ଗୋଟିଏ ଦିନରେ ୩ ଥର ବିବାହ କରିଥିଲେ ଶାହାରୁଖ ଖାନ

Shah Rukh Khan And Gauri Khan Love Story: ନଭେମ୍ବର ୨ ତାରିଖରେ କିଙ୍ଗ୍ ଖାନ ନିଜ ଜନ୍ମ ଦିନ ପାଳନ କରିବେ । ଏହା ଶାହାରୁଖଙ୍କର ୫୯ ତମ ଜନ୍ମ ଦିନ। ଯେଉଁଥି ପାଇଁ ପ୍ରସ୍ତୁତି ମଧ୍ୟ ଆରମ୍ଭ ହୋଇଯାଇଛି। ତାଙ୍କ ଜନ୍ମଦିନରେ ଏକ ଗ୍ରାଣ୍ଡ ପାର୍ଟି ତେବେ ଦେବେ ପତ୍ନୀ ଗୌରୀ ଖାନ, ଏଥିପାଇଁ ୨୫୦ ଅତିଥିଙ୍କୁ ନିମନ୍ତ୍ରଣ କରାଯାଇଥିବା ନେଇ ସୂଚନା ରହିଛି ।

ଆଜି ଆମେ ଗୌରୀ ଏବଂ ଶାହାରୁଖଙ୍କ ସୁନ୍ଦର ଲଭ୍ ଷ୍ଟୋରୀ ବିଷୟରେ ଜଣାଇବୁ । ୧୯ ବର୍ଷ ବୟସରେ, ୧୪ ବର୍ଷିୟ ଗୌରୀଙ୍କ ପ୍ରେମରେ ପଡିଥିଲେ ଶାହାରୁଖ । ହେଲେ ଗୌରୀଙ୍କ ମନ ଜିଣିବା ଏତେ ସହଜ ନଥିଲା, ଏଥିପାଇଁ କିଙ୍ଗ୍ ଖାନଙ୍କୁ ଖୁବ୍ କଷ୍ଟ କରିବା ପାଇଁ ପଡିଥିଲା ।

୧୯୮୪ ରେ ଏକ ପାର୍ଟୀରେ ଶାହାରୁଖ ଖାନ ଏବଂ ଗୌରୀ ଖାନ ପ୍ରଥମ ଥର ଦେଖା ହୋଇଥିଲା । ଯେଉଁଠି ଗୌରୀ ନିଜର ଜଣେ ସାଙ୍ଗଙ୍କ ସହ ଡ୍ୟାନ୍ସ କରୁଥିଲେ । ଶାହାରୁଖ ତାଙ୍କୁ ତାଙ୍କ ସହ ଡ୍ୟାନ୍ସ କରିବା ପାଇଁ ଚେଷ୍ଟା କରିଥିଲେ । ହେଲେ ଗୌରୀ ରାଜି ହୋଇ ନଥିଲେ । ବାରମ୍ବାର ଚେଷ୍ଟା ସତ୍ତ୍ୱେ ଶାହାରୁଖ ଉକ୍ତ ସମୟରେ ଗୌରୀଙ୍କ ସହ ଡ୍ୟାନ୍ସ କରି ପାରି ନଥିଲେ । ହେଲେ ସେହି ଦିନକୁ ଉଭୟଙ୍କ ଭାଗ୍ୟ ଏକ ହୋଇଯାଇଥିଲା ଏକ ।

କିଙ୍ଗ ଖାନ ଗୌରୀଙ୍କ ପ୍ରେମରେ ପଡି ଯାଇଥିଲେ ସେହିପରି ଶାହାରୁଖ ଖାନଙ୍କୁ ମଧ୍ୟ ଶେଷରେ ମନ ଦେଇ ବସିଥିଲେ ଗୌରୀ । କିଛି ଦିନ ପରସ୍ପର ସହ କଥା ହେବା ପରେ ଗୌରୀ ଏହି ସମ୍ପର୍କକୁ ନେଇ ଦ୍ୱନ୍ଦରେ ପଡିଯାଇଥିଲେ ଏବଂ କିଛି ଦିନ ପାଇଁ ସେ ଶାହାରୁଖଙ୍କ ସହ କଥା ହୋଇନଥିଲେ । ହେଲେ ବେଶି ଦିନ ଶାହାରୁଖ ଗୌରୀଙ୍କଠୁ ଦୂରେଇ ରହି ପାରି ନଥିଲେ ସେ ତାଙ୍କ ମାଙ୍କଠାରୁ ୧୦ ହଜାର ଟଙ୍କା ନେଇ ଗୌରୀଙ୍କୁ ଖୋଜିବା ପାଇଁ ମୁମ୍ବାଇରେ ପହଞ୍ଚି ଯାଇଥିଲେ ।

ଶାହାରୁଖ ଜାଣିଥିଲେ ଯେ ଗୌରୀ ସମୁଦ୍ରକୁ ପସନ୍ଦ କରନ୍ତି ଏବଂ ସେ ସେଠାରେ ତାଙ୍କୁ ଭେଟିବେ । ଶେଷରେ ଉଭୟଙ୍କର ଦେଖା ହୋଇଥିଲା ଏବଂ ସେ ଗୌରୀଙ୍କୁ ବିବାହ କରିବାର ପ୍ରସ୍ତାବ ଦେଇଥିଲେ । ହେଲେ ସେହିପରି ସମୟରେ ଗୌରୀ ଏହି ବିବାହ ପାଇଁ ନାଁ କହିଥିଲେ । ହେଲେ ଯେତେବେଳେ ଶାହାରୁଖଙ୍କ ମା'ଙ୍କର ଦେହାନ୍ତ ହୋଇଯାଇଥିଲା ଏହା ପରେ ଗୌରୀ ତାଙ୍କୁ ବିବାହ କରିବାକୁ ରାଜି ହୋଇ ଯାଇଥିଲେ, ଏହା ଆମେ ନୁହେଁ ଏକ ସାକ୍ଷାତକାରରେ ଶାହାରୁଖ ଖାନ କହିଛନ୍ତି ।

ଗୌରୀ ରାଜି ହେବା ବଢିଯାଇଥିଲା ଉଭୟଙ୍କ ଚିନ୍ତା । ଗୌରୀ ଏକ ହିନ୍ଦୁ ପରିବାରର ଥିଲେ ଏବଂ ତାଙ୍କ ପିତାମାତା ଅନ୍ୟ ଧର୍ମରେ ବିବାହ କରିବା ସପକ୍ଷରେ ନଥିଲେ। ହେଲେ ଶାହାରୁଖ ଖାନ ପ୍ରାୟାସ କରିଥିଲେ ଏବଂ ଗୌରୀଙ୍କ ପରିବାରକୁ ବୁଝାଇଥିଲେ । ଏହା ପରେ, 25 ଅକ୍ଟୋବର 1991 ରେ ଏହି ଦମ୍ପତି ବିବାହ କରିଥିଲେ । ବିଶେଷ କଥା ହେଉଛି ଶାହାରୁଖ ଖାନ ଏବଂ ଗୌରୀ ଗୋଟିଏ ଦିନରେ ତିନୋଟି ପରମ୍ପରାରେ ବିବାହ କରିଥିଲେ - ହିନ୍ଦୁ, ମୁସଲମାନ ଏବଂ ରେଜିଷ୍ଟ୍ରୀ ମ୍ୟାରେଜ୍ ।