ସୁଶାନ୍ତଙ୍କ ମୃତ୍ୟୁ ପରେ ପୁଣି ପ୍ରେମରେ ପଡିଲେ ରିୟା ଚକ୍ରବର୍ତ୍ତୀ, ଏହି ବ୍ୟବସାୟୀଙ୍କୁ କରୁଛନ୍ତି ଡେଟ୍

Rhea Chakraborty New Boyfriend: ଦିବଙ୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବଲିଉଡ ଅଭିନେତ୍ରୀ ରିୟା ଚକ୍ରବର୍ତ୍ତୀଙ୍କ ନା ହେଡଲାଇନରେ ରହିଥିଲା । ଏପରିକି ରିୟାଙ୍କୁ ଜେସ୍ ଯିବା ପାଇଁ ମଧ୍ୟ ପଡିଥିଲା । ରିୟା ସୁଶାନ୍ତଙ୍କୁ ଜବରଦସ୍ତି ଡ୍ରଗ୍ସ ଏବଂ ମାନସିକ ଯନ୍ତ୍ରଣା ଦେଉଥିବା ଅଭିଯୋଗ ହୋଇଥିଲା । ଏବେ ପୁଣି ରିୟା ଚକ୍ରବର୍ତ୍ତୀ ନିଜ ଲଭ୍ ଲାଇଫକୁ ନେଇ ସୋସିଆଲ ମିଡିଆରେ ଅଛନ୍ତି ଚର୍ଚ୍ଚାରେ । ବର୍ତ୍ତମାନ ସେ ଜଣେ ବିଲିୟନେୟାର ବ୍ୟବସାୟୀଙ୍କୁ ଡେଟ୍ କରୁଥିବା ନେଇ ଚର୍ଚ୍ଚା ହେଉଛି ।

ରିୟା ଚକ୍ରବର୍ତ୍ତୀ ବ୍ୟବସାୟୀ ନିଖିଲ କାମାଥଙ୍କୁ ଡେଟ କରୁଛନ୍ତି । ନିଖିଲ ଭାରତୀୟ ଷ୍ଟକ୍ କମ୍ପାନୀ 'Zerodha'ର କୋ -ଫାଉଣ୍ତର ।
ଆଜିକାଲି ରିୟାଲିଟି ସୋ 'ରୋଡିଜ୍'ରେ ରିୟାଙ୍କ ଜଲୱା ଦେଖିବା ପାଇଁ ମିଳୁଛି । ଏହି ବ୍ୟବସାୟୀଙ୍କୁ ରିୟା ଡେଟ୍ କରୁଛନ୍ତି ବୋଲି ଚର୍ଚ୍ଚା ଜୋର ଧରିଛି ପୂର୍ବରୁ ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତ ଏବଂ ସୋହେଲ ଖାନଙ୍କ ପୂର୍ବତନ ପତ୍ନୀ ସୀମାଙ୍କ ଭାଇ ବଣ୍ଟି ସାଜଦେହଙ୍କ ସହ ମଧ୍ୟ ରିୟାଙ୍କ ସମ୍ପର୍କ ଥିଲା । ସେହିପରି ନିଖିଲ ପୂର୍ବତନ ମିସ୍ ୱାର୍ଲ୍ଡ ମାନୁଶି ଚିଲରଙ୍କୁ ଡେଟ କରିଥିବା ନେଇ ଆଲୋଚନା ଜୋର ଧରିଥିଲା ।

ଯେତେବେଳେ ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଦେହାନ୍ତ ହୋଇଥିଲା, ସେତେବେଳେ ରିୟା ଚକ୍ରବର୍ତ୍ତୀ ତାଙ୍କ ପ୍ରେମିକା ଥିଲେ। ସୁଶାନ୍ତଙ୍କ ପିତା କେ.କେ ସିଂ ରିୟାଙ୍କ ବିରୋଧରେ ଅନେକ ଗୁରୁତର ଅଭିଯୋଗ ଆଣିଥିଲେ ଏବଂ ଅଭିନେତ୍ରୀଙ୍କ ବିରୋଧରେ ପୋଲିସ ଅଭିଯୋଗ ମଧ୍ୟ କରିଥିଲେ। ଏହା ପରେ ରିୟାଙ୍କୁ ସୁଶାନ୍ତ ମାମଲାରେ ଜେଲ ଯିବାକୁ ପଡିଥିଲା । ସେତେବେଳେ ମଧ୍ୟ ଲୋକେ ରିୟାଙ୍କୁ ସମାଲୋଚନା କରିଥିଲେ । ହେଲେ ରିୟା ଏବଂ ତାଙ୍କ ଭାଇ ଜେଲରୁ ବାହାରି ପରେ ଧିରେ ଧିରେ ସବୁ କିଛି ସ୍ୱାଭାବିକ ହୋଇଥିଲା ।

ବର୍ତ୍ତମାନ ପୁଣି ଥରେ ରିୟା ଚକ୍ରବର୍ତ୍ତୀ ଲୋକମାନଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛନ୍ତି। କୁହାଯାଉଛି ଯେ ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ପରେ ବର୍ତ୍ତମାନ ଜୀବନରେ ଆଗକୁ ବଢିଛନ୍ତି । ଗଣମାଧ୍ୟମ ରିପୋର୍ଟ ଅନୁଯାୟୀ, ରିୟାଙ୍କ ଜୀବନରେ ପ୍ରେମ ପୁଣି ଥରେ ଫେରିଆସିଛି । ସେ ପ୍ରସିଦ୍ଧ ବ୍ୟବସାୟୀ ନିଖିଲ କାମାଥଙ୍କ ପ୍ରେମରେ ପଡିଛନ୍ତି ।

English summary

Rhea Chakraborty New Boyfriend