୨୦୨୩ରେ ଶାହାରୁଖ ରାଜ୍: ରିଲିଜ୍ ପୂର୍ବରୁ ଫିଲ୍ମ 'ଡଙ୍କି' କଲାଣି ଏତିକି କୋଟିର ବ୍ୟବସାୟ, ଜାଣନ୍ତୁ କେଉଁ OTT'ପ୍ଲାଟଫର୍ମରେ ହେବ

Dunki OTT Release: 2023 ଅର୍ଥାତ୍ ଚଳିତ ବର୍ଷ ବଲିଉଡରେ ଚାଲିଛି କିଙ୍ଗ୍ ଖାନଙ୍କ ରାଜ୍ । ବର୍ଷ ଆରମ୍ଭରୁ ଶାହରୁଖ ଖାନଙ୍କ ଫିଲ୍ମ 'ପଠାନ' ମୁକ୍ତିଲାଭ କରିଥିଲା ଯାହା ଖୁବ୍ ଭଲ ବ୍ୟବସାୟ କରିଥିଲା । ଦୀର୍ଘ ଦୁଇ ବର୍ଷ ପରେ ପୁଣି ଦର୍ଶକଙ୍କ ମନ ଜିଣିବାରେ ସଫଳ ହୋଇଥିଲେ କିଙ୍ଗ୍ ଖାନ ।

ଚଳିତ ବର୍ଷର ଶାହାରୁଖ ଖାନଙ୍କର ତୃତୀୟ ସିନେମାକୁ ନେଇ ଘୋଷଣା ହେବା ପରେ ଦର୍ଶକଙ୍କ ମଧ୍ୟରେ ଉତ୍ସାହର ମାହୋଲ ଦେଖିବା ପାଇଁ ମିଳୁଛି । ଖ୍ରୀଷ୍ଟମାସ ଅବସରରେ ଏହି ଚଳଚ୍ଚିତ୍ର ପ୍ରେକ୍ଷାଳୟରେ ମୁକ୍ତିଲାଭ କରିବ । ବର୍ତ୍ତମାନଠାରୁ ପ୍ରଶଂସକମାନେ 'ଡଙ୍କି'କୁ ନେଇ
ବେଶ୍ ଖୁସ ଅଛନ୍ତି । ଚଳଚ୍ଚିତ୍ରଟି ଏପର୍ଯ୍ୟନ୍ତ ପ୍ରେକ୍ଷାଳୟରେ ରିଲିଜ୍ ହୋଇନାହିଁ ହେଲେ ଏହାର OTT ରିଲିଜ୍ ବିଷୟରେ ଚର୍ଚ୍ଚା ହେବା ଆରମ୍ଭ ହୋଇଯାଇଛି ।

ଶାହାରୁଖ ଖାନଙ୍କ ଫିଲ୍ମ 'ଡଙ୍କି' ନେଟଫ୍ଲିକ୍ସରେ ମୁକ୍ତିଲାଭ କରିବ ନାହିଁ। ଇଣ୍ଡିଆ ଟୁଡେ ରିପୋର୍ଟ ଅନୁଯାୟୀ, ଜିଓ ସିନେମା ଦ୍ୱାରା 'ଡଙ୍କି'ର OTT ଅଧିକାର କ୍ରୟ କରାଯାଇଛି। ଏହି ଚୁକ୍ତି 155 କୋଟି ଟଙ୍କା ପାଇଁ କରାଯାଇଛି। ଅର୍ଥାତ୍ ଫିଲ୍ମ ରିଲିଜ୍ ପୂର୍ବରୁ 155 କୋଟି ଟଙ୍କା ରୋଜଗାର କରିସାରିଲାଣି ।

ଯଦି ରିପୋର୍ଟକୁ ବିଶ୍ୱାସ କରାଯାଏ, ତେବେ ଉଭୟ ଡିଜିଟାଲ ଏବଂ ସାଟେଲାଇଟ୍ ଅଧିକାର 230 କୋଟିରେ ବିକ୍ରି ହୋଇଛି । ହେଲେ ବର୍ତ୍ତମାନ ପର୍ଯ୍ୟନ୍ତ ମେକର୍ସଙ୍କ ପକ୍ଷରୁ ଏନେଇ କୌଣସି ଘୋଷଣା କରାଯାଇ ନାହିଁ ।

ଫିଲ୍ମ 'ଡଙ୍କି' ରାଜକୁମାର ହିରାନୀ ନିର୍ଦ୍ଦେଶନା ଦେଇଛନ୍ତି, ଯିଏ ମୁନ୍ନାଭାଇ MBBS, 3 Idiots ଭଳି ସୁପରହିଟ୍ ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି। ଗୌରୀ ଖାନ, ଜ୍ୟୋତି ଦେଶପାଣ୍ଡେ ଏବଂ ରାଜକୁମାର ହିରାନୀ ପ୍ରଡ୍ୟୁସ୍ କରିଛନ୍ତି । ଏହି ଚଳଚ୍ଚିତ୍ରରେ ଭିକି କୌଶଲ ମଧ୍ୟ ଏକ ଖାସ ଭୂମିକାରେ ନଜର ଆସିବେ । ଏହା ବ୍ୟତୀତ ବମନ ଇରାନୀ, ସତୀଶ ଶାହା, ଦିଆ ମିର୍ଜା ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବା ନେଇ ସୂଚନା ରହିଛି ।

English summary

Shah Rukh Khan's Film Dunki OTT Release Date Time