ପୁଣି ବିବାଦରେ ରାକ୍ଷୀଙ୍କ ପ୍ରେମ, ସତରେ ପ୍ରେମିକ ଆଦିଲଙ୍କୁ ବିବାହ କଲେ କି !

ମୁମ୍ବାଇ: ମନୋରଞ୍ଜନ ଜଗତର 'ଡ୍ରାମା କୁଇନ୍' ରାକ୍ଷୀ ସାୱନ୍ତ 'ବିଗ୍ ବସ୍ ମରାଠୀ ସିଜନ୍ 4' ରୁ ବାହାରିବା ମାତ୍ରେ ସମସ୍ତଙ୍କୁ ଆଶ୍ଚର୍ଯ୍ୟ କରିଛନ୍ତି । ସେ ପ୍ରାୟତଃ ନିଜ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚରା ରହିଥାନ୍ତି । ବର୍ତ୍ତମାନ ତାଙ୍କ ବିବାହ ଖବରକୁ ନେଇ ହେଡଲାଇନରେ ଅଛନ୍ତି ଅଭିନେତ୍ରୀ । ରାକ୍ଷୀ ସାୱନ୍ତ ଦାବି କରିଛନ୍ତି ଯେ, ସେ ପ୍ରେମିକ ଆଦିଲ ଖାନ ଦୁରାନୀଙ୍କ ସହ ଗୁପ୍ତ ବିବାହ କରିସାରିଛନ୍ତି । ଯାହାର ଭିଡିଓ ଏବଂ ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ରାକ୍ଷୀ ସାୱନ୍ତ ଆଦିଲ ଖାନଙ୍କ ସହ ତାଙ୍କ ବିବାହର ଏକ ଫଟୋ ଇନଷ୍ଟାଗ୍ରାମରେ ସେୟାର କରିଛନ୍ତି । କେବେଳ ଫଟୋ ନୁହେଁ ଭିଡିଓ ଶେୟାର କରିବା ସହ ମ୍ୟାରେଜ ସାର୍ଟିଫିକେଟ୍ ମଧ୍ୟ ଲୋକଙ୍କ ସାମ୍ନାରେ ରଖିଛନ୍ତି । ଉଭୟ ମ୍ୟାରେଜ ସାର୍ଟିଫିକେଟ୍ ହାତରେ ଧରିଥିବାର ଦେଖିବା ପାଇଁ ମିଳୁଛି । ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବା ପରେ ଫ୍ୟାନ୍ସ ରକ୍ଷୀ-ଆଦିଲଙ୍କୁ ଶୁଭେଚ୍ଛା ଜଣାଇବା ଆରମ୍ଭ କରିଦେଇଛନ୍ତି । ସେହିପରି କିଛି ଫ୍ୟାନ୍ସ ତାଙ୍କୁ ଜୋରଦାର ଟ୍ରୋଲ କରିବା ଆରମ୍ଭ କରିଦେଇଛନ୍ତି । ଭିଡିଓରୁ ଏହା ସ୍ପଷ୍ଟ ହେଉଛି ଯେ, ରାକ୍ଷୀ ସାୱନ୍ତ ପ୍ରକୃତରେ ଆଦିଲ ଖାନଙ୍କୁ ବିବାହ କରିଛନ୍ତି ।

ଗୋଟିଏ ପଟେ ରାକ୍ଷୀ ସାୱନ୍ତ ଦାବି କରୁଛନ୍ତି ଯେ, ସେ ମେ ୨୦୨୨ରେ ଆଦିଲଙ୍କୁ ବିବାହ କରିଥିଲେ ଏବଂ ତାଙ୍କ ଆଦିଲଙ୍କ କାଥ ମାନି ସେ ଏହି ବିବାହକୁ ଗୁପ୍ତ ରଖିଥିଲେ । ଅନ୍ୟପଟେ ଇ-ଟାଇମ୍ସ ରିପୋର୍ଟ ଅନୁଯାୟୀ, ଆଦିଲ ଏହି ବିବାହକୁ ସମ୍ପୂର୍ଣ୍ଣ ଭାବେ ଅସ୍ୱୀକାର କରିଛନ୍ତି । ରାକ୍ଷୀ ଏବଂ ଆଦିଲଙ୍କ ବିବାହ ପ୍ରମାଣପତ୍ରରୁ ଏହା ସ୍ପଷ୍ଟ ହେଉଛୁ ଯେ, ବିବାହ ପାଇଁ ରାକ୍ଷୀ ନିଜ ଧର୍ମ ପରିବର୍ତ୍ତନ କରିଛନ୍ତି ଏବଂ ସେ ନିଜ ନୂଆ ନାଁ ଫାତିମା ବୋଲି ରଖିଛନ୍ତି । ବର୍ତ୍ତମାନ ବିବାହକୁ ନେଇ କେବଳ ରକ୍ଷୀ ହିଁ ମୁହଁ ଖୋଲିଛନ୍ତି ସେ ପଟେ ଏ ବିଷୟରେ ଆଦିଲଙ୍କର କୌଣସି ପ୍ରତିକ୍ରିୟା ମିଳିପାରି ନାହିଁ ।

English summary

Rakhi Sawant Marriage With Adil Khan Durrani