ଦୀପିକାଙ୍କ ପାଇଁ ଟ୍ରୋଲ ହେଲେ ସାରା ଅଲ୍ଲୀ ଖାନ !

ମୁମ୍ବାଇ: ଅଭିନେତ୍ରୀ ଦୀପିକାଙ୍କ ପାଇଁ ଟ୍ରୋଲର ଶିକାର ହେଲେ ସାରା ଅଲ୍ଲୀ ଖାନ । ଏବେ ଆପଣ ଭାବୁଥିବେ ଦୀପିକାଙ୍କ ଭୁଲ ପାଇଁ ସାରାଙ୍କୁ ବା କ'ଣ ପାଇଁ ସମାଲୋଚନା କରାଯାଉଛି । ତେବେ ଖାସ କଥା ହେଉଛି ଏଥରେ ସାରାଙ୍କୁ କୌଣସି ଭୁଲ ପାଇଁ ନୁହେଁ ତାଙ୍କ ଲୁକ୍ ପାଇଁ ନିନ୍ଦା କରାଯାଉଛି । ତାଙ୍କ ସିମ୍ପଲ ଲୁକ୍ କିଛି ପ୍ରଶଂସକଙ୍କୁ ପସନ୍ଦ ଆସୁନାହିଁ । ନିକଟରେ ଗଣେଶ ପୂଜା ଅବସରରେ ରଣବୀର-ଦୀପିକା ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ବଙ୍ଗଳାରେ ପହଁଚିଥିଲେ ଯେଉଁଠି ଅଭିନେତ୍ରୀ ସାରାଙ୍କୁ ମଧ୍ୟ ଦେଖିବା ପାଇଁ ମିଳିଥିଲା ।

ରଣବୀର ସିଂ-ଦୀପିକା ପାଦୁକୋଣ ହେଭି ଆଉଟଫିଟରେ ନଜର ଆସିଥିଲେ । ରଣବୀର ଜ୍ୟାକେଟ୍ ସହ ଗୋଲାପି ରଙ୍ଗର କୁର୍ତ୍ତା ପିନ୍ଧିଥିବା ବେଳେ ଦୀପିକା ସବୁଜ ରଙ୍ଗର ଭଲେଭେଟ୍ ସୁଟ୍ ସାଙ୍ଗକୁ ଭଲେଭେଟ୍ ମଖମଲି ଦୁପଟା ତାଙ୍କ ସୌନ୍ଦର୍ଯ୍ୟକୁ ଦ୍ୱିଇଗୁଣ କରିଥିଲା । ହେଲେ ସାରା ଏକଦମ୍ ସିମ୍ପଲ ଲୁକରେ ପହଁଚିଥିଲେ । ଅଭିନେତ୍ରୀ ହଳଦିଆ ରଙ୍ଗର ଏକ କଟନ୍ ସାଲୱାର୍ ସୁଟରେ ଗଣେଶ ଉତ୍ସବରେ ସାମିଲ ହୋଇଥିଲେ । ଦୀପିକାଙ୍କ ଗର୍ଜିଏସ ଲୁକ୍ ସାମ୍ନାରେରେ ଫିକା ପଡିଯାଇଥିଲେ ସାରା । ଏହା ଆମେ ନୁହେଁ ସୋସିଆଲ ମିଡିଆ ୟୁଜର୍ସଙ୍କ ମତ, ଏପରିକି କେହି କେହି ସାରାଙ୍କୁ ଦୀପିକା-ରଣବୀରଙ୍କ କାମବାଲି କହିବା ପାଇଁ ମଧ୍ୟ ପଛାଇ ନଥିଲେ । ତେବେ ପୂଜାର ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ସାରାଙ୍କୁ ଟ୍ରୋଲର ଶିକାର ହେବା ପାଇଁ ପଡିଛି ।

English summary

Sara Ali Khan Trolled For Her Simple Look