ଦୀର୍ଘ ଦିନ ପରେ କାଶ୍ମୀର ପହଁଞ୍ଚିଲେ ଶାହାରୁଖ ଖାନ, ଦେଖନ୍ତୁ ଏହି ଭାଇରାଲ ଭିଡିଓ

Shah Rukh Khan: ଶାହରୁଖ ଖାନ ନିଜ ଆଗାମୀ ଫିଲ୍ମ 'ଡଙ୍କି'ର ସୁଟିଂ ପାଇଁ ନିଜ ଟିମ୍ ସହିତ କାଶ୍ମୀରରେ ପହଁଞ୍ଚିଛନ୍ତି । ଦୀର୍ଘ ବର୍ଷ ପରେ ନିଜର କୌଣସି ଫିଲ୍ମର ସୁଟିଂ ପାଇଁ ଅଭିନେତା ଏହି ସ୍ଥାନକୁ ବାଛିଛନ୍ତି । ଏହାପୂର୍ବରୁ କିଙ୍ଗ ଖାନଙ୍କୁ ଶେଷ ଥର ପାଇଁ ଏଠାରେ 'ଜବ ତକ ହୈ ଜାନ'ର ସୁଟିଂ କରୁଥିବାର ଦେଖିବା ପାଇଁ ମିଳିଥିଲା ।

ବର୍ତ୍ତମାନ ସୋସିଆଲ ମିଡିଆରେ କାଶ୍ମୀରରୁ ଶାହାରୁଖ ଖାନଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ସେ ତାଙ୍କ ପୁରା ଟିମ୍ ସହ ନଜର ଆସୁଛନ୍ତି । କଳା ରଙ୍ଗର ପୋଷାକରେ କିଙ୍ଗ୍ ଖାନଙ୍କୁ ଦେଖିବା ପାଇଁ ମିଳୁଛି । ସେହିପରି ସୁପରଷ୍ଟାରଙ୍କୁ ଏକ ସୁନ୍ଦର ସାଲ ଉପହାର ଦେଇ ହୋଟେଲ୍ ପକ୍ଷରୁ ସ୍ୱାଗତ କରାଯାଇଥିଲା ।

Shah Rukh Khan spotted entering the hotel in Sonamarg 👑 pic.twitter.com/CL7CBwsv9d

— Aryan (@tumhidekhonaa) April 24, 2023

ଏହା ସହ ତାଙ୍କ ଦଳର ଜଣେ ସଦସ୍ୟ ଏକ ବଡ଼ ପୁଷ୍ପଗୁଚ୍ଛ ନେଇ ଚାଲୁଥିବାର ଦେଖିବା ପାଇଁ ମିଳୁଛି । ଦ୍ୱିତୀୟ ଭିଡିଓଟିରେ ସେ ତାଙ୍କ କାରରୁ ବାହାରକୁ ଆସୁଥିବା ଦେଖିବାକୁ ମିଳୁଛି । ଶାହାରୁଖ ବର୍ତ୍ତମାନ 'ଡଙ୍କି' ଫିଲ୍ମର ସୁଟିଂ କରୁଛନ୍ତି । ରିପୋର୍ଟ ଅନୁସାରେ, କିଙ୍ଗ ଖାନ କାଶ୍ମୀରରେ ଏହି ଫିଲ୍ମର ଏକ ଗୀତ ସୁଟିଂ କରିବେ ।

ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ମାତ୍ରେ ସବୁ ଦିଗରୁ ଲାଇକ୍ ଏବଂ କମେଣ୍ଟର ବର୍ଷା ଆରମ୍ଭ ହୋଇଯାଇଛି । ପ୍ରଶଂସକ ମାନେ କିଙ୍ଗ୍ ଖାନଙ୍କୁ ଏବେଠୁ ହିଁ ତାଙ୍କ ଫିଲ୍ମ ପାଇଁ ଶୁଭେଚ୍ଛା ଜଣାଇବା ଆରମ୍ଭ କରିଦେଇଛନ୍ତି ।

Shah Rukh Khan And Hirani Sir at Kashmir for #Dunki Song Shooting 🔥 pic.twitter.com/mQSJLpMQrD

— SRKian BaBa 🐦 (@SRKian_BaBa) April 24, 2023

ରାଜକୁମାର ହିରାନୀ ଏବଂ ଶାହାରୁଖ ଖାନ ଏହି ଫିଲ୍ମ ପାଇଁ ଏକାଠି କାମ କରୁଛନ୍ତି । ତାପସୀ ପନ୍ନୁଙ୍କୁ ମଧ୍ୟ ଏହି ଫିଲ୍ମରେ ଦେଖିବା ପାଇଁ ମିଳିବ । ଏବେ ଦେଖିବା ବାକି ରହିଲା ଏହି ଫିଲ୍ମ ଅର୍ଥାତ୍ ଡଙ୍କି କେବେ ରିଲିଜ୍ ହେଉଛି ।

English summary

Shah Rukh Khan Reached Kashmir After A long Time.