ପ୍ରଥମ ଥର ପ୍ରିୟଙ୍କା ଚୋପ୍ରା ଦେଖାଇଲେ ଝିଅର ମୁହଁ

Updated: Wednesday, November 23, 2022, 14:48 [IST]

ମୁମ୍ବାଇ: ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରୁହନ୍ତି ଗ୍ଲୋବାଲ୍ ଆଇକନ୍ ପ୍ରିୟଙ୍କା ଚୋପ୍ରା । ଦେଶୀ ଗର୍ଲ ନିଜ ଜୀବନ ସହ ଜଡିତ ପ୍ରତ୍ୟେକ ଛୋଟ ଏବଂ ବଡ ଅପଡେଟ୍ ନିଜ ପ୍ରଶଂସକଙ୍କ ସହ ସେୟାର କରନ୍ତି । ଅଭିନେତ୍ରୀ ନିଜ ଫଟୋ ସହ ପରିବାରର ଫଟୋ ମଧ୍ୟ ପୋଷ୍ଟ କରନ୍ତି । ନିକଟରେ ପ୍ରିୟଙ୍କା ଚୋପ୍ରା ସରୋଗେସି ମାଧ୍ୟମରେ ମା' ହୋଇଥିଲେ । ସେବେଠାରୁ ପ୍ରଶଂସକମାନେ ତାଙ୍କ ସୁନ୍ଦର ଝିଅ ମାଲତି ଚୋପ୍ରାଙ୍କ ଫୋଟେ ଦେଖିବା ପାଇଁ ଅପେକ୍ଷା କରିଛନ୍ତି । ଏଭଳି ପରିସ୍ଥିତିରେ ପ୍ରଥମ ଥର ପାଇଁ ଅଭିନେତ୍ରୀ ସୋସିଆଲ ମିଡିଆରେ ଝିଅ ମାଲତିଙ୍କର ଫଟୋ ପୋଷ୍ଟ କରିଛନ୍ତି ।

ବୁଧବାର ଅର୍ଥାତ ଆଜି ସକାଳେ ପ୍ରିୟଙ୍କା ଚୋପ୍ରା ତାଙ୍କ ଇନଷ୍ଟା ଷ୍ଟୋରୀରେ ତାଙ୍କ ଝିଅ ମାଲତି ମେରି ଚୋପ୍ରା ଜୋନାସଙ୍କ ଏକ ଫଟୋ ସେୟାର କରିଛନ୍ତି । ହେଲେ ଏଥିରେ ତାଙ୍କର ପୁରା ମୁହଁ ବଦଳରେ ଅଧା ମୁହଁ ଦେଖିବା ପାଇଁ ଦୃଶ୍ୟମାନ ହେଉଛି । ଫୋଟ ସେୟାର କି ପିସି କ୍ୟାପସନରେ ଲେଖିଛନ୍ତି ମୋର ଅର୍ଥ ... ଡିସେମ୍ବର ୧, ୨୦୧୮ ରେ ପ୍ରିୟଙ୍କା ଚୋପ୍ରା ରାଜସ୍ଥାନରେ ନିକ ଜୋନାସଙ୍କ ସହ ବିବାହ କରିଥିଲେ । କେବଳ କିଛି ପରିବାର ଏବଂ ଘନିଷ୍ଠ ବନ୍ଧୁମାନେ ସେମାନଙ୍କ ବିବାହରେ ଯୋଗ ଦେଇଥିଲେ । ସେହିପରି ଚଳିତ ବର୍ଷ ଜାନୁୟାରୀ ୧୫, ୨୦୨୨ ରେ, ପ୍ରିୟଙ୍କା ଏବଂ ତାଙ୍କ ସ୍ୱାମୀ ନିକ ସେମାନଙ୍କର ପ୍ରଥମ ସନ୍ତାନ ମାଲତିଙ୍କୁ ସରୋଗେସି ମାଧ୍ୟମରେ ସ୍ୱାଗତ କରିଥିଲେ ।