ଏହି ତାରିଖରେ ଓଟିଟିରେ ପ୍ଲାଟଫର୍ମରେ ରିଲିଜ୍ ହେବ ଫିଲ୍ମ 'ଆନିମଲ୍'

Animal OTT Release: ରଣବୀର କପୁରଙ୍କ ଫିଲ୍ମ 'ଆନିମଲ' ସମଗ୍ର ବିଶ୍ୱରେ ବର୍ତ୍ତମାନ ଚହଳ ସୃଷ୍ଟି କରୁଛି । ଫିଲ୍ମଟି ଦର୍ଶକଙ୍କ ଠାରୁ ବହୁତ ଭଲ ପ୍ରତିକ୍ରିୟା ସାଉଁଟୁଛି । ଏହି ଚଳଚ୍ଚିତ୍ରରେ ରଣବୀର କପୁରଙ୍କ ଅଭିନୟ ବର୍ତ୍ତମାନ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି । ପ୍ରେକ୍ଷାଳୟରେ ଫିଲ୍ମଟି ଭଲ ବ୍ୟବସାୟ ମଧ୍ୟ କରୁଛି ହେଲେ ବର୍ତ୍ତମାନ ଯେଉଁ ମାନେ ଏହି ଫିଲ୍ମ ସିନେମା ହଲ ଯାଇ ଦେଖି ପାରି ନାହାଁନ୍ତି, ସେମାନେ ଫିଲ୍ମର ଓଟିଟି ରିଲିଜ୍ ତାରିଖକୁ ଅପେକ୍ଷା କରିଛନ୍ତି । ତେବେ ଚାଲନ୍ତୁ ଜାଣିବା ଫିଲ୍ମଟି କେବେ ଏବଂ କେଉଁ OTT ପ୍ଲାଟଫର୍ମରେ ରିଲିଜ୍ ହେବ ।

ଆନିମଲ୍ OTT ରାଇଟସ୍ ନେଟଫ୍ଲିକ୍ସ ପାଖରେ ରହିଛି । ବଲିଉଡ ଲାଇଭ ଅନୁଯାୟୀ ଏହି ଫିଲ୍ମ ଆସନ୍ତା ବର୍ଷ ଜାନୁୟାରୀ ମାସରୁ ଷ୍ଟ୍ରିମ ହୋଇପାରିବ। କୌଣସି ଫିଲ୍ମ ପ୍ରେକ୍ଷାଳୟରେ ରିଲିଜ୍ ହେବାର 45-60 ଦିନ ପରେ ଯେକୌଣସି OTT ରେ ମୁକ୍ତିଲାଭ କରିପାରିବ । ସେହି ଅନୁଯାୟୀ, ଜାନୁଆରୀ 14 କିମ୍ବା 15 ରୁ ଫିଲ୍ମ ଆନିମଲ୍ ନେଟଫ୍ଲିକ୍ସରେ ରିଲିଜ୍ ହେବାର ସୂଚନା ରହିଛି । ହେଲେ ଏ ସମ୍ପର୍କରେ କୌଣସି ଅଫିସିଆଲ ଆନାଉନ୍ସମେଣ୍ଟ ହୋଇ ନାହିଁ ।

ଫିଲ୍ମ ଅନିମଲ୍ ଜବରଦସ୍ତ ରୋଜଗାର କରୁଛି ଏବଂ ଏହା ସହିତ ଏହା ଅନେକ ଚଳଚ୍ଚିତ୍ରର ରେକର୍ଡ ମଧ୍ୟ ବ୍ରେକ୍ କରୁଛି । ବକ୍ସ ଅଫିସରେ 230 କୋଟିରୁ ଅଧିକ ଆୟ କରିସାରିଲାଣି ଫିଲ୍ମ ଆନିମଲ୍ । ବର୍ତ୍ତମାନ ଏହି ଚଳଚ୍ଚିତ୍ର 250 କୋଟି ଟଙ୍କାର ମାର୍କ ଅତିକ୍ରମ କରିବାକୁ ଯାଉଛି । ଫିଲ୍ମର ବକ୍ସ ଅଫିସ୍ କଲେକସନକୁ ଲାଗୁଛି ଫିଲ୍ଟିମ ଖୁବ୍ ଶୀଘ୍ର ଇତିହାସ ସୃଷ୍ଟି କରିବା ପାଇଁ ଯାଉଛି । ଫିିଲ୍ମରେ ପ୍ରଥମ ଥର ରଣବୀର କପୁରଙ୍କ ସହ ରଶ୍ମିକା ମନ୍ଦାନାଙ୍କୁ ଦେଖିବା ପାଇଁ ମିଳୁଛି ଉଭୟଙ୍କ ରୋମାନ୍ସ ଫିଲ୍ମରେ ଚାରଚାନ୍ଦ ଲଗାଇଛି । ବଲିଉଡର ଏହି ନୂଆ ଯୋଡି ମଧ୍ୟ ଅନେକ ପ୍ରଶଂସା ସାଉଁଟୁଥିବାର ଦେଖିବା ପାଇଁ ମିଳୁଛି ।

English summary

Ranbir Kapoor Starrer Animal's OTT Release Details.