ଦୀପିକାଙ୍କ ପାଇଁ ପିମ୍ପୁଡ଼ି ଖାଇଲେ ରଣବୀର ସିଂ!

ଯେ କେବେ ଅସଲି ଜଙ୍ଗଲ ଦେଖି ନଥିଲା ଆଜି ସେ ସାତ ସମୁଦ୍ର ପାର କରି ସାର୍ବିଆ ଜଙ୍ଗଲରେ ବିପଦ ସହ ଲଢିବା ପାଇଁ ଯାଇପହଁଚିଛନ୍ତି

ମୁମ୍ବାଇ:ବଲିଉଡ ଅଭିନେତା ରଣଭୀର ସିଂଙ୍କ ନିଜ ଅଭିନୟ, ଡ୍ୟାନ୍ସରେ ଫ୍ୟାନ୍ସଙ୍କୁ କରନ୍ତି ମତୁଆଲା । ହେଲେ ଏବେ ନିଜ ସାହାସିକତା ପାଇଁ ସେ ଅଛନ୍ତି ଚର୍ଚ୍ଚାର ।ନିଜ ଜୀବନରେ ପ୍ରଥମ ଥର ସେ ଏପରି ବିପଦ ଓ ଭୟ ସହ ଲଢିଥିଲେ । ଯେ କେବେ ଅସଲି ଜଙ୍ଗଲ ଦେଖି ନଥିଲା ଆଜି ସେ ସାତ ସମୁଦ୍ର ପାର କରି ସାର୍ବିଆ ଜଙ୍ଗଲରେ ବିପଦ ସହ ଲଢିବା ପାଇଁ ଯାଇପହଁଚିଛନ୍ତି ।ଉଦ୍ଦେଶ୍ୟ କେବଳ ସାହସିକ ଦେଖାଇବା ହିଁ ନଥିଲା ବରଂ ନିଜ ସ୍ତ୍ରୀ ଦୀପିକାଙ୍କ ପାଇଁ ଏକ ସ୍ୱତନ୍ତ୍ର ଫୁଲ ସର୍ବିକା ରାମୋଣ୍ଡା ଆଣିବା ମଧ୍ୟ ଥିଲା । ପ୍ରଶଂସକମାନେ ଅନେକ ଦିନରୁ Ranveer vs Wild with Bear Grylls ଦେଖିବା ପାଇଁ ଅପେକ୍ଷା କରିଥିଲେ । ଶୋ ଶେଷରେ ନେଟଫ୍ଲିକ୍ସରେ ଷ୍ଟ୍ରିମ୍ ହୋଇଛି ।ଏହା ସହିତ ଲୋକମାନେ ଏହା ମଧ୍ୟ ଜାଣିପାରିଛନ୍ତି ଯେ ରଣବୀର ଦୀପିକାଙ୍କ ପାଇଁ କେତେ ପାଗଳ ।

ସର୍ବିକା ରାମୋଣ୍ଡା ଫୁଲ ଆଣିବା ପାଇଁ ରଣବୀରଙ୍କୁ କରିବା ପାଇଁ ପଡିଥିଲା କଠିନ ପରିଶ୍ରମ ।କେବେ ଜୀବଜନ୍ତୁଙ୍କରଗୋବର ମୁଣ୍ତରେ ଲଗାଇଲେ ତ କେବେ ଜଙ୍ଗଲରେ ପତ୍ରରେ ଶୋଇ ରାତିକାଟିଥିଲେ । ବିଷାକ୍ତ ସାପରୁ ନିଜ ଜୀବନ ମଧ୍ୟ ରକ୍ଷା କରିବା ପାଇଁ ପଡିଥିଲା ଏହି ଅଭିନେତା ରଣବୀରଙ୍କୁ ।ହେଲେ ସବୁଠୁ ଆଶ୍ଚର୍ଯ୍ୟଜନକ ଥିଲା ଯେତେବେଳେ ଜଙ୍ଗଲରେ ବଞ୍ଚିବା ପାଇଁ ରଣଭୀରଙ୍କୁ ପିମ୍ପୁଡ଼ି ମଧ୍ୟ ଖାଇବା ପାଇଁ ପଡିଥିଲା । ଜଳଖିଆ ପାଇଁ ତାଙ୍କ ପାଖରେ ଖାଦ୍ୟ ନଥିଲା, ତେଣୁ ରଣଭୀର ପିମ୍ପୁଡ଼ି ଖାଇ ନିଜ ଭୋକ ମେଣ୍ଟାଇଥିଲେ ।ଏହା ପରେ Bear Grylls ତାଙ୍କୁ ପିମ୍ପୁଡ଼ି ଖାଇବାର ଲାଭ ବିଷୟରେ ମଧ୍ୟ ବୁଝାଇଥିଲେ ।ସେ କହିଥିଲେ ପିମ୍ପୁଡ଼ିରେ ଭିଟାମିନ୍ ସି ଥାଏ, ତେବେ ଏହି ଶୋ'ରେ ରଣଭୀର ତାଙ୍କ ପତ୍ନୀ ଦୀପିକାଙ୍କୁ ଅନେକ ଥର ମନେ ପକାଇଥିଲେ ।ସୋସିଆଲ ମିଡିଆରେ ଦୀପିକାଙ୍କ ପ୍ରତି ରଣବୀରଙ୍କ ଭଲପାଇବା ଓ ପ୍ରେମ ଦେଖି ଅନେକ ଆଶ୍ଚର୍ଯ୍ୟ ହେବା ସହ ପ୍ରଶଂସା ମଧ୍ୟ କରୁଛନ୍ତି ।

English summary

Ranveer vs Wild with Bear Grylls.