ଆଇମ୍ୟାକ୍ସରେ ରିଲିଜ୍ ହେବ ମଣି ରତ୍ନାମଙ୍କ ଚଳଚ୍ଚିତ୍ର ‘PS-1'

Ponniyin Selvan-I : Ponniyin Selvan-I becomes First Tamil Film To Be Released In IMAX Format .ଆଇମ୍ୟାକ୍ସରେ ରିଲିଜ୍ ହେବ ମଣି ରତ୍ନାମଙ୍କ ଚଳଚ୍ଚିତ୍ର ‘PS-1'

ମୁମ୍ବାଇ: ମଣି ରତ୍ନାମଙ୍କ ଆଗାମୀ ଚଳଚ୍ଚିତ୍ର 'PS-1' । ଏହି ଫିଲ୍ମ ପାଇଁ ଦିନକୁ ଦିନ ଦର୍ଶକଙ୍କ ଉତ୍ସାହ ବଢିବାରେ ଲାଗିଛି । ଏବେ ଦର୍ଶକଙ୍କ ପାଇଁ ରହିଛି ଆଉ ଏକ ଖୁସି ଖବର । ଫିଲ୍ମଟି ଆଇମ୍ୟାକ୍ସରେ ରିଲିଜ୍ ହେବ । ତେବେ ଏହା ପ୍ରଥମ ତାମିଲ ଫିଲ୍ମ ଯାହା ଆଇମ୍ୟାକ୍ସରେ ରିଲିଜ୍ ହେବା ପାଇଁ ଯାଉଛି । ଦର୍ଶକ ଏହି ଫିଲ୍ମକୁ ଏବେ ଆଇମ୍ୟାକ୍ସରେ ଦେଖି ପାରିବେ । ଏହି ଖବର ଆସିବା ପରେ ଦର୍ଶକମାନେ ଉତ୍ସାହର ସହିତ ଏବେ ଫିଲ୍ମ ଅପେକ୍ଷାରେ । ତେବେ ଆଇମ୍ୟାକ୍ସର ସ୍ୱତନ୍ତ୍ରତା ହେଉଛି ଏଥିରେ ଉଚ୍ଚ ରିଜୋଲ୍ୟୁସନ୍ କ୍ୟାମେରା, ପ୍ରୋଜେକ୍ଟର୍ସ ଲାଗିଥାଏ । ଏହାର ସ୍କ୍ରିନ୍ ସାଇଜ୍ ମଧ୍ୟ ବଡ଼ ହୋଇଥାଏ ।

ତେବେ ଫିଲ୍ମଟି ୩୦ ସେପ୍ଟେମ୍ବର ୨୦୨୨ରେ ରିଲିଜ୍ ହେବା ପାଇଁ ଯାଉଛି । ଏହି ଫିଲ୍ମଟି ହିନ୍ଦୀ,ତାମିଲ, ତେଲୁଗୁ, କନ୍ନଡ ଏବଂ ମାଲାୟାଲମ୍ ଭାଷାରେ ମୁକ୍ତିଲାଭ କରିବ । ଏହି ସିନେମାରେ ବିକ୍ରମ, ଜୟମ ରବି, କାର୍ତ୍ତି, ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ତ୍ରିଶା ପ୍ରମୁଖ ନଜର ଆସିବେ । ତେବେ PS-1 ହେଉଛି ଏପିକ୍‌ ଡ୍ରାମା ତଥା ଉପନ୍ୟାସିକ ଚଳଚ୍ଚିତ୍ର। ଯାହା କଲକୀ କୃଷ୍ଣମୂର୍ତ୍ତିଙ୍କ ନୋବେଲ୍‌ ପୋନିୟିନ୍ ସେଲଭାନ୍ ଉପରେ ଆଧାରିତ । ଯେଉଁଥିରେ ଚୋଳ ସାମ୍ରାଜ୍ୟ ବିଷୟରେ ବର୍ଣ୍ଣନା କରାଯାଇଛି ।

ଏହି ଫିଲ୍ମଟି ୫୦୦ କୋଟି ମେଗା ବଜେଟ୍ ଫିଲ୍ମ ଯାହାର ଦୁଇଟି ପାର୍ଟ ରହିଛି । ଏହି ଫିଲ୍ମର ପ୍ରଥମ ଭାଗ ସେପ୍ଟେମ୍ବରରେ ରିଲିଜ୍‌ ହେବା ପାଇଁ ଯାଉଛି । ନିର୍ମାତାମାନେ ଏହାର ପ୍ରଥମ ଲୁକ୍ ରିଲିଜ୍ କରିସାରିଛନ୍ତି । ଯେଉଁଥିରେ ଐଶ୍ୱର୍ଯ୍ୟା ରାୟଙ୍କୁ ଜଣେ ରାଣୀ ଲୁକରେ ଦେଖିବାକୁ ମିଳିଥିଲା । ଏହି ପୋଷ୍ଟରକୁ ଦର୍ଶକ ଖୁବ ପସନ୍ଦ କରିଥିଲେ । ସୋସିଆଲ ମିଡିଆରେ ଫଟୋଟି ଖୁବ ଭାଇରାଲ ମଧ୍ୟ ହୋଇଥିଲା । ଐଶ୍ୱର୍ଯ୍ୟାଙ୍କ ଆକର୍ଷଣୀୟ ଲୁକ୍ ଦର୍ଶକଙ୍କୁ ବେଶ୍ ପସନ୍ଦ ଆସିଥିଲା । ଏବେ ଅପେକ୍ଷା ଏହି ମେଗା ବଜେଟ୍ ଫିଲ୍ମକୁ ।

English summary

Ponniyin Selvan-I becomes First Tamil Film To Be Released In IMAX Format