ରଣବୀର-ଆଲିଆଙ୍କ ଖ୍ରୀଷ୍ଟମାସ ଗିଫ୍ଟ୍: ପ୍ରଥମ ଥର ଦେଖାଇଲେ ଝିଅର ଚେହେରା

Raha First Public Appearence: ଖ୍ରୀଷ୍ଟମାସ ଅବସରରେ ରଣବୀର କପୁର ଏବଂ ଆଲିଆ ଭଟ୍ଟ ନିଜ ପ୍ରଶଂସକଙ୍କୁ ଦେଇଛନ୍ତି ଖାସ ଉପହାର । ଏହି ଷ୍ଟାର କପଲ୍ ନିଜ ପ୍ରିୟ ଝିଅ ରାହାର ଚେହେରା ପ୍ରଥମ ଥର ସାରା ଦୁନିଆକୁ ଦେଖାଇଛନ୍ତି । ବର୍ତ୍ତମାନ ସୋସିଆଲ ମିଡିଆରେ ଏହି ଏକ ଭିଡିଓ ଭାଇରାଲ ହେବାରେ ଲାଗିଛି । ଯାହା କିଛି କ୍ଷଣ ମଧ୍ୟରେ ପ୍ରାୟ ଲକ୍ଷରୁ ଅଧିକ ଥର ଦେଖାଯାଇ ସରିଲାଣି ।

ଆଜି କପୁର ପରିବାରର ଖ୍ରୀଷ୍ଟମାସ ମଧ୍ୟାହ୍ନ ଭୋଜନ ସମୟରେ ପ୍ରଥମ ଥର ପାପାରାଜିଙ୍କୁ ରଣବୀର-ଆଲିଆ ନିଜ ଝିଅ ରାହାଙ୍କ ଚେହେରା ଦେଖାଇଛନ୍ତି । ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବାରେ ଲାଗିଛି । କିଛି ଫ୍ୟାନ୍ସ ଏହି ଭିଡିଓ ସେୟାର ମଧ୍ୟ କରିଛନ୍ତି । ଭିଡିଓରେ ରଣବୀର ଝିଅ ରାହାଙ୍କୁ ନିଜ କୋଳରେ ଧରି ଥିବାର ନଜର ଆସୁଛନ୍ତି । ଭିଡିଓରେ କମେଣ୍ଟ ଓ ଲାଇକ୍ସର ବର୍ଷା ହେଉଥିବାର ଦେଖିବା ପାଇଁ ମିଳୁଛି ।

ସୂଚନାଥାଉ ଯେ, ନଭେମ୍ବର ୬ ତାରିଖ ୨୦୨୨ରେ ରାହା କପୁରଙ୍କ ଜନ୍ମ ହୋଇଥିଲା । କପୁର ଏବଂ ଭଟ୍ଟ ପରିବାରରେ କନ୍ୟା ସନ୍ତାନ ନେଇ ଖୁସିର ଲହରୀ ଖେଳିଯାଇଥିଲା । ଗତ ବର୍ଷ ଏହି ପରିବାର ପାଇଁ ସେଲିବ୍ରେସନର ବର୍ଷ । ପ୍ରଥମେ ବିବାହ ଏହାପରେ ପ୍ରଥମ ସନ୍ତାନର ଖୁସି ମନାଇଥିଲେ ରଣବୀର କପୁର ଏବଂ ପରିବାର। 2022 ଏପ୍ରିଲ ମାସରେ ବିବାହ ବନ୍ଧନରେ ବାନ୍ଧି ହୋଇଥିଲେ ଆଲିଆ-ରଣବୀର । ଜୁନରେ ଗର୍ଭବତୀ ଥିବା ନେଇ ଘୋଷଣା କରିଥିଲେ ।

English summary

Ranbir Kapoor-Alia's Daughter Raha First Public Appearence.