ଭୟଙ୍କର ରୋଗରେ ପୀଡିତ ଥିଲେ ସଲମାନ ଖାନ, ପୀଡିତ ବ୍ୟକ୍ତିଙ୍କଠାରେ ଥାଏ ଆତ୍ମହତ୍ୟା କରିବାର ପ୍ରବୃତ୍ତି

Salman Khan: ବଲିଉଡ ସୁପରଷ୍ଟାର ସଲମାନ ଖାନ ଆଜିକାଲି ତାଙ୍କର ଆଗାମୀ ଫିଲ୍ମ 'ସିକନ୍ଦର'କୁ ନେଇ ଚର୍ଚ୍ଚାରେ ଅଛନ୍ତି । ଏହି ଫିଲ୍ମର ଟ୍ରେଲରେ ୫୯ ବର୍ଷିୟ ସଲମାନଙ୍କର ଜବରଦସ୍ତ ଅନ୍ଦାଜ୍ ଦେଖିବା ପାଇଁ ମିଳୁଛି । ହେଲେ ଆପଣ ଜାଣିଛନ୍ତି କି ସୁପରଷ୍ଟାର ସଲମାନ ଦୀର୍ଘ ଦିନ ହେବେ ଏକ ରୋଗରେ ପିଡିତ ଥିଲେ ସଲମାନ । ସେହି ସମୟରେ ଯନ୍ତ୍ରଣା ଯୋଗୁଁ ତାଙ୍କର ଅବସ୍ଥା ବହୁତ ଖରାପ ଥିଲା।

ସଲମାନ ଖାନଙ୍କୁ ଟ୍ରାଇଜେମିନାଲ୍ ନ୍ୟୁରାଲଜିଆ ନାମକ ଏକ ରୋଗ ହୋଇଥିଲା। ଏହି ସୁପରଷ୍ଟାର ୨୦୧୧ ମସିହାରେ 'ବଡିଗାର୍ଡ' ଫିଲ୍ମ ରିଲିଜ୍ ହେବା ପୂର୍ବରୁ ପ୍ରକାଶ କରିଥିଲେ ଯେ ସେ Trigeminal Neuralgia ରୋଗରେ ପୀଡିତ ଥିଲେ ଯେଉଁଥି ପାଇଁ ଆମେରିକାରେ ତାଙ୍କର ନର୍ଭ ଅସ୍ତ୍ରୋପଚାର କରାଯାଇଥିଲା।

୨୦୧୭ ମସିହାରେ, ସଲମାନ ଖାନ 'ଟ୍ୟୁବଲାଇଟ'ର ପ୍ରଥମ ଗୀତ ରେଡିଓର ଦୁବାଇ ଲଞ୍ଚ ସମୟରେ ଗଣମାଧ୍ୟମରେ ଖୋଲାଖୋଲି ଭାବରେ ତାଙ୍କ ରୋଗ ବିଷୟରେ କହିଥିଲେ। ସେ କହିଥିଲେ, 'ଏହା ଏପରି ଏକ ରୋଗ ଯେଉଁଥିରେ ଆତ୍ମହତ୍ୟାର ଭୟ ସବୁଠାରୁ ଅଧିକ ଥାଏ।' ଏହା ବହୁତ କଷ୍ଟ ଦେଉଛି। ସଲମାନ ଆହୁରି କହିଥିଲେ ଯେ, ଏହି ରୋଗରୁ ନିଜକୁ ବଞ୍ଚାଇବା ପାଇଁ ମୋତେ କଠିନ ପରିଶ୍ରମ କରିବା ପାଇଁ ପଡିଥିଲା ।

Trigeminal Neuralgia ଏପରି ଏକ ରୋଗ ଯେଉଁଥିରେ ମୁହଁରେ ଏକ ଅତ୍ୟନ୍ତ ତୀକ୍ଷ୍ଣ ଯନ୍ତ୍ରଣା ହୋଇଥାଏ। ଏହି ଯନ୍ତ୍ରଣା ଏକ ବିଦ୍ୟୁତ୍ ଆଘାତ ପରି। ଏହି ରୋଗକୁ ଆତ୍ମହତ୍ୟା ରୋଗ ମଧ୍ୟ କୁହାଯାଏ କାରଣ ଅତ୍ୟଧିକ ଯନ୍ତ୍ରଣା ହେତୁ ଏହି ରୋଗରେ ପୀଡିତ ବ୍ୟକ୍ତି ଆତ୍ମହତ୍ୟା କରିବା ବିଷୟରେ ମଧ୍ୟ ଚିନ୍ତା କରିବା ଆରମ୍ଭ କରିଥାଏ ।

ଆପଣଙ୍କୁ ଜଣାଇ ଦେଉଛୁ ଯେ ସଲମାନ ଖାନଙ୍କ ଫିଲ୍ମ 'ସିକନ୍ଦର' ଈଦ୍ ଅବସରରେ 30 ମାର୍ଚ୍ଚ 2025ରେ ସିନେମା ଘରେ ମୁକ୍ତିଲାଭ କରିବାକୁ ପ୍ରସ୍ତୁତ। ଏହି ଫିଲ୍ମରେ ସଲମାନ ଖାନଙ୍କ ବ୍ୟତୀତ ରଶ୍ମିକା ମନ୍ଦାନା, କାଜଲ ଅଗ୍ରୱାଲ, ଶର୍ମନ ଜୋଶୀ, ସତ୍ୟରାଜ ଏବଂ ଅଞ୍ଜିନି ଧାୱନ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ।