ମଧ୍ୟରାତ୍ରିରେ ଧୋନିଙ୍କ ଜନ୍ମଦିନ ସେଲିବ୍ରେଟ୍ କଲେ ସଲମାନ ଖାନ

Updated: Sunday, July 7, 2024, 11:28 [IST]

Salman Khan Celebrated MS Dhoni's Birthday: ମହେନ୍ଦ୍ର ସିଂ ଧୋନି ଆଜି ନିଜ 43ତମ ଜନ୍ମଦିନ ପାଳନ କରୁଛନ୍ତି। ସାରା ବିଶ୍ୱ ଆଜି ତାଙ୍କୁ ଜନ୍ମ ଦିନ ଶୁଭେଚ୍ଛା ଜଣାଉଛି । ଏହାରି ମଧ୍ୟରେ ସୋସିଆଲ ମିଡିଆରେ ଏକ ଫଟୋ ବେଶ୍ ଭାଇରାଲ ହେଉଛି । ଏହି ଫଟୋରେ ବଲିଉଡ ଦବଙ୍ଗ ଖାନା ଏବଂ ମହେନ୍ଦ୍ର ସିଂ ଧୋନିଙ୍କୁ ଏକାଠି ଦେଖିବା ପାଇଁ ମିଳୁଛି । ବଲିଉଡ ସୁପରଷ୍ଟାର ସଲମାନ ଖାନ ମଧ୍ୟ କ୍ରିକେଟରଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ସଲମାନ ମଧ୍ୟରାତ୍ରୀରେ ଧୋନିଙ୍କ ଜନ୍ମଦିନ ସେଲିବ୍ରେଟ୍ କରିବା ପାଇଁ ପହଞ୍ଚିଥିଲେ ।

ସଲମାନ ଖାନ ନିଜ ଇନଷ୍ଟାଗ୍ରାମରେ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସେ ଧୋନିଙ୍କ ସହ ନଜର ଆସୁଛନ୍ତି । ଏହି ଫଟୋରେ ଧୋନି ସବୁଜ ପ୍ରିଣ୍ଟର ଧଳା ଟି-ସାର୍ଟ ପିନ୍ଧିଥିବାର ନଜର ଆସୁଛନ୍ତି ଏବଂ ସଲମାନ ଖାନ ଏକ କଳା ରଙ୍ଗର ସର୍ଟ ପିନ୍ଧିଥିବାର ଦେଖିବା ପାଇଁ ମିଳୁଛି । ଏହି ଫଟୋ କ୍ୟାପସନରେ ଅଭିନେତା ଲେଖିଛନ୍ତି, ହାପି ବର୍ଥଡେ କ୍ୟାପଟେନ ସାହେବ ।

ଏହାପୂର୍ବରୁ ଏମଏସ ଧୋନିଙ୍କ ପତ୍ନୀ ସାକ୍ସି ସିଂ ମଧ୍ୟ ନିଜ ଇନଷ୍ଟାଗ୍ରାମରେ ଧୋନିଙ୍କ ମିଡ୍ ନାଇଟ୍ ସେଲିବ୍ରେସନର ଫଟୋ ଏବଂ ଭିଡିଓ ସେୟାର କରିଥିଲେ । ଏହି ଭିଡିଓରେ ଧୋନି କେକ୍ କାଟୁଥିବା ନଜର ଆସିଥିଲେ । କେକ୍ କାଟିବା ପରେ ତାଙ୍କ ପତ୍ନୀ ସାକ୍ସି କ୍ରିକେଟରଙ୍କ ପାଦ ଛୁଇଁ ତାଙ୍କ ଆଶୀର୍ବାଦ ନେଉଥିବାର ମଧ୍ୟ ଦେଖିବାକୁ ମିଳୁଛି । ଅଭିନେତା ରଣଭୀର ସିଂ ତାଙ୍କର ଏହି ଭିଡିଓରେ ଅନେକ ହୃଦୟ ଇମୋଜି ପୋଷ୍ଟ କରି ପ୍ରେମର ବର୍ଷା କରିଛନ୍ତି ।

ଏହାପୂର୍ବରୁ ଅନନ୍ତ ଅମ୍ବାନୀ ଏବଂ ରାଧିକାଙ୍କ ସଙ୍ଗୀତ ନାଇଟରେ ଧୋନୀ ନିଜ ପତ୍ନୀଙ୍କ ସହ ନଜର ଆସିଥିଲେ । ଉଭୟଙ୍କର ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା ଯେଉଁଥିରେ ଦର୍ଶକ ପ୍ରେମର ବର୍ଷା କରୁଥିବାର ଦେଖିବାକୁ ମିଳିଥିଲା । ଆଜି ସୋସିଆଲ ମିଡିଆରେ ଟ୍ରେଣ୍ତରେ ରହିଛନ୍ତି ଧୋନୀ ।