ରିଲିଜ ହେଲା ଚଳଚ୍ଚିତ୍ର 'Raksha Bandhan' ର ପ୍ରଥମ ଗୀତ
ସୁପରଷ୍ଟାର ଅକ୍ଷୟ କୁମାରଙ୍କ ଅଭିନୀତ ଫିଲ୍ମ 'ରକ୍ଷା ବନ୍ଧନ'ର ପ୍ରଥମ ଗୀତ 'ତେରେ ସାଥ ହୁଁ ମେଁ' ରିଲିଜ୍ ହୋଇଛି । ଦର୍ଶକଙ୍କୁ ଏହି ଗୀତ ଖୁବ୍ ପସନ୍ଦ ଆସିଛି । ଭାଇ ଓ ଭଉଣୀର ପବିତ୍ର ସଂପର୍କ ବିଷୟରେ ଏହି ଗୀତରେ ବର୍ଣ୍ଣନା କରାଯାଇଛି ।
ମୁମ୍ବାଇ: ରିଲିଜ୍ ହୋଇଛି ସୁପରଷ୍ଟାର ଅକ୍ଷୟ କୁମାରଙ୍କ ଅଭିନୀତ ଫିଲ୍ମ 'ରକ୍ଷା ବନ୍ଧନ'ର ପ୍ରଥମ ଗୀତ 'ତେରେ ସାଥ ହୁଁ ମେଁ' । ଭାଇ ଓ ଭଉଣୀର ପବିତ୍ର ସଂପର୍କ ବିଷୟରେ ଏହି ଗୀତରେ ବର୍ଣ୍ଣନା କରାଯାଇଛି । ଗୀତଟି ଦେଖିବା ପରେ ଦର୍ଶକଙ୍କୁ ଖୁବ୍ ପସନ୍ଦ ଆସିଛି । ଗୀତ ଦେଖି ଯେକେହି ଭାବପ୍ରବଣ ହୋଇଯିବ । ଏହି ଗୀତରେ ସ୍ବର ଦାନ କରିଛନ୍ତି ନିହାଲ ଟୌରୋ ।
ଏହି ଗୀତ ବିଷୟରେ ନିର୍ଦ୍ଦେଶକ ଆନନ୍ଦ ଏଲ୍ ରାୟ କହିଛନ୍ତି, ମୁଁ ସବୁବେଳେ ବିଶ୍ବାସ କରେ କି, ଏହାକୁ ଚଳଚ୍ଚିତ୍ରର ସ୍ୱରରେ ଯୋଡି ହେବା ଉଚିତ ଏବଂ ସବୁବେଳେ ଭାବନାକୁ ସଠିକ୍ ଉପାୟରେ କାବୁ କରିବା ପାଇଁ ଏକ ଉତ୍କୃଷ୍ଟ କାର୍ଯ୍ୟ କରିଛନ୍ତି !' ଏହି ଫିଲ୍ମ ଅଗଷ୍ଟ 11ରେ ସିନେମା ଘରେ ମୁକ୍ତିଲାଭ କରିବ । ରକ୍ଷା ବନ୍ଧନ ଅବସରରେ ମୁକ୍ତିଲାଭ କରିବାକୁ ଥିବା ଏହି ଚଳଚ୍ଚିତ୍ରଟି ଭାଇ ଏବଂ ଭଉଣୀଙ୍କ ମଧ୍ୟରେ ଥିବା ସୁନ୍ଦର ସମ୍ପର୍କର କାହାଣୀ ଉପରେ ଆଧାରିତ । ଯେଉଁଥିରେ ଜଣେ ଭାଇ ତାଙ୍କ ଚାରି ଭଉଣୀଙ୍କ ଭଲ ଭବିଷ୍ୟତ ପାଇଁ ଚିନ୍ତା କରିଛନ୍ତି, ଯିଏ ଚାହାଁନ୍ତି ଯେ ସେ ତାଙ୍କ ଭଉଣୀମାନଙ୍କୁ ଏକ ଭଲ ଘରେ ବିବାହ କରିବେ । ଭାଇ-ଭଉଣୀ ସମ୍ପର୍କର ଦୃଢ ବନ୍ଧନ ଫିଲ୍ମର ଗୀତରେ ମଧ୍ୟ ଦେଖିବାକୁ ମିଳିଛି, ଗୀତର ଲିରିକ୍ସ ମଧ୍ୟ ହୃଦୟସ୍ପର୍ଶୀ ହୋଇଛି ।
ଅକ୍ଷୟ କୁମାରଙ୍କ ସହ ଭୂମି ପେଡନେକରଙ୍କ ଅଭିନୀତ ଏହି ଚଳଚ୍ଚିତ୍ରରେ ନୀରଜ ସୁଦ, ସୀମା ପହୱା, ସାଦିଆ ଖତିବ, ଅଭିଲାଷ ଥପଲିୟାଲ, ଦୀପିକା ଖାନ୍ନା, ସ୍ମୃତି ଶ୍ରୀକାନ୍ତ ଏବଂ ସହଜମିନ କୌର ଅଭିନୟ କରିଛନ୍ତି। ହିମାଂଶୁ ଶର୍ମା ଏବଂ କାନିକା ଢିଲୋ ଦ୍ୱାରା ଲିଖିତ ଏହି ଚଳଚ୍ଚିତ୍ରଟି ଆନନ୍ଦ ଏଲ ରାୟ, ଅଲ୍କା ହିରାନନ୍ଦାନୀ ଏବଂ ଜି ଷ୍ଟୁଡିଓ ଦ୍ୱାରା ପ୍ରଯୋଜିତ ।
Click it and Unblock the Notifications
Sign in with Google