OTT'ରେ କିଙ୍ଗ୍ ଖାନଙ୍କ ରାଜ୍, ଏହି ପ୍ଲାଟଫର୍ମରେ ଦେଖନ୍ତୁ ଫିଲ୍ମ 'ଡଙ୍କି'

Shah Rukh Khan: ବଲିଉଡ କିଙ୍ଗ୍ ଶାହାରୁଖ ଖାନଙ୍କ 'ଡିଙ୍କି' ବକ୍ସ ଅଫିସରେ ବେଶ୍ ଭଲ ଆୟ କରିବା ସହ ସିନେପ୍ରେମୀଙ୍କ ମନ ଜିଣିବାରେ ମଧ୍ୟ ସଫଳ ହୋଇଥିଲା । ଗତ ବର୍ଷ ମୁକ୍ତିଲାଭ କରିଥିବା ଏହି ଚଳଚ୍ଚିତ୍ର କାହାଣୀ ବେଶ୍ ଲୋକପ୍ରିୟତା ହାସଲ କରିଥିଲା । ପ୍ରଶଂସକମାନେ ଉତ୍ସାହର ସହିତ ଏହି ଚଳଚ୍ଚିତ୍ରର OTT ଷ୍ଟ୍ରିମିଂକୁ ଅପେକ୍ଷା କରିଥିଲେ । ଭାଲେଣ୍ଟାଇନ୍ସ ଡେ ଅବସରରେ ଶାହାରୁଖ ନିଜ ଫ୍ୟାନ୍ସଙ୍କୁ ସରପ୍ରାଇଜ୍ ଦେବା ପାଇଁ କହିଥିଲେ । ଶେଷରେ ନିଜ ଫ୍ୟାନ୍ସଙ୍କ ମନ ରଖିଥିଲେ ଶାହାରୁଖ ।

ପ୍ରେମ ଦିବସ ଅବସରରେ କିଙ୍ଗ ଖାନ ପ୍ରଶଂସକମାନଙ୍କୁ ଖୁସି ଖବର ଦେଇଛନ୍ତି । 'ଡିଙ୍କି' OTT ରେ ରିଲିଜ୍ ହୋଇଛି ଯାଇଛି । ଚାଲନ୍ତୁ ଜାଣିବା କେଉଁ OTT ପ୍ଲାଟଫର୍ମରେ ଆପଣ ଶାହାରୁଖ ଖାନଙ୍କ ଏହି ଫିଲ୍ମ ଦେଖିପାରିବେ ।

ଏହି ଚଳଚ୍ଚିତ୍ରକୁ ନେଇ ଦୀର୍ଘ ସମୟ ଧରି ଚର୍ଚ୍ଚା ହେଉଛି । ରାଜକୁମାର ହିରାନୀଙ୍କ ଡଙ୍କି ଶେଷରେ OTT ରେ ମୁକ୍ତିଲାଭ କରିଛି । ଆଜ୍ଞା ହଁ, ନେଟଫ୍ଲିକ୍ସ ଏହି ଚଳଚ୍ଚିତ୍ରର ଅଧିକାର କିଣିଛି । ବର୍ତ୍ତମାନ ଆପଣ ଏହି ଫିଲ୍ମ ନେଟଫ୍ଲିକ୍ସ ଦେଖିପାରିବେ । ଏହାର ସୋସିଆଲ ମିଡିଆ ଆକାଉଣ୍ଟରେ ଏକ ଅଫିସିଆଲ୍ ପୋଷ୍ଟ ସେୟାର କରି ନେଟଫ୍ଲିସ୍ ଏନେଇ ସୂଚନା ଜାରି କରିଛି । ବର୍ତ୍ତମାନ ଆପଣ ଘରେ ବସି ନେଟଫ୍ଲିକ୍ସରେ ଏହି ଚଳଚ୍ଚିତ୍ରର ମଜା ନେଇ ପାରିବେ ।

ତେବେ ଏହି ଫିଲ୍ମର ବକ୍ସ ଅଫିସ୍ କଲେକ୍ସନ୍ ବିଷୟରେ କହିବାକୁ ଗଲେ ଏହା 29.2 କୋଟି ଟଙ୍କା ସଂଗ୍ରହ କରିଥିଲା । ଘରୋଇ ବକ୍ସ ଅଫିସରେ ଏହି ଚଳଚ୍ଚିତ୍ରଟି ମୋଟ 212.42 କୋଟି ଟଙ୍କା ଆୟ କରିବାରେ ସଫଳ ହୋଇଥିଲା । ଶାହାରୁଖଙ୍କ ଏହି ଚଳଚ୍ଚିତ୍ର 21 ଡିସେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିଥିଲା ​​।

ଡଙ୍କିରେ ଶାହାରୁଖ ହାର୍ଡି ନାମକ ଏକ ଯୁବକ ଚରିତ୍ରରେ ଅଭିନୟ କରିଥିଲେ । ଏହି ସିନେମାରେ ଶାହାରୁଖ ଖାନଙ୍କ ବ୍ୟତୀତ ତାପସୀ ପନ୍ନୁ, ବିକି କୌଶଲ, ବୋମାନ ଇରାନୀଙ୍କ ସହ ଅନେକ କଳାକାର ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିଥିଲେ ।

English summary

Shah Rukh Khan's Film Dunki Now Streaming On OTT.