ଧମକପୂର୍ଣ୍ଣ ଇ-ମେଲ୍ ପରେ ସଲମାନଙ୍କୁ ମିଳିଲା Y+ ସୁରକ୍ଷା

ସଲମାନଙ୍କୁ ମିଳିଲା Y+ ସୁରକ୍ଷା । ଲରେଲ୍ସ ବିଷ୍ଣୋଇ ଗ୍ୟାଙ୍ଗ୍ ତରଫରୁ ଲଗାତାର ଦୁଇ ଦୁଇ ଥର ହତ୍ୟା ଧମକ ମିଳିବା ପରେ ମୁମ୍ବାଇ ପୋଲିସ ଅଭିନେତାଙ୍କର ସୁରକ୍ଷା ବ୍ୟବସ୍ଥାକୁ କଡ଼ାକଡି କରିଛି ।

Published: Monday, March 20, 2023, 14:48 [IST]

ମୁମ୍ବାଇ: ଧମକପୂର୍ଣ୍ଣ ଇ-ମେଲ୍ ପରେ ବଢିଲା ସଲମାନ ଖାନଙ୍କ ସୁରକ୍ଷା ବ୍ୟବସ୍ଥା । ମିଳିଲା Y+ ସୁରକ୍ଷା । ଲରେଲ୍ସ ବିଷ୍ଣୋଇ ଗ୍ୟାଙ୍ଗ୍ ତରଫରୁ ଲଗାତାର ଦୁଇ ଦୁଇ ଥର ହତ୍ୟା ଧମକ ମିଳିବା ପରେ ମୁମ୍ବାଇ ପୋଲିସ ଅଭିନେତାଙ୍କର ସୁରକ୍ଷା ବ୍ୟବସ୍ଥାକୁ କଡ଼ାକଡି କରିଛି ।

ମାର୍ଚ୍ଚ ୧୮ରେ ଆସିଥିଲା ଏକ ଇ-ମେଲ୍ । ଇ-ନେଲ୍ ପଠାଇଥିବା ବ୍ୟକ୍ତି ନିଜକୁ ରୋହିତ ଗର୍ଗ ଭାବେ ପରିଚୟ ଦେଇଥିଲେ । ଏହି ଇମେଲରେ ଲେଖାଯାଇଥିଲା ଯେ, ଗୋଲ୍ଡୀ ବ୍ରାର ତୁମ ବସ୍ ଅର୍ଥାତ୍ ସଲମାନ ଖାନଙ୍କ ସହ କଥା ହେବା ପାଇଁ ଚାହୁଁଛନ୍ତି । ସେ ନିଶ୍ଚିତ ଭାବେ ବିଷ୍ଣୋଇଙ୍କ ସାକ୍ଷାତକାର ଦେଖିଥିବେ । ଯଦି ସେ ଦେଖି ନାହାଁନ୍ତି ତାଙ୍କୁ ଦେଖିବା ପାଇଁ କୁହ ଏବଂ ଯଦି ସେ ଚାହୁଁଛନ୍ତି ଏହି ମାମଲା ଏଠି ହିଁ ବନ୍ଦ ହୋଇଯାଉ ତେବେ ସେ ତୁରନ୍ତ ଗୋଲ୍ଡୀ ବ୍ରାରଙ୍କ ସହ କଥା ହୁଅନ୍ତୁ । ସେ ମୁହାଁମୁହିଁ କଥା ହେବା ପାଇଁ ଯଦି ଚାହୁଁଛନ୍ତି ତେବେ ଆମକୁ ଜଣାଅ । ଏହାର ବ୍ୟବସ୍ଥା ଆମେ କରିବୁ । ନ ହେଲେ ପରବର୍ତ୍ତି ସମୟରେ ତୁମେ କେବଳ ଘଟଣା ଦେଖି ଆଶ୍ଚର୍ଯ୍ୟ ହେବ ।

ଏହି ଇ-ମେଲ୍ ମିଳିବା ପରେ ସଲମାନ ଖାନଙ୍କ ଟିମ୍ ତୁରନ୍ତ ବାନ୍ଦ୍ରା ପୋଲିସ ଷ୍ଟେସନରେ ମାମଲା ରୁଜୁ କରିଥିଲା । ଯାହା ପରେ ଅଭିନେତାଙ୍କ ଘର ବାହାରେ ଅଧିକ ସଂଖ୍ୟାରେ ସୁରକ୍ଷାକର୍ମୀଙ୍କୁ ମଧ୍ୟ ମୁତୟନ କରାଯାଇଛି ।

ତେବେ ଏହା ପୂର୍ବରୁ ମଧ୍ୟ ଏକ ଜାତୀୟ ଗଣମାଧ୍ୟମକୁ ସାକ୍ଷାତକାର ଦେଇ ଲରେନ୍ସ ବିଷ୍ଣୋଇ ସଲମାନଙ୍କୁ ହତ୍ୟା କରିବା ପାଇଁ ଧମକ ଦେଇଥିଲେ । ତେବେ ଆପଣଙ୍କୁ ଜଣାଇବା ପାଇଁ ଚାହିଁବୁ ଯେ ସିଦ୍ଧୁ ମୁସେୱାଲାଙ୍କ ହତ୍ୟା ମାମଲାରେ ଗ୍ୟାଙ୍ଗଷ୍ଟାର ଲରେନ୍ସ ବର୍ତ୍ତମାନ ଜେଲରେ ଅଛି ।

Published On March 20, 2023