ସଲମାନ ଖାନଙ୍କୁ ପୁଣି ହତ୍ୟା ଧମକ, ମାଗିଲେ ଏତିକି କୋଟି

Salman Khan: ବଲିଉଡ ସୁପରଷ୍ଟାର ସଲମାନ ଖାନ ବର୍ତ୍ତମାନ ହେଡଲାଇନରେ ରହିଛନ୍ତି । ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୌଇ କ୍ରମାଗତ ଭାବରେ ସଲମାନ ଖାନଙ୍କୁ ସିଧାସଳଖ ଧମକ ଦେଉଛନ୍ତି। ବର୍ତ୍ତମାନ ପୁଣି ଭାଇଜାନଙ୍କୁ ହତ୍ୟା କରିବାର ଧମକ ମିଳିଛି । ଯାହା ପରେ ଅଭିନେତାଙ୍କ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।

ସୂଚନା ଅନୁସାରେ, ଏଥର ଟ୍ରାଫିକ ନିୟନ୍ତ୍ରଣକୁ ପଠାଯାଇଥିବା ବାର୍ତ୍ତାରେ ଏକ ଧମକ ଦିଆଯାଇଛି । ବର୍ତ୍ତା ପଠାଇଥିବା ବ୍ୟକ୍ତି ନିଜକୁ ଲରେନ୍ସ ବିଷ୍ଣୌଇ ଗ୍ୟାଙ୍ଗର ନିକଟତର ବୋଲି ବର୍ଣ୍ଣନା କରିଛନ୍ତି। ଲରେନ୍ସ ବିଷ୍ଣୌଇଙ୍କ ସହ ଦୀର୍ଘ ଦିନ ଧରି ଚାଲିଆସୁଥିବା ବିବାଦର ସମାଧାନ ପାଇଁ ସଲମାନ ଖାନଙ୍କ ଠାରୁ 5 କୋଟି ଟଙ୍କା ମାଗି ମୁମ୍ବାଇ ଟ୍ରାଫିକ ପୋଲିସ ଏକ ଧମକପୂର୍ଣ୍ଣ ବାର୍ତ୍ତା ପାଇଛି।

ଖବର ଅନୁସାରେ, ବିଷ୍ଣୌଇ ଗ୍ୟାଙ୍ଗର ନାଁ ନେଇ ଆସିଥିବା ଏହି ଧମକରେ କୁହାଯାଇଛି , ଯଦି ସଲମାନ ଖାନ 5 କୋଟି ଟଙ୍କା ନ ଦିଅନ୍ତି ତେବେ ତାଙ୍କ ଅବସ୍ଥା ପୂର୍ବତନ ବିଧାୟକ ବାବା ସିଦ୍ଦିକିଙ୍କ ଅବସ୍ଥାଠାରୁ ଖରାପ ହେବ। ଆସନ୍ତୁ ଆପଣଙ୍କୁ କହିବା ଯେ ନିକଟରେ ବାବା ସିଦ୍ଦିକିଙ୍କ ହତ୍ୟା ଗୁଳି କରି କରାଯାଇଛି ।

ଗଣମାଧ୍ୟମର ରିପୋର୍ଟ ଅନୁଯାୟୀ, ମୁମ୍ବାଇ ପୋଲିସ ବର୍ତ୍ତମାନଏହି ବାର୍ତ୍ତାର ଉତ୍ସ ଜାଣିବା ପାଇଁ ତଦନ୍ତ ଆରମ୍ଭ କରିଛି, ବାନ୍ଦ୍ରାସ୍ଥିତ ସଲମାନ ଖାନଙ୍କ ଗାଲାକ୍ସି ଆପାର୍ଟମେଣ୍ଟରେ ସୁରକ୍ଷା ମଧ୍ୟ ବୃଦ୍ଧି କରାଯାଇଛି। ସେହିପରି ଭାଇଜାନଙ୍କ ଫାର୍ମ ହାଉସରେ ମଧ୍ୟ କଡ଼ାକଡି କରାଯାଇଛି ସୁରକ୍ଷା ବ୍ୟବସ୍ଥା ।

କିଛି ମାସ ପୂର୍ବେ ବିଷ୍ଣୌଇ ଗ୍ୟାଙ୍ଗ ସଲମାନ ଖାନଙ୍କ ଗାଲାକ୍ସି ଆପାର୍ଟମେଣ୍ଟ ବାହାରେ ଗୁଳି ମଧ୍ୟ ଚଳାଇଥିଲା । ତେବେ ଗୁଳିକାଣ୍ତ କରିଥିବା ଅଭିଯୁକ୍ତକୁ ପୋଲିସ ଗିରଫ କରିବାରେ ସଫଳ ହୋଇଥିଲା ।