ସଲମାନ ଖାନଙ୍କୁ ସାପ କାମୁଡିଲା, ଆସନ୍ତୁ ଜାଣିବା କେମିତି ଅଛନ୍ତି ଭାଇଜାନ ଏବେ
ମୁମ୍ବାଇ: ବଲିଉଡ ଅଭିନେତା ସଲମାନ ଖାନଙ୍କ ସମ୍ପର୍କରେ ଆସିଛି ଏକ ଦୁଖ ଖବର। ଆସନ୍ତା କାଲି ଅର୍ଥାତ 27 ଡିସେମ୍ବରରେ ସଲମାନ ଖାନ ତାଙ୍କର 56 ତମ ଜନ୍ମଦିନ ପାଳନ କରିବାକୁ ଯାଉଛନ୍ତି। ଏହି ଡବଙ୍ଗ ଅଭିନେତାଙ୍କ ଫ୍ୟାନ ଏଥିପାଇଁ ବହୁତ ଖୁସି ଥିଲେ। କିନ୍ତୁ ଏହି ଖୁସି ମଧ୍ୟରେ ଅଭିନେତାଙ୍କ ସହ ଜଡିତ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି, ଯାହା ଅଭିନେତାଙ୍କ ପ୍ରଶଂସକଙ୍କ ପାଇଁ ଆଣିଛି ମନଦୁଖ। ଖବର ଆସିଛି ଯେ, ସଲମାନ ଖାନଙ୍କୁ ସାପ କାମୁଡ଼ି ଦେଇଛି।
ଘଟଣା ଏହିପରି:
ଜନ୍ମ ଦିନ ପାଳନ ପ୍ରସ୍ତୁତି ପାଇଁ ଶନିବାର ରାତିରେ ସଲମାନ ଖାନ ପାନଭେଲରେ ଥିବା ତାଙ୍କ ଫାର୍ମ ହାଉସରେ ଉପସ୍ଥିତ ଥିବାବେଳେ ଏହି ଘଟଣା ଘଟିଥିଲା। ଖ୍ରୀଷ୍ଟମାସ ପାଳନ କରିବାକୁ କଳାକାରମାନେ ଏଠାକୁ ଆସିଥିଲେ କିନ୍ତୁ ସଲମାନ ଖାନଙ୍କ ସହ ଏହି ଦୁର୍ଘଟଣା ଘଟିଥିଲା । ଏହା ପରେ ସଲମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା-
ସାପ କାମୁଡ଼ିବା ପରେ ସଲମାନ ଖାନଙ୍କୁ ତୁରନ୍ତ ନାଭି ମୁମ୍ବାଇର କାମୋଥେ ଅଞ୍ଚଳର ମହାତ୍ମା ଗାନ୍ଧୀ ମିଶନ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏଠାରେ ଅଭିନେତାଙ୍କୁ ଚିକିତ୍ସା କରାଯାଇଥିଲା । ଖବର ଅନୁଯାୟୀ, ସଲମାନ ଖାନଙ୍କୁ କାମୁଡିଥିବା ସାପଟି ବିଷାକ୍ତ ନୁହେଁ। ଏଭଳି ପରିସ୍ଥିତିରେ ସଲମାନ ଖାନଙ୍କ ସ୍ୱାସ୍ଥ୍ୟ ପ୍ରତି ବିପଦ ନାହିଁ । ଚିକିତ୍ସା ପରେ ସଲମାନ ଫାର୍ମ ହାଉସରେ ବିଶ୍ରାମ ନେଉଛନ୍ତି। ଡାକ୍ତରଖାନାରେ ଚିକିତ୍ସିତ ହେବା ପରେ ଅଭିନେତା ସକାଳ 9 ଟାରେ ନିଜ ଫାର୍ମ ହାଉସକୁ ଫେରିଛନ୍ତି। ବର୍ତ୍ତମାନ ସଲମାନଙ୍କ ଅବସ୍ଥା ଭଲ ଥିବା କୁହାଯାଉଛି। ଯାହା ପରେ ସେ ଏଠାରେ ରହି ବିଶ୍ରାମ ନେଉଛନ୍ତି । ଡିସେମ୍ବର 27 ହେଉଛି ସଲମାନଙ୍କ ଜନ୍ମଦିନ, ଏଭଳି ପରିସ୍ଥିତିରେ ତାଙ୍କ ଜନ୍ମଦିନରେ ବଡ ଉତ୍ସବ ହେବ କି ନାହିଁ, ସେନେଇ କୌଣସି ନିର୍ଦ୍ଦିଷ୍ଟ ସୂଚନା ନାହିଁ।
Click it and Unblock the Notifications
Sign in with Google