ସୁସ୍ଥ ହେଉଛନ୍ତି ସମନ୍ଥା, ସେୟାର କଲେ ଏପରି ଭିଡିଓ, ଫ୍ୟାନ୍ସ କହିଲେ ଅତୁଳନୀୟ

ମୁମ୍ବାଇ:ସାଉଥ୍ ଅଭିନେତ୍ରୀ ସମନ୍ଥା ରୁଥ୍ ପ୍ରଭୁ । ସୁସ୍ଥ ରହିବା ପାଇଁ, ଯଥା ରୋଗରୁ ମୁକ୍ତି ପାଇବା ପାଇଁ ଯଥାସମ୍ଭବ ଚେଷ୍ଟା କରୁଛନ୍ତି । ବର୍ତ୍ତମାନ ସେ ନିଜ ସ୍ୱାସ୍ଥ୍ୟ ଉପରେ ସମ୍ପୂର୍ଣ୍ଣ ଧ୍ୟାନ ଦେଉଛନ୍ତି । ନିକଟରେ ଅଭିନେତ୍ରୀ ୱାର୍କ ଆଉଟ୍ କରୁଥିବାର ଏକ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ଏହା ସହିତ ସେ ନିଜ ଡାଏଟ୍ ବିଷୟରେ ମଧ୍ୟ ଫ୍ୟାନ୍ସଙ୍କୁ ସୂଚନା ଦେଇଛନ୍ତି । ସମନ୍ଥା ମାୟୋସାଇଟିସ୍ ନାମକ ଏକ ରୋଗରେ ପୀଡିତ ଅଛନ୍ତି ।

ନିକଟରେ ଅଭିନେତ୍ରୀ ନିଜର ଏକ ଭିଡିଓ ସୋସିଆଲ ମିଡିଆରେ ସେୟାର କରିଛନ୍ତି । ଯେଉଁଥିରେ ଅଭିନେତ୍ରୀ ବ୍ୟାୟାମ କରୁଥିବାର ନଜର ଆସୁଛନ୍ତି। ଏହି ଭିଡିଓ ଦେଖିବା ପରେ ସମନ୍ଥାଙ୍କ ଫ୍ୟାନ୍ସ ବେଶ୍ ଖୁସ୍ ଅଛନ୍ତି । ଅଭିନେତ୍ରୀଙ୍କର ଏହି ଅନ୍ଦାଜ୍ ଦେଖି ଆଶା କରାଯାଉଛି ଯେ, ଖୁବ୍ ଶୀଘ୍ର ତାଙ୍କୁ ବଡପରଦାରେ ଦେଖିବା ପାଇଁ ମିଳିବ ।

ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ, ନିକଟରେ ସମନ୍ଥା ରୁଥ୍ ପ୍ରଭୁଙ୍କ ଫିଲ୍ମ 'ଶକୁନ୍ତଲାମ'ର ଟ୍ରେଲର ମୁକ୍ତିଲାଭ କରିଥିଲା । ଯାହା ପରେ ସୋସିଆଲ ମିଡିଆରେ ଅନେକ ଲୋକ ତାଙ୍କର ପ୍ରଶଂସା କରିଥିବା ବେଳେ କିଛି ୟୁଜର ଅଭିନେତ୍ରୀଙ୍କୁ ଟ୍ରୋଲ କରିଥିସଲେ । ଏପରିକି କେହି କେହି ତାଙ୍କୁ ଦୁର୍ବଳ ବୋଲି ମଧ୍ୟ କହିବା ଆରମ୍ଭ କରିଥିଲେ । ସେହିପରି କିଛି ଲୋକ କମେଣ୍ଟ କରିଥିଲେ ଯେ, ଅସୁସ୍ଥତା ହେତୁ ସମନ୍ଥାଙ୍କ ମୁହଁର ଚମକ ନଷ୍ଟ ହୋଇଯାଇଛି । ହେଲେ ବର୍ତ୍ତମାନ ଅଭିନେତ୍ରୀ ସୁସ୍ଥ ଅଛନ୍ତି । କଠିନ ପରିଶ୍ରମ କରୁଛନ୍ତି ଏବଂ ଏହି ରୋଗରୁ ମୁକ୍ତି ପାଇବା ପାଇଁ ବ୍ୟାୟାମ କରିବା ସହ ତାଙ୍କ ସ୍ୱାସ୍ଥ୍ୟ ପ୍ରତି ସମ୍ପୂର୍ଣ୍ଣ ଧ୍ୟାନ ଦେଉଛନ୍ତି ।

English summary

Samantha Ruth Prabhu Shares A New Workout Video.