂଚାନା ଅନୁସାରେ, ପୌରାଣିକ କଥାବସ୍ତୁ ଉପରେ ଆଧାରିତ ଏହି ଚଳଚ୍ଚିତ୍ରଟି ହିନ୍ଦୀ, ତାମିଲ, ତେଲୁଗୁ, ମାଲାୟାଲମ୍ ଓ କନ୍ନଡ ଭାଷାରେ ରିଲିଜ୍ କରାଯିବ । ଏହି ସିନେମାରେ ଦର୍ଶକ ମହାଭାରତର ଶକୁନ୍ତଳା ଏବଂ ରାଜା ଦୁଶାନ୍ତଙ୍କ କାହାଣୀ ଦେଖିବା ପାଇଁ ପାଇବେ । ଏହି ସିନେମାରେ ସମନ୍ଥା ପ୍ରଭୁ, ମୋହନ ବାବୁ, ଗୌତମ, ଆଦିତ୍ୟ ବାଲାନ, ଆଦି ମୁଖ୍ୟ ଭୂମିକାରେ ନଜର ଆସିବେ । ଏହା ଛଡା ଏହି ଫିଲ୍ମ ଜରିଆରେ ସୁପରଷ୍ଟାର ଆଲ୍ଲୁ ଅର୍ଜୁନଙ୍କ ଝିଅ ଅଲ୍ଲୁ ଆରହା ଶିଶୁ କଳାକାର ଭାବେ ଟଲିଉଡ ଜଗତରେ ପାଦ ଦେବେ ।
ଗୁରୁତର ରୋଗରେ ଆକ୍ରାନ୍ତ ଅଭିନେତ୍ରୀ ସମନ୍ଥା
ସୂଚନା ଅନୁସାରେ ଅଭିନେତ୍ରୀ ସମନ୍ଥା 'Polymorphic Light Eruption' ନାମକ ଏକ ଚର୍ମ ରୋଗରେ ଆକ୍ରାନ୍ତ ହୋଇଛନ୍ତି । ସୂର୍ଯ୍ୟ କିରଣରେ ଅଧିକ ରହିବା ଦ୍ୱାରା ଏହି ରୋଗ ହୋଇଥାଏ । ମିଡିଆ ରିପୋର୍ଟ ଅନୁସାରେ ଅଭିନେତ୍ରୀ ନିଜ ସମସ୍ତ କାମରୁ ବ୍ରେକ୍ ନେଇ ଚିକିତ୍ସା ପାଇଁ ବେଦଶ ଗସ୍ତରେ ଅଛନ୍ତି ।
ବଲିଉଡ ଡେବ୍ୟୁ
ଅନ୍ୟପଟେ ଖୁବ ଶିଘ୍ର ସମନ୍ଥାଙ୍କୁ ଆୟୁଷ୍ମାନ୍ ଖୁରାନାଙ୍କ ସହ ବଡ଼ ପରଦାରେ ନଜର ଆସିବେ । ନିକଟରେ ଅଭିନେତ୍ରୀଙ୍କୁ କରନଙ୍କ ଟକ୍ ଶୋ 'କଫି ୱିଥ୍ କରଣ'ରେ ଅକ୍ଷୟଙ୍କ ସହ ଦେଖିବା ପାଇଁ ମିଳିଥିଲା ।
Click it and Unblock the Notifications
Sign in with Google