ମିଳିଲା ନାହିଁ କାମ, ଶେଷରେ ଆତ୍ମହତ୍ୟା କଲେ ଅଭିନେତା

Nitin Chauhan Death: ନଭେମ୍ବର 7 ତାରିଖ ଗୁରୁବାର ଦିନ 'Splitsvilla 5'ଫେମ୍ 35 ବର୍ଷିୟ ଅଭିନେତା ନିତିନ୍ ଚୌହାନଙ୍କ ଦେହାନ୍ତ ହୋଇଛି । ଅଭିନେତାଙ୍କର ମୃତ୍ୟୁ ଖବର ପୁରା ଇଣ୍ତଷ୍ଟ୍ରିକୁ ଚକିତ କରିଛି । ଅଭିନେତାଙ୍କ ଜଣେ ବନ୍ଧୁ କହିଛନ୍ତି ଯେ, ନିତିନ୍ ଚୌହାନ ଆତ୍ମହତ୍ୟା କରିଛନ୍ତି। ଯାହା ପରେ ମୁମ୍ବାଇ ପୋଲିସ ମଧ୍ୟ ସ୍ପଷ୍ଟ କରିଛି ଯେ ଅଭିନେତା ନିତିନ୍ ଚୌହାନ ଆତ୍ମହତ୍ୟାକୁ କରିଛନ୍ତି ।

ଶେଷରେ ନିତିନ ଚୌହାନଙ୍କ ପତ୍ନୀ ଏହି ଘଟଣା ପଛର ସତ୍ୟତା ବିଷୟରେ କହିଛନ୍ତି ଏବଂ ଅଭିନେତାଙ୍କ ଆତ୍ମହତ୍ୟା କରିବା ପଛର କାରଣ ବିଷୟରେ ମଧ୍ୟ ଉଲ୍ଲେଖ କରିଛନ୍ତି । ନିତିନ ଚୌହାନ ଡିପ୍ରେସନ ଶିକାର ହୋଇଥିଲେ ଯେଉଁଥି ପାଇଁ ତାଙ୍କର ଚିକିତ୍ସା ଜାରି ଥିଲା ବୋଲି ପୋଲିସ ସୂଚନା ଦେଇଛି । ପୋଲିସ ଆହୁରି ମଧ୍ୟ କହିଛି ଯେ ସ୍ୱର୍ଗତ ଅଭିନେତାଙ୍କ ପତ୍ନୀ ତାଙ୍କ ବିବୃତ୍ତିରେ ପ୍ରକାଶ କରିଛନ୍ତି ଯେ ଗତ ତିନିରୁ ଚାରି ବର୍ଷ ମଧ୍ୟରେ ନିତିନଙ୍କୁ କୌଣସି କାମ ମିଳୁ ନଥିଲା ଯେଉଁଥି ପାଇଁ ସେ ଚିନ୍ତାରେ ରହୁଥିଲେ।

କାମ ନ ମଳିବାରୁ ଶେଷରେ ଅଭିନେତା ଆଇସ୍କ୍ରିମ୍ ବ୍ୟବସାୟ ଆରମ୍ଭ କରିଥିଲେ । ହେଲେ ତାଙ୍କର ଏହି କାମ କିଛି ଖାସ୍ ଚାଲି ନଥିଲା ଯେଉଁଥି ପାଇଁ ଘରେ ଝଗଡା ଆରମ୍ଭ ହୋଇଯାଇଥିଲା । ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ, ମୃତ୍ୟୁ ଦିନ ନିତିନଙ୍କ ପତ୍ନୀ ଓ ତାଙ୍କ ଝିଅ ବଗିଚାରେ ଥିଲେ । ସେ ଫେରି ଘଣ୍ଟି ବଜାଇଥିଲେ ହେଲେ ଭିତରକୁ କେହି ଉତ୍ତର ଦେଇ ନଥିଲେ । ଶେଷରେ କବାଟ ଭାଙ୍ଗି ଭିତରକୁ ପ୍ରବେଶ କରିଥିଲେ ନିତିନଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲା କିନ୍ତୁ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ବର୍ତ୍ତମାନ ପୋଲିସ ଏହି ଘଟଣାର ତଦନ୍ତ କରୁଛି।

ନିତିନ ଶୋ ଦାଦାଗିରି ୨ ଜିତିଥିଲେ ଏବଂ ଏହି ସୋ ହେତୁ ସେ ଖ୍ୟାତି ଅର୍ଜନ କରିଥିଲେ | ପରେ, ନିତିନ MTV ସ୍ପ୍ଲିଟ୍ସଭିଲା ଏବଂ କ୍ରାଇମ ପାଟ୍ରୋଲ, ଫ୍ରେଣ୍ଡସ୍ ସହିତ ଅନେକ ଶୋ'ରେ ଅଭିନୟ କରିଥିଲେ । ନିତିନଙ୍କୁ ଶେଷ ଥର ପାଇଁ 2022 ମସିହାରେ SAB ଟିଭିର ସୋ ତେରା ୟାର ହୁଁ ମେ ରେ ଦେଖିବାକୁ ମିଳିଥିଲା ​ ।